777 Charlie Teaser : ധർമയുടെ അരികിൽ തിരികെ എത്താൻ ചാർലിയുടെ പ്രയാണം, '777 ചാർലി' ടീസർ പുറത്തിറങ്ങി [VIDEO]

Bengaluru : ഒരു നായ പ്രധാന കഥപാത്രമായി എത്തുന്ന കന്നട ചിത്രം 777 ചാർലിയുടെ ടീസർ (777 Charlie Teaser) പുറത്തിറങ്ങി. കന്നടയിലെ (Kannada) സംവിധായകനും നടനുമായ രക്ഷിത് ഷെട്ടിയാണ് (Rakshit Shetty) കനൈൻ താരത്തിനോടൊപ്പം പ്രധാന വേഷ കൈകരാര്യം ചെയ്യുന്നത്. രക്ഷിത് ഷെട്ടിയുടെ പിറന്നാളിനോട് അനുബന്ധിച്ചാണ് ഇന്ന് ചിത്രത്തിന്റെ ടീസർ പുറത്തിറക്കിയത്.

ഇന്ത്യയിൽ മൃഗങ്ങളെ കേന്ദ്ര കഥപാത്രമാക്കി ഇറക്കുന്ന ചിത്രങ്ങൾ വളരെ കുറവായതിനാൽ 777 ചാർളിയ്ക്ക് വലിയ തോതിലാണ് പ്രേക്ഷക ശ്രദ്ധ ലഭിക്കുന്നത്. വഴി എവിടെയോ വെച്ച് തന്റെ യജമാനനെ നഷ്ടപ്പെട്ട ചാർലി എന്ന് നായയുടെ പ്രയാണമാണ് ചിത്രത്തിലുള്ളതെന്ന് ടീസർ സൂചിപ്പിക്കുന്നു. ചാർലി ധർമയുടെ ജീവതത്തിലേക്ക് എത്തിചേരുന്നതും അതിലൂടെ ധർമ്മുയുടെ ജീവതത്തിൽ ഉണ്ടാകുന്ന മാറ്റമാണ് ചിത്രത്തിൽ പറയാൻ പോകുന്നതെന്ന് ടീസർ സൂചിപ്പുക്കുന്നു.

കന്നടയ്ക്ക് പുറമെ മലയാളം, തമിഴ് തെലുഗു, ഹിന്ദി എന്നീ ഭാഷകളിലും ചിത്രം റിലീസാകുന്നുണ്ട്. മലയാളത്തിൽ നടൻ പൃഥ്വിരാജിന്റെ പൃഥ്വിരാജ് പ്രൊഡക്ഷൻസാണ് വിതരണം ചെയ്യുന്നത്. താൻ ചിത്രത്തിന്റെ ചില ഭാഗങ്ങൾ കാണാനിടയായി എന്നും മികച്ച ഒരു ഉള്ളടക്കം നിറഞ്ഞ ചിത്രമാണെന്ന് കഴിഞ്ഞ ദിവസം പൃഥ്വിരാജ് അറിയിച്ചിരുന്നു.

മലയാളത്തിൽ ഇറങ്ങിയ ടീസറിലെ ഗാനം വിനീത് ശ്രീനിവാസനാണ് പാടിയിടരിക്കുന്നത്. ഓടുന്നീ കാലം എന്ന് തുടങ്ങുന്ന ഗാനത്തിന് നോബിൻ പോളാണ് സംഗീതം നൽകിയിരിക്കുന്നത്. 

തമിഴിൽ നിലിവലെ സംവിധായകരിൽ പ്രമുഖനായ കാർത്തിക് സുബ്ബരാജാണ് വിതരണവകാശം നേടിയിക്കുന്നത്. കാർത്തിക് സുബ്ബരാജിന്റെ സ്റ്റോൺബെഞ്ച് ഫിലിംസാണ് തമിഴ്നാട്ടിൽ പ്രദർശനത്തിനായിട്ടുള്ള അവകാശം നേടിയത്.  

കെ കിരൺരാജാണ് ചിത്രത്തിന്റെ സംവിധാനവും തിരക്കഥയും ചെയ്തിരിക്കുന്നത്. രക്ഷിത് ഷെട്ടിയെ കൂടാതെ തമിഴ് താരം ബോബി സിംഹാ, സംഗീതാ ശ്രിന്ഗേരി, രാജ് ബി ഷെട്ടി, ഡാനിഷ് സേട്ട് എന്നിവരാണ് മുഖ്യ കഥപാത്രങ്ങളായി എത്തുന്നത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy