മരുന്നുകൾ കഴിക്കുന്നതിനൊപ്പം, ആരോഗ്യകരമായ ജീവിതശൈലി പിന്തുടരുന്നതും തൈറോയ്ഡ് രോഗങ്ങൾ നിയന്ത്രിക്കാൻ സഹായിക്കും.
വെളിച്ചെണ്ണയിൽ കാണപ്പെടുന്ന മീഡിയം ചെയിൻ ഫാറ്റി ആസിഡുകൾ തൈറോയ്ഡ് ഗ്രന്ഥിയുടെ മികച്ച പ്രവർത്തനത്തിന് സഹായിക്കുന്നു.
പഞ്ചസാരയും സംസ്കരിച്ച ഭക്ഷണങ്ങളും ശരീരത്തിൽ വീക്കം ഉണ്ടാക്കും. അതിനാൽ പഞ്ചസാരയുടെയും സംസ്കരിച്ച ഭക്ഷണങ്ങളുടെയും ഉപഭോഗം കുറയ്ക്കണം.
വൈറ്റമിൻ ബി-12 സപ്ലിമെന്റ് കഴിക്കുന്നത് ഹൈപ്പോതൈറോയിഡിസം മൂലമുണ്ടാകുന്ന ചില അവസ്ഥകൾ പരിഹരിക്കാൻ സഹായിക്കും.
തൈറോയ്ഡൈറ്റിസ്, ഹൈപ്പോതൈറോയിഡിസം എന്നിവയുള്ള പലരും, ഗോതമ്പും മറ്റ് ഗ്ലൂട്ടൺ അടങ്ങിയ വസ്തുക്കളും ഭക്ഷണത്തിൽ നിന്ന് ഒഴിവാക്കുന്നത് ആരോഗ്യത്തിന് ഗുണം ചെയ്യും.
പതിവായി വ്യായാമം ചെയ്യുന്നത് ശരീരത്തിലെ പ്രധാനപ്പെട്ട അവയവങ്ങളുടെ ഉചിതമായ പ്രവർത്തനത്തെ പ്രോത്സാഹിപ്പിക്കുന്നു. എൻഡോക്രൈൻ ഗ്രന്ഥികളുടെ പ്രവർത്തനത്തെ നിയന്ത്രിക്കുന്നതിനും വ്യയാമം സഹായിക്കുന്നു.
