Delhi Teenager Murder Case: 350 രൂപയ്ക്കുവേണ്ടി കൗമാരക്കാരനെ കുത്തിയത് 60 തവണ!! കൊലയ്ക്കുശേഷം മൃതദേഹത്തിൽ ചവിട്ടി നൃത്തം

Delhi Teenager Murder Case: വെറും 350 രൂപയ്‌ക്ക് 16 വയസ്സുള്ള ഒരു ആൺകുട്ടി സ്വന്തം പ്രായമുള്ള ആൺകുട്ടിയെ അതിക്രൂരമായി കൊലപ്പെടുത്തുകയായിരുന്നു. ചൊവ്വാഴ്ച രാവിലെ 11.15 ഓടെയാണ് സംഭവത്തെക്കുറിച്ചുള്ള വിവരം ലഭിച്ചതെന്ന് ഡൽഹി പോലീസ് അറിയിച്ചു.

Delhi Teenager Murder Case: വെറും 350 രൂപ കൈക്കലാക്കാനായി കൗമാരക്കാരനെ കുത്തി കൊലപ്പെടുത്തി മറ്റൊരു കൗമാരക്കാരന്‍. പണം മോഷ്ടിക്കാനായി അയാൾ തലയിലും കഴുത്തിലും ചെവിയിലുമായി 60 തവണയാണ് കുത്തിയത്.

താന്‍ ആക്രമിച്ചയാള്‍ ജീവിച്ചിരിപ്പില്ലെന്ന് ഉറപ്പായപ്പോൾ, മരിച്ചയാളുടെ ശരീരത്തിൽ നൃത്തം ചെയ്യുകയും ചെയ്തു കൊലയാളി. നോർത്ത് ഈസ്റ്റ് ഡൽഹിയിലെ വെൽക്കം ഏരിയയിലാണ് രാജ്യത്തെ ഞെട്ടിപ്പിച്ച ഈ സംഭവം അരങ്ങേറിയത്. കൊലപാതകത്തെത്തുടര്‍ന്ന് പ്രദേശത്തെ ജനങ്ങൾ ആകെ പരിഭ്രാന്തിയിലാണ്. 

വാസ്‌തവത്തിൽ, വെറും 350 രൂപയ്‌ക്ക് 16 വയസ്സുള്ള ഒരു ആൺകുട്ടി സ്വന്തം പ്രായമുള്ള ആൺകുട്ടിയെ അതിക്രൂരമായി കൊലപ്പെടുത്തുകയായിരുന്നു. സിസിടിവിയിലൂടെയാണ്  ഹൃദയഭേദകമായ ഈ സംഭവം പുറത്തായത്. കുറ്റവാളി ഇപ്പോള്‍ ഡല്‍ഹി പോലീസിന്‍റെ കസ്റ്റഡിയിലാണ്.  പ്രതിയെ ചോദ്യം ചെയ്ത ശേഷം കൂടുതൽ വിവരങ്ങൾ ലഭിക്കുമെന്ന് പോലീസ് പറഞ്ഞു.

ചൊവ്വാഴ്ച രാവിലെ 11.15 ഓടെയാണ് സംഭവത്തെക്കുറിച്ചുള്ള വിവരം ലഭിച്ചതെന്ന് ഡൽഹി പോലീസ് അറിയിച്ചു. പ്രതിയെ പോലീസ് അറസ്റ്റ് ചെയ്തിട്ടുണ്ട്. പ്രായപൂർത്തിയാകാത്തതിനാൽ പ്രതിയുടെ പേരുവിവരങ്ങൾ പോലീസ് പുറത്തുവിട്ടിട്ടില്ല. സ്‌കൂൾ പഠനം ഉപേക്ഷിച്ചയാളാണ് പ്രതിയെന്ന് പോലീസ് പറഞ്ഞു. കൊലപാതകം നടത്തുമ്പോൾ ഇയാൾ മദ്യലഹരിയിലായിരുന്നു. ജാഫ്രാബാദ് സ്വദേശിയാണ് പ്രതി. അറസ്റ്റിന് ശേഷം പ്രതിയെ ചോദ്യം ചെയ്തു വരികയാണെന്ന് പോലീസ് പറഞ്ഞു. ഇതോടൊപ്പം ഇയാൾക്ക് മുൻകാല ക്രിമിനൽ റെക്കോർഡ് ഉണ്ടായിരുന്നോ എന്നറിയാനും ശ്രമം നടക്കുന്നുണ്ട്.

മോഷണശ്രമത്തിനിടെ കൊലപാതകം  

ഇരയുടെ പണം തട്ടിയെടുക്കാനാണ് പ്രതി ആദ്യം ശ്രമിച്ചതെന്ന് പോലീസ് പറയുന്നു.  ഇര പണം നൽകാൻ വിസമ്മതിച്ചപ്പോൾ,  അക്രമാസക്തനാകുകയും കഴുത്ത് ഞെരിച്ച് കൊല്ലുകയും കത്തി ഉപയോഗിച്ച് 60 തവണയെങ്കിലും കുത്തുകയും ചെയ്തു. ഓടിക്കൂടിയ പ്രദേശവാസികള്‍ കുട്ടിയെ ജിടിബി ആശുപത്രിയിൽ എത്തിച്ചു. എന്നാൽ വഴിമധ്യേ മരണം സംഭവിച്ചു. സിസിടിവി ദൃശ്യങ്ങളാണ് പ്രതിയെ പിടികൂടാൻ സഹായിച്ചത്. 

.പ്രതിയും ഇരയും തമ്മിൽ മുന്‍ പരിചയമുണ്ടായിരുന്നില്ലെന്നാണ് നോർത്ത് ഈസ്റ്റ് ഡിസിപി ജോയ് ടിർക്കി പറയുന്നത്‌. ഇരുവരും ജന്ത മസ്ദൂർ കോളനിയിലാണ് താമസിച്ചിരുന്നത്. ഇരയുടെ കൈവശം ഉണ്ടായിരുന്ന  350 രൂപ നൽകാൻ വിസമ്മതിച്ച അവസരത്തില്‍ അതി ക്രൂരമായി കൊലപ്പെടുത്തുകയായിരുന്നു.