Delhi Earthquake: ಇಂದು ಬೆಳಗಿನಜಾವ ನಡುಗಿದ ದೆಹಲಿ... ಪ್ರಬಲ ಭೂಕಂಪಕ್ಕೆ ಬೆಚ್ಚಿಬಿದ್ದ ರಾಷ್ಟ್ರ ರಾಜಧಾನಿ ಜನತೆ!

Delhi Earthquake: ಸೋಮವಾರ ಬೆಳಿಗ್ಗೆ 05:35 ರ ಸುಮಾರಿಗೆ ದೆಹಲಿ-ಎನ್‌ಸಿಆರ್‌ನಲ್ಲಿ ಪ್ರಬಲ ಭೂಕಂಪನ ಸಂಭವಿಸಿದೆ. ರಿಕ್ಟರ್ ಮಾಪಕದಲ್ಲಿ 4.0 ತೀವ್ರತೆ ದಾಖಲಾಗಿದೆ.

ನವದೆಹಲಿ: ಇಂದು ಬೆಳಿಗ್ಗೆ 05:35 ರ ಸುಮಾರಿಗೆ ದೆಹಲಿ-ಎನ್‌ಸಿಆರ್ ಪ್ರದೇಶದಲ್ಲಿ ಪ್ರಬಲ ಭೂಕಂಪನ ಸಂಭವಿಸಿದೆ. ರಿಕ್ಟರ್ ಮಾಪಕದಲ್ಲಿ 4.0 ತೀವ್ರತೆ ದಾಖಲಾಗಿದೆ. ಭೂಕಂಪನದ ತೀವ್ರತೆಗೆ ಮನೆಯಲ್ಲಿರುವ ಕಿಟಕಿಗಳು ಮತ್ತು ವಸ್ತುಗಳು ಅಲುಗಾಡಿದವು. 

ಗಾಢ ನಿದ್ದೆಯಲ್ಲಿದ್ದ ದೆಹಲಿ ಜನರು ಇದರಿಂದ ಗಾಬರಗೊಂಡಿದ್ದಾರೆ. ನೋಯ್ಡಾ, ಗಾಜಿಯಾಬಾದ್ ಮತ್ತು ಗುರುಗ್ರಾಮ್ ಸೇರಿದಂತೆ ವಿವಿಧ ಪ್ರಮುಖ ಪ್ರದೇಶಗಳಲ್ಲಿ ಇದರ ಪರಿಣಾಮ ಕಂಡುಬಂದಿದೆ. ಅನೇಕ ಜನರು ತಮ್ಮ ಮನೆಗಳಿಂದ ಓಡಿ ಹೊರಬದು ನಿಂತಿದ್ದಾರೆ. 

ಬಲವಾದ ಕಂಪನದ ಹೊರತಾಗಿಯೂ ಅದೃಷ್ಟವಶಾತ್ ಯಾವುದೇ ಗಮನಾರ್ಹ ಹಾನಿ ಅಥವಾ ಗಾಯಗಳು ವರದಿಯಾಗಿಲ್ಲ. ಕೆಲವು ದಿನಗಳ ಹಿಂದೆ ಸ್ಥಳೀಯರು ಲಘು ಭೂಕಂಪನದ ಬಗ್ಗೆ ಮಾಹಿತಿ ನೀಡಿದ್ದರು.  

ಇದನ್ನೂ ಓದಿ: ಮದುವೆ ಮಂಟಪದ ಬಾಡಿಗೆ ದುಬಾರಿನಾ? ಹಾಗಾದ್ರೆ ಇಲ್ಲಿದೆ ಕೇವಲ 2 ಸಾವಿರ ರೂ. ಮಂಟಪ..!

ಹಠಾತ್ ಭೂಕಂಪನ ಸಂಭವಿಸಿದಾಗ ಏನು ಮಾಡಬೇಕು?

ನಿಮಗೆ ಭೂಕಂಪದ ಅನುಭವವಾದರೆ, ಗಟ್ಟಿಮುಟ್ಟಾದ ಪೀಠೋಪಕರಣಗಳು ಅಥವಾ ಮೇಜಿನ ಕೆಳಗೆ ಮಲಗುವುದು ಉತ್ತಮ. ಬಲವಾದ ಕಂಪನದ ಸಮಯದಲ್ಲಿ ನಿಮ್ಮ ತೋಳುಗಳನ್ನು ನಿಮ್ಮ ತಲೆಯ ಮೇಲೆ ಜೋಡಿಸಿ ನೆಲದ ಮೇಲೆ ಕುಳಿತು ಬಿಡುವುದು ಗಾಯಗಳಿಂದ ರಕ್ಷಿಸಲು ಸಹಾಯ ಮಾಡುತ್ತದೆ.

ಎತ್ತರದ ಕಟ್ಟಡಗಳಲ್ಲಿರುವ ಜನರು ಕಂಪನ ಕಡಿಮೆಯಾಗುವವರೆಗೆ ಮನೆಯೊಳಗೆ ಇರಬೇಕು. ಭೂಕಂಪ ನಿಂತ ತಕ್ಷಣ ಕಟ್ಟಡದಿಂದ ಕೆಳಗಿಳಿಯಿರಿ. ಭೂಕಂಪದ ಸಮಯದಲ್ಲಿ ವಿದ್ಯುತ್ ಕಡಿತಗೊಳ್ಳುವ ಸಾಧ್ಯತೆ ಹೆಚ್ಚು. ಇದರಿಂದಾಗಿ ಲಿಫ್ಟ್‌ ಬಳಸುವುದನ್ನು ತಪ್ಪಿಸಿ, ಬದಲಿಗೆ ಮೆಟ್ಟಿಲುಗಳಿಂದ ಇಳಿಯಿರಿ.

ಭೂಕಂಪದ ಸಮಯದಲ್ಲಿ ಅಪಾಯಕಾರಿ ಪರಿಸ್ಥಿತಿಯಲ್ಲಿ ಸಿಲುಕಿಕೊಳ್ಳವುದನ್ನು ತಪ್ಪಿಸಲು, ದೊಡ್ಡ ಕಟ್ಟಡಗಳು, ಮರಗಳು ಮತ್ತು ಭಾರೀ ವಾಹನಗಳ ಬಳಿ ನಿಲ್ಲದಂತೆ ನಿಗಾವಹಿಸುವುದು ಮುಖ್ಯ.