NCPCR send notice to Bournvita: ಬೌರ್ನ್‌ವಿಟಾದಲ್ಲಿ ಅತಿಯಾದ ಸಕ್ಕರೆಯ ಬಗ್ಗೆ ಪ್ರಾರಂಭವಾದ ವಿವಾದವು ನಿಲ್ಲುವ ಹಾಗೆ ಕಾಣುತ್ತಿಲ್ಲ. ಈಗ ಕಂಪನಿಯು ಹೊಸ ಸಂಕಷ್ಟಕ್ಕೆ ಸಿಲುಕಿದೆ. ರಾಷ್ಟ್ರೀಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗ (NCPCR) ಬೌರ್ನ್‌ವಿಟಾಗೆ ನೋಟಿಸ್ ಕಳುಹಿಸಿದೆ. ಎಲ್ಲಾ ತಪ್ಪುದಾರಿಗೆಳೆಯುವ ಜಾಹೀರಾತುಗಳನ್ನು ನಿಲ್ಲಿಸುವಂತೆ ನಿರ್ದೇಶಿಸಿದೆ. ಬೌರ್ನ್‌ವಿಟಾದಲ್ಲಿನ ಸಕ್ಕರೆ ಅಂಶದ ವಿವಾದದ ಹಿನ್ನೆಲೆಯಲ್ಲಿ, NCPCR ತನ್ನ "ದಾರಿ ತಪ್ಪಿಸುವ" ಜಾಹೀರಾತನ್ನು ತೆಗೆದುಹಾಕುವಂತೆ ಬ್ರಾಂಡ್‌ನ ತಯಾರಕ ಮೊಂಡೆಲೆಜ್ ಇಂಟರ್‌ನ್ಯಾಶನಲ್‌ಗೆ ತಿಳಿಸಿದೆ. ಇದರೊಂದಿಗೆ, NCPCR ಪ್ಯಾಕೇಜಿಂಗ್ ಮತ್ತು ಲೇಬಲ್ ಅನ್ನು ಪರಿಶೀಲಿಸಲು, ಅವುಗಳನ್ನು ಹಿಂತೆಗೆದುಕೊಳ್ಳುವಂತೆ ಕಂಪನಿಗೆ ನಿರ್ದೇಶನ ನೀಡಿದೆ.
ಏಳು ದಿನಗಳಲ್ಲಿ ವಿವರವಾದ ವಿವರಣೆಯನ್ನು ಅಥವಾ ವರದಿಯನ್ನು ನೀಡಲು ಬೌರ್ನ್‌ವಿಟಾ ಕಂಪನಿಗೆ NCPCR ಗಡುವು ನೀಡಿದೆ. ಬೌರ್ನ್‌ವಿಟಾ ಮಕ್ಕಳ ಆರೋಗ್ಯಕ್ಕೆ ಪ್ರಯೋಜನಕಾರಿಯಾದ ಆರೋಗ್ಯ ಪಾನೀಯ ಎಂದು ಪ್ರಚಾರ ಮಾಡುತ್ತಿದೆ ಎಂದು ಆರೋಪಿಸಿ ದೂರುಗಳನ್ನು ಸ್ವೀಕರಿಸಲಾಗಿದೆ ಎಂದು ಆಯೋಗ ಹೇಳುತ್ತಿದೆ. ಆದರೆ ಅದರಲ್ಲಿ ಹೆಚ್ಚಿನ ಪ್ರಮಾಣದ ಸಕ್ಕರೆ ಮತ್ತು ಮಕ್ಕಳಿಗೆ ಹಾನಿಕಾರಕವಾದ ಇತರ ಕೆಲವು ಅಂಶಗಳಿವೆ ಎಂಬ ಆರೋಪವಿದೆ. ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು ಎನ್ನಲಾಗುತ್ತಿದೆ. 'ಮೊಂಡೆಲೆಜ್ ಇಂಟರ್‌ನ್ಯಾಶನಲ್'ನ ಭಾರತ ಘಟಕದ ಮುಖ್ಯಸ್ಥ ದೀಪಕ್ ಅಯ್ಯರ್ ಅವರಿಗೆ ಕಳುಹಿಸಲಾದ ನೋಟಿಸ್‌ನಲ್ಲಿ ಅವರು ಜಾಹೀರಾತು ತಪ್ಪುದಾರಿಗೆಳೆಯುವಂತಿದೆ. ಜಾಹೀರಾತುಗಳನ್ನು ತೆಗೆದುಹಾಕಲು NCPCR ತಿಳಿಸಿದೆ.
ಇದನ್ನೂ ಓದಿ: Modi Cabinet ಮಹತ್ವದ ನಿರ್ಧಾರ, ವಿದ್ಯಾರ್ಥಿಗಳಿಗೆ ಸಂತಸದ ಸುದ್ದಿ, ಈ ಮಹತ್ವದ ನೀತಿಗೆ ಸಿಕ್ತು ಅನುಮೋದನೆ
ಏನಿದು ಬೌರ್ನ್‌ವಿಟಾ ವಿವಾದ?
ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ, ಬೌರ್ನ್‌ವಿಟಾದಲ್ಲಿ ಸಕ್ಕರೆಯ ಪ್ರಮಾಣವು ತುಂಬಾ ಹೆಚ್ಚಾಗಿರುತ್ತದೆ. ಇದು ಮಕ್ಕಳ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ ಎಂದು ಹೇಳಲಾಗಿದೆ. ಆದರೆ, ಕಂಪನಿಯು ಬೌರ್ನ್‌ವಿಟಾವನ್ನು ಆರೋಗ್ಯಕರ ಪಾನೀಯದ ಪುಡಿ ಎಂದು ಜಾಹೀರಾತು ಮಾಡುತ್ತದೆ. ಬೌರ್ನ್‌ವಿಟಾದಲ್ಲಿ ಅಧಿಕ ಸಕ್ಕರೆ ಇರುವುದರಿಂದ ಮಧುಮೇಹ ಮತ್ತು ಕ್ಯಾನ್ಸರ್‌ನಂತಹ ಕಾಯಿಲೆಗಳು ಬರಬಹುದು ಎಂದು ಸಾಮಾಜಿಕ ಮಾಧ್ಯಮದ ಪ್ರಭಾವಿಯೊಬ್ಬರು ಹೇಳಿಕೊಂಡಿದ್ದರು. ಆದರೆ, ಲೀಗಲ್ ನೋಟಿಸ್ ನಂತರ ಅವರು ತಮ್ಮ ವಿಡಿಯೋನ್ನು ತೆಗೆದುಹಾಕಿದ್ದರು.
ವಿಡಿಯೋ ವೈರಲ್ ಬಗ್ಗೆ ಬೌರ್ನ್‌ವಿಟಾ ಸ್ಪಷ್ಟನೆ
ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ನಂತರ ಬೌರ್ನ್‌ವಿಟಾ ಸ್ಪಷ್ಟನೆ ನೀಡಿದೆ. ಬೌರ್ನ್‌ವಿಟಾ ಏಳು ದಶಕಗಳಿಗೂ ಹೆಚ್ಚು ಕಾಲ ಗ್ರಾಹಕರ ಪ್ರೀತಿ ಮತ್ತು ವಿಶ್ವಾಸವನ್ನು ಗಳಿಸಿದೆ. ಬೌರ್ನ್‌ವಿಟಾವನ್ನು ಪ್ಯಾಕ್‌ನಲ್ಲಿ ಹೈಲೈಟ್ ಮಾಡಿದಂತೆ 200ML ಬಿಸಿ ಅಥವಾ ತಣ್ಣನೆಯ ಹಾಲಿನೊಂದಿಗೆ ಉತ್ತಮವಾಗಿ ಸೇವಿಸಬಹುದು. ಬೌರ್ನ್‌ವಿಟಾದ ಪ್ರತಿ ಸೇವೆಯು 7.5 ಗ್ರಾಂ ಸಕ್ಕರೆಯನ್ನು ಹೊಂದಿರುತ್ತದೆ, ಇದು ಸುಮಾರು ಒಂದೂವರೆ ಟೀ ಚಮಚಗಳಿಗೆ ಸಮ. ಇದು ಮಕ್ಕಳಿಗೆ ಸಕ್ಕರೆಯ ದೈನಂದಿನ ಸೇವನೆಯ ಮಿತಿಗಿಂತ ಕಡಿಮೆಯಾಗಿದೆ ಎಂದು ಬೌರ್ನ್‌ವಿಟಾ ಕಂಪನಿ ಸ್ಪಷ್ಟನೆ ನೀಡಿದೆ.
ಇದನ್ನೂ ಓದಿ: ಸಲಿಂಗ ವಿವಾಹದ ಕುರಿತ ಪ್ರಶ್ನೆಗಳನ್ನು ಸಂಸತ್ತಿಗೆ ಬಿಟ್ಟು ಬಿಡಿ ಎಂದು ಸುಪ್ರೀಂಗೆ ಹೇಳಿದ ಕೇಂದ್ರ
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
