Champions Trophy 2025: ಕ್ರಿಸ್ ಗೇಲ್ ನಿರ್ಮಿಸಿರುವ ಈ ವಿಶ್ವದಾಖಲೆಯ ಮೇಲೆ ವಿರಾಟ್ ಕೊಹ್ಲಿ ಕಣ್ಣು..!

ಮುಂಬೈ: ಈಗ ಮುಂಬರುವ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಭಾಗವಹಿಸಲು ಸಜ್ಜಾಗುತ್ತಿರುವ ವಿರಾಟ್ ಕೊಹ್ಲಿ ಈಗ ಬೃಹತ್ ವಿಶ್ವ ದಾಖಲೆಯ ಹೊಸ್ತಿಲಲ್ಲಿದ್ದಾರೆ.36 ವರ್ಷ ವಯಸ್ಸಿನ ಕೊಹ್ಲಿ, ಟೂರ್ನಿಯ ಸಾರ್ವಕಾಲಿಕ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಲು ಕೇವಲ 263 ರನ್‌ಗಳ ಅವಶ್ಯಕತೆಯಿದೆ.

ಚಾಂಪಿಯನ್ಸ್ ಟ್ರೋಫಿಯಲ್ಲಿ ಕ್ರಿಸ್ ಗೇಲ್ 17 ಪಂದ್ಯಗಳಿಂದ 52.73 ಸರಾಸರಿಯಲ್ಲಿ 791 ರನ್ ಗಳಿಸಿದ್ದಾರೆ ಮತ್ತು 88.77 ಸ್ಟ್ರೈಕ್-ರೇಟ್ ಹೊಂದಿದ್ದು, ಇದರಲ್ಲಿ ಮೂರು ಶತಕಗಳು ಮತ್ತು ಒಂದು ಅರ್ಧಶತಕಗಳು ಸೇರಿವೆ. ಆ ಮೂಲಕ ಈ ಟೂರ್ನಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎನ್ನುವ ಹಿರಿಮೆ ಗೇಲ್ ಅವರದ್ದಾಗಿದೆ.ಇನ್ನೊಂದೆಡೆಗೆ ಚಾಂಪಿಯನ್ಸ್ ಟ್ರೋಫಿಯಲ್ಲಿ 13 ಪಂದ್ಯಗಳಿಂದ ಕೊಹ್ಲಿ 88.16 ರ ಅದ್ಭುತ ಸರಾಸರಿಯಲ್ಲಿ 529 ರನ್ ಗಳಿಸಿದ್ದಾರೆ ಮತ್ತು ಐದು ಅರ್ಧಶತಕಗಳೊಂದಿಗೆ 92.32 ಸ್ಟ್ರೈಕ್-ರೇಟ್ ಹೊಂದಿದ್ದಾರೆ.

ಇದನ್ನೂ ಓದಿ: ದೆಹಲಿ ರೈಲು ನಿಲ್ದಾಣದಲ್ಲಿ ಕಾಲ್ತುಳಿತ.. ಮಹಾಕುಂಭ ಮೇಳಕ್ಕೆ ಹೊರಟಿದ್ದ 18 ಜನ ಸಾವು.. !

ಚಾಂಪಿಯನ್ಸ್ ಟ್ರೋಫಿಯಲ್ಲಿ ಅತಿ ಹೆಚ್ಚು ರನ್‌ ಗಳಿಸಿದ ಆಟಗಾರರು

ಕ್ರಿಸ್ ಗೇಲ್ - 17 ಪಂದ್ಯಗಳಿಂದ 791 ರನ್

ಮಹೇಲ ಜಯವರ್ಧನ - 22 ಪಂದ್ಯಗಳಿಂದ 742 ರನ್

ಶಿಖರ್ ಧವನ್ - 10 ಪಂದ್ಯಗಳಿಂದ 701 ರನ್

ಕುಮಾರ್ ಸಂಗಕ್ಕಾರ - 22 ಪಂದ್ಯಗಳಿಂದ 683 ರನ್

ಸೌರವ್ ಗಂಗೂಲಿ - 13 ಪಂದ್ಯಗಳಿಂದ 665 ರನ್

ಜಾಕ್ವೆಸ್ ಕಾಲಿಸ್ - 17 ಪಂದ್ಯಗಳಿಂದ 653 ರನ್

ರಾಹುಲ್ ದ್ರಾವಿಡ್ - 19 ಪಂದ್ಯಗಳಿಂದ 627 ರನ್

ರಿಕಿ ಪಾಂಟಿಂಗ್ - 18 ಪಂದ್ಯಗಳಿಂದ 593 ರನ್

ಶಿವನರೈನ್ ಚಂದ್ರಪಾಲ್ - 16 ಪಂದ್ಯಗಳಿಂದ 587 ರನ್‌

ಸನತ್ ಜಯಸೂರ್ಯ - 20 ಪಂದ್ಯಗಳಿಂದ 536 ರನ್‌

ವಿರಾಟ್ ಕೊಹ್ಲಿ - 13 ಪಂದ್ಯಗಳಿಂದ 529 ರನ್‌

ಇದನ್ನೂ ಓದಿ: ಮದುವೆ ಮಂಟಪದ ಬಾಡಿಗೆ ದುಬಾರಿನಾ? ಹಾಗಾದ್ರೆ ಇಲ್ಲಿದೆ ಕೇವಲ 2 ಸಾವಿರ ರೂ. ಮಂಟಪ..!

ವಿರಾಟ್ ಕೊಹ್ಲಿ ಈಗ ನಿರಂತರವಾಗಿ ಸುದೀರ್ಘ ಇನಿಂಗ್ಸ್ ಆಡುವಲ್ಲಿ ವಿಫಲರಾಗಿದ್ದಾರೆ.ಇತ್ತೀಚಿಗೆ ನಡೆದ ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿಯೂ ಅವರು ನಿರಾಶಾದಾಯಕ ಪ್ರದರ್ಶನ ನೀಡಿದ್ದರು.ಇದಾದ ನಂತರ ಅವರು 12 ವರ್ಷಗಳ ಬಳಿಕ ರಣಜಿ ಪಂದ್ಯದಲ್ಲಿ ಕಾಣಿಸಿಕೊಂಡಿದ್ದರು ಅಲ್ಲಿಯೂ ಕೂಡ ಅವರು ಬ್ಯಾಟಿಂಗ್ ವೈಫಲ್ಯವನ್ನು ಮುಂದುವರೆಸಿದರು.ಈಗ ಫೆಬ್ರವರಿ 19 ರಿಂದ ಆರಂಭವಾಗಲಿರುವ ಚಾಂಪಿಯನ್ಸ್ ಟ್ರೋಫಿಯಲ್ಲಾದರೂ ಅವರು ತಮ್ಮ ಎಂದಿನ ಫಾರ್ಮ್ ಗೆ ಬರುತ್ತಾರೆಯೇ ಎನ್ನುವುದನ್ನು ಕಾದು ನೋಡಬೇಕಾಗಿದೆ.