प्रार्थना बेहरे आणि अनिकेत विश्वासराव यांच्या कारला लोणावळ्यात अपघात

लोणावळा : अभिनेत्री प्रार्थना बेहरे आणि अनिकेत विश्वासराव यांच्या गाडीला अपघात झाल्याची घटना नुकतीच समोर येत आहे. प्रार्थना आणि अनिकेत गाडीतून मस्का सिनेमाच्या प्रमोशनसाठी चालली असताना हा अपघात झाला आहे. मुंबई-पुणे एक्सप्रेसवेवर लोणावळ्याजवळ हा अपघात झाला आहे. यामध्ये प्रार्थना बेहरेला किरकोळ दुखापत झाल्याचे सांगण्यात येत आहे. यामध्ये गाडीचे नुकसान झाल्याचे फोटो समोर येत आहेत.  यावेळी तिच्यासोबत अनिकेत विश्वासरावदेखील होता. प्रार्थना बेहेरे, अनिकेत विश्वासराव आणि प्रार्थनाची सहाय्यक स्वाती यांच्या फॉरचुनर गाडीला लोणावळ्याजवळ हा अपघात झालाय. मुंबईहून कोल्हापूर ला मस्का च्या प्रमोशन साठी हे निघाले होते. अनिकेत पुढे बसला होता, तो झोपला होता त्यामुळे त्याला नक्की काय झालं ते कळलं नाही. पोलिस आणि स्थानिकांनी तात्काळ तिथे धाव घेतली आहे. हा अपघात नेमका कसा झाला यासंदर्भात अधिक माहिती घेतली जात आहे.