Allu Arjun: ന്യൂയോർക്കിലെ ഏറ്റവും വലിയ ഇന്ത്യൻ പരേഡിൽ ഗ്രാൻഡ് മാർഷലായി അല്ലു അർജുൻ

Allu Arjun: ഇന്ത്യയുടെ ഗ്രാൻഡ് മാർഷലായി ഐക്കൺ താരം അല്ലു അർജുൻ ഇന്ത്യയെ പ്രതിനിധീകരിച്ചു. ഭാര്യ സ്നേഹയ്‌ക്കൊപ്പമാണ് അല്ലു അർജുൻ ചടങ്ങിൽ പങ്കെടുത്തത്.

ന്യൂയോർക്കിൽ നടന്ന 2022ലെ ഇന്ത്യയുടെ സ്വാതന്ത്ര്യ ദിന പരേഡിൽ ഇന്ത്യയുടെ ഗ്രാൻഡ് മാർഷലായി ഐക്കൺ താരം അല്ലു അർജുൻ ഇന്ത്യയെ പ്രതിനിധീകരിച്ചു. ഭാര്യ സ്നേഹയ്‌ക്കൊപ്പമാണ് അല്ലു അർജുൻ ചടങ്ങിൽ പങ്കെടുത്തത്. അഞ്ച് ലക്ഷം ആളുകൾ ഈ പരിപാടിയിൽ പങ്കെടുത്തു. സദസ്സിൽ ഇന്ത്യയോടുള്ള ദേശസ്നേഹവും അല്ലു അർജുനോടുള്ള ആരാധനയുമാണ് പ്രകടമായത്. പരേഡിന് ഇതുവരെ കാണാത്ത വിധം ധാരാളം പ്രവാസി ഇന്ത്യക്കാരാണ് എത്തിച്ചേർന്നത്. 2022ൽ ഇതാദ്യമായാണ് അഞ്ച് ലക്ഷം പേർ ഒരു പരിപാടിക്കായി എത്തുന്നത്.

ഇന്ത്യൻ ദേശീയ പതാക വീശി അല്ലു അർജുൻ ന്യൂയോർക്കിലെ തെരുവുകളിലൂടെ നടന്നു. ന്യൂയോർക്കിലെ തെരുവുകളിൽ അദ്ദേഹത്തെ കാണാൻ വൻ ജനക്കൂട്ടമാണ് തടിച്ചുകൂടിയത്. ജയ് ഹിന്ദ് എന്നെഴുതിയ പ്ലക്കാർഡുകൾ ഉയർത്തിയാണ് അവരെത്തിയത്. അല്ലു അർജുൻ എല്ലാവരേയും സ്നേഹത്തോടെ അഭിവാദ്യം ചെയ്തു. ന്യൂയോർക്ക് മേയർ എറിക് ആഡംസ് അല്ലു അർജുനെ ആദരിച്ചു. കുറച്ച് സമയത്തെ കൂടിക്കാഴ്ചക്ക് ശേഷം രണ്ടുപേരും ചേർന്ന് സിഗ്നേച്ചർ മൊമെന്റും നടത്തി.

Allu Arjun: കോടികൾ വേണ്ട; മദ്യ കമ്പനിയുടെ പരസ്യത്തിൽ നിന്ന് പിന്മാറി അല്ലു അര്‍ജുന്‍

തെന്നിന്ത്യൻ ഒട്ടനവധി ആരാധകരുള്ള നടനാണ് അല്ലു അർജുൻ. ഹാപ്പി, ആര്യ എന്നീ ചിത്രങ്ങളിലൂടെ മലയാളി പ്രേക്ഷകരുടെയും പ്രിയങ്കരനായി മാറിയ അല്ലു അർജുനെ സ്റ്റൈലിഷ് താരം എന്നാണ് പലരും വിളിക്കുന്നത്. ലോകമെമ്പാടും അല്ലുവിന് വലിയ ആരാധകവൃന്ദമുണ്ട്. താരത്തിന്റെ ചിത്രങ്ങൾ മലയാളികളടക്കം ഇരുകയ്യും നീട്ടി സ്വീകരിക്കാറുണ്ട്. ഒരു മദ്യ കമ്പനിയുടെ പരസ്യത്തിൽ നിന്നും അല്ലു അർജുൻ പിന്മാറിയ വാർത്തയാണ് ഇപ്പോൾ പുറത്തുവരുന്നത്. 

പത്ത് കോടി രൂപയാണ് പരസ്യത്തിനായി കമ്പനിക്കാർ വാ​ഗ്ദാനം ചെയ്തതെന്നാണ് റിപ്പോർട്ട്. എന്നാൽ ഈ ഓഫർ അല്ലു നിരസിക്കുകയായിരുന്നു. മദ്യ കമ്പനിയുടെ പരസ്യത്തിൽ താൻ അഭിനയിച്ചാൽ അത് തന്റെ ആരാധകരിൽ തെറ്റായ സ്വാധീനം ഉണ്ടാക്കുമെന്നതിനാലാണ് താരം കോടികളുടെ ഈ ഓഫർ വേണ്ടെന്ന് വെച്ചത്. 

കുറച്ച് നാളുകൾക്ക് മുൻപ് ഒരു പാൻ മസാല ബ്രാൻഡിന്റെ പരസ്യത്തിൽ നിന്നും അല്ലു അർജുൻ പിന്മാറിയിരുന്നു. തന്റെ ആരാധകരിൽ തെറ്റായ സ്വാധീനമുണ്ടാക്കും എന്നത് കൊണ്ടാണ് ആ ഓഫറും അല്ലു അർജുൻ വേണ്ടെന്ന് വെച്ചത്. പാൻ മസാല പരസ്യത്തിനും കോടികളാണ് അല്ലു അർജുന് വാ​ഗ്ദാനം ചെയ്തിരുന്നത്. രണ്ടാമതൊന്ന് ആലോചിക്കാതെയാണ് നടൻ തീരുമാനം എടുത്തതെന്ന് താരവുമായി ബന്ധപ്പെട്ട അടുത്ത വൃത്തങ്ങളെ ഉദ്ദരിച്ച് ദേശീയ മാധ്യമങ്ങള്‍ റിപ്പോര്‍ട്ട് ചെയ്തിരുന്നു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy