ചീര, കാരറ്റ്, ഗ്രീൻ പീസ്, കോളിഫ്ലവർ, റാഡിഷ് തുടങ്ങിയ വർണ്ണാഭമായതും ആരോഗ്യകരവുമായ പച്ചക്കറികളുടെ സീസണാണ് ശൈത്യകാലം. ഈ ശീതകാല പച്ചക്കറികൾ ആരോഗ്യത്തിന് വളരെയധികം ഗുണം ചെയ്യും. നിരവധി ആരോഗ്യ ഗുണങ്ങൾ നൽകുന്ന ഒരു പച്ചക്കറിയാണ് കാരറ്റ്. കാരറ്റിൽ പൊട്ടാസ്യം ധാരാളം അടങ്ങിയിട്ടുണ്ട്, അതിനാൽ ശരീരത്തിൽ ജലാംശം നിലനിർത്തുകയും കൊളസ്ട്രോൾ കുറയ്ക്കുകയും ചെയ്യുന്നു. എന്നാൽ, ശരീരഭാരം നിയന്ത്രിക്കാൻ കാരറ്റ് കഴിക്കുന്നത് സഹായിക്കുമെന്ന് അറിയാമോ?
ശൈത്യകാലത്ത് ശരീരഭാരം കുറയ്ക്കാൻ കാരറ്റ് എങ്ങനെ സഹായിക്കുന്നു?
കാരറ്റിന് ഓറഞ്ച് നിറം ലഭിക്കുന്നത് ബീറ്റാ കരോട്ടിൻ എന്ന ആന്റിഓക്‌സിഡന്റിൽ നിന്നാണ്, ഇത് ശരീരം എളുപ്പത്തിൽ വിറ്റാമിൻ എ ആയി പരിവർത്തനം ചെയ്യുന്നു. ശരീരഭാരം കുറയ്ക്കാൻ വിറ്റാമിൻ എ സഹായിക്കുമെന്ന് പഠനങ്ങൾ വ്യക്തമാക്കുന്നു. വിസറൽ കൊഴുപ്പ് കുറയ്ക്കാൻ ഇത് പ്രത്യേകം സഹായിക്കുന്നു. ആന്റിഓക്‌സിഡന്റ് ബീറ്റാ കരോട്ടിൻ ശരീരത്തിലെ കൊഴുപ്പ് കുറയ്ക്കാനും ഉയർന്ന രക്തസമ്മർദ്ദം പോലുള്ള അമിതവണ്ണത്തിന്റെ ദോഷകരമായ ആഘാതങ്ങളിൽ നിന്ന് ശരീരത്തെ സംരക്ഷിക്കാനും സഹായിക്കുന്നു.
ALSO READ: വേഗത്തിൽ കൊഴുപ്പ് കുറയ്ക്കാം... ശരീരഭാരം കുറയ്ക്കാം... ഉറങ്ങുന്നതിന് മുൻപ് കഴിക്കണം ഇവ
സ്വാഭാവികമായും കലോറി കുറവും പോഷകങ്ങൾ കൂടുതലും ഉള്ളതിനാൽ ശരീരഭാരം കുറയ്ക്കാൻ കാരറ്റിന് കഴിയും. കാരറ്റ് സ്റ്റിക്കുകൾ കഴിക്കുന്നത് ആരോഗ്യകരമായ രീതിയിൽ ശരീരഭാരം കുറയ്ക്കാൻ നിങ്ങളെ സഹായിക്കും. വേവിച്ച കാരറ്റിന് കുറച്ച് കലോറി ഉണ്ട്. ശരീരഭാരം കുറയ്ക്കാൻ കാരറ്റ് ഉടനെ പ്രവർത്തിക്കില്ല. കാരറ്റ് കഴിച്ചാൽ വളരെ വേഗത്തിൽ ശരീരഭാരം കുറയില്ല. പകരം, ഇവ നിങ്ങളുടെ ശരീരത്തിന്റെ ആന്റിഓക്‌സിഡന്റ് പ്രൊഫൈലും ജീവിതശൈലിയും മെച്ചപ്പെടുത്തും.
രാത്രിയോ വൈകുന്നേരത്തെ ലഘുഭക്ഷണമായോ അല്ലെങ്കിൽ അതിരാവിലെ ചിപ്‌സ് പോലുള്ള ഉയർന്ന കലോറി ഭക്ഷണങ്ങൾക്ക് പകരമായോ കാരറ്റ് കഴിക്കാവുന്നതാണ്. ശരീരഭാരം കുറയ്ക്കാൻ സഹായിക്കുന്നതിനൊപ്പം കാരറ്റ് നിരവധി ആരോഗ്യ ഗുണങ്ങളും നൽകുന്നു. ആന്റി ഓക്സിഡന്റുകൾ, പൊട്ടാസ്യം, വിറ്റാമിൻ കെ 1, ബീറ്റാ കരോട്ടിൻ, ഫൈബർ എന്നിവയുടെ മികച്ച ഉറവിടമാണ് കാരറ്റ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
