ಕೇವಲ 2 ಕ್ಯಾಚ್‌ ಹಿಡಿದು ಹೊಸ ದಾಖಲೆ ಸೃಷ್ಟಿಸಿದ ವಿರಾಟ್‌ ಕೊಹ್ಲಿ..! ಕಿಂಗ್‌ ಎನ್‌ ಮಾಡಿದ್ರೂ ರೆಕಾರ್ಡ್‌ ಗುರು..

IND vs PAK Virat Kohli : ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಹೊಸ ದಾಖಲೆ ನಿರ್ಮಿಸಿದ್ದಾರೆ. ಬ್ಯಾಟಿಂಗ್‌ನಲ್ಲಿ ಹಿಂದೆ ಉಳಿದರೂ ಸಹ ಫೀಲ್ಡಿಂಗ್‌ನಲ್ಲಿನ ಎಲ್ಲಾ ನ್ಯೂನತೆಗಳನ್ನು ಸರಿದೂಗಿಸಿದ್ದಾರೆ. ಇದೀಗ ವಿರಾಟ್ ಕೊಹ್ಲಿ ಹೆಸರಿನಲ್ಲಿ ಹೊಸ ದಾಖಲೆ ದಾಖಲಾಗಿದೆ.. ಅಲ್ಲದೆ, 25 ವರ್ಷಗಳ ಹಳೆಯ ದಾಖಲೆ ಮುರಿದಿದ್ದಾರೆ..

Virat Kohli catches : ವಿರಾಟ್ ಕೊಹ್ಲಿ ಅಭಿಮಾನಿಗಳು ಬಯಸಿದಂತೆ ಬ್ಯಾಟಿಂಗ್ ಆಡುತ್ತಿಲ್ಲ.. ಬಯಸಿದ ರನ್‌ಗಳನ್ನು ಬರುತ್ತಿಲ್ಲ.. ಇದರಿಂದ ಭಾರತೀಯ ಕ್ರೀಡಾಭಿಮಾನಿಗಳು ಚಿಂತಿತರಾಗಿದ್ದಾರೆ. ಆದರೆ ಅವರು ಫೀಲ್ಡಿಂಗ್‌ನಲ್ಲಿ ದಾಖಲೆ ನಿರ್ಮಿಸಿದ್ದಾರೆ. ಹೌದು.. ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಕಿಂಗ್‌ ಕೊಹ್ಲಿ ಈ ದಾಖಲೆಯನ್ನು ಬರೆದಿದ್ದಾರೆ.. ಈ ಪಂದ್ಯದಲ್ಲಿ ಕೊಹ್ಲಿ ಒಂದು ಕ್ಯಾಚ್ ಹಿಡಿಯುವ ಮೂಲಕ ಈ ದಾಖಲೆಯನ್ನು ಸ್ಥಾಪಿಸಿದ್ದಾರೆ.

ಯಸ್‌.. ಚಾಂಪಿಯನ್ಸ್ ಟ್ರೋಫಿ ಪಂದ್ಯದಲ್ಲಿ ಪಾಕ್‌ ಭಾರತಕ್ಕೆ 241 ರನ್‌ಗಳ ಗುರಿ ನೀಡಿದೆ. ಈ ಬಾರಿ ವಿರಾಟ್ ಕೊಹ್ಲಿ ಎರಡು ಕ್ಯಾಚ್‌ಗಳನ್ನು ಹಿಡಿದರು. ಕೊಹ್ಲಿ ಪಂದ್ಯದಲ್ಲಿ ಮೊದಲ ಕ್ಯಾಚ್ ಹಿಡಿಯುವ ಮೂಲಕ ದಾಖಲೆ ನಿರ್ಮಿಸಿದ್ದಾರೆ.

ಇದನ್ನೂ ಓದಿ:IND vs PAK Live score: ಭಾರತ-ಪಾಕಿಸ್ತಾನ ಪಂದ್ಯ ಡ್ರಾ ಆದರೆ, ವಿಜೇತರ ನಿರ್ಧಾರ ಹೇಗಾಗುತ್ತೆ ಗೊತ್ತೆ..?

ಕುಲದೀಪ್ ಯಾದವ್ ಎಸೆದ 47ನೇ ಓವರ್‌ನಲ್ಲಿ ನಸೀಮ್ ಶಾ ಹೊಡೆತಕ್ಕೆ ವಿರಾಟ್ ಕೊಹ್ಲಿ ಅದ್ಭುತ ಕ್ಯಾಚ್ ಹಿಡಿದರು. ಇದರೊಂದಿಗೆ, ಕೊಹ್ಲಿ ಏಕದಿನ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಕ್ಯಾಚ್‌ಗಳನ್ನು ಪಡೆದ ಭಾರತೀಯ ಫೀಲ್ಡರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ವಿರಾಟ್ ಕೊಹ್ಲಿ ತಮ್ಮ 299ನೇ ಪಂದ್ಯದಲ್ಲಿ 157 ಕ್ಯಾಚ್‌ಗಳನ್ನು ಹಿಡಿದು ಮೊಹಮ್ಮದ್ ಅಜರುದ್ದೀನ್ ಅವರ ದಾಖಲೆಯನ್ನು ಮುರಿದರು. 25 ವರ್ಷಗಳ ಹಿಂದೆ ಅಂದರೆ 2000 ರಲ್ಲಿ ಅಜರುದ್ದೀನ್ ಈ ಕ್ಯಾಚ್ ಹಿಡಿಯುವ ದಾಖಲೆಯನ್ನು ನಿರ್ಮಿಸಿದ್ದರು. ಅವರು 156 ಕ್ಯಾಚ್‌ಗಳನ್ನು ಹಿಡಿದಿದ್ದರು. ಇದೀಗ ವಿರಾಟ್ ಕೊಹ್ಲಿ 25 ವರ್ಷಗಳ ನಂತರ ಈ ದಾಖಲೆಯನ್ನು ಮುರಿದರು.

ಇದನ್ನೂ ಓದಿ:ಪಂದ್ಯದ ವೇಳೆ ಪಾಕ್‌ ನಾಯಕನ ಕಿರಿಕ್‌..! ಹರ್ಷಿತ್ ಲುಕ್‌ಗೆ ರಿಜ್ವಾನ್‌ ಫುಲ್‌ ಸೈಲೆಂಟ್‌.. ವಿಡಿಯೋ ವೈರಲ್‌

ವಿಶ್ವ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಕ್ಯಾಚ್‌ಗಳನ್ನು ಪಡೆದ ಆಟಗಾರರ ಪಟ್ಟಿಯಲ್ಲಿ ವಿರಾಟ್ ಕೊಹ್ಲಿ ಈಗ 3ನೇ ಸ್ಥಾನದಲ್ಲಿದ್ದಾರೆ. ಏಕದಿನ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಕ್ಯಾಚ್‌ಗಳನ್ನು ಪಡೆದ ದಾಖಲೆ ಶ್ರೀಲಂಕಾದ ಮಹೇಲ ಜಯವರ್ಧನೆ ಹೆಸರಲ್ಲಿದೆ.. ಅವರು 218 ಕ್ಯಾಚ್‌ಗಳನ್ನು ಹಿಡಿದಿದ್ದಾರೆ. ರಿಕಿ ಪಾಂಟಿಂಗ್ 160 ಕ್ಯಾಚ್‌ಗಳನ್ನು ಹಿಡಿದು ಎರಡನೇ ಸ್ಥಾನದಲ್ಲಿದ್ದಾರೆ..