'तू कपडेच का घालतेस' युजर्सचा अभिनेत्रीला प्रश्न, फोटो पाहून ट्रोलिंगची शिकार

मुंबई : टीव्ही अभिनेत्री निया शर्मा तिच्या फोटोज आणि व्हिडीओमुळे रोज चर्चेत असते. निया भारतीय टीव्हीच्या जगातील सगळ्यात धाडसी अभिनेत्रींपैकी एक मानली जाते. निया नेहमी तिच्या स्टाईल स्टेटमेंटने तिच्या चाहत्यांना आश्चर्यचकित करते. पुन्हा एकदा निया शर्माने तिच्या फोटोने लोकांना आश्चर्यचकित केलं आहे.

या फोटोंसह पुन्हा एकदा निया शर्मा आपल्या बोल्ड स्टाईलने लोकांना घायाळ करत आहे. फोटोंमध्ये, निया शर्मा बॅकलेस ड्रेसमध्ये दिसत आहे. निआचा हा शॉर्ट ड्रेस पुन्हा एकदा हे सिद्ध करत आहे की, निया तिच्या स्टाईल स्टेटमेंटशी तडजोड करत नाही.

पण काही चाहते नियाचं कौतुक करत असताना, तिला ट्रोल करणारे अनेक लोक कमेंट बॉक्समध्येही दिसत आहेत. लोक तिला विचारत आहेत की, ती कपडे का घालत नाही? तर एक युजर्स  म्हणत आहे की बऱ्याच काळापासून नियाला उतरत्या ड्रेसमध्ये पाहिलं नाही. अलीकडेच, निया शर्माने 'बिग बॉस ओटीटी'मध्ये गेस्ट एंट्री घेतली आहे.