शाहरुख 59 व्या वाढदिवसाला करणार मोठी घोषणा; गौरी खाननं केलाय जंगी पार्टीचा प्लॅन, Details समोर

Shah Rukh Khan 59th Birthday Celebrations Gauri Khan Sends Over 250 Invites know the entire plan

Shah Rukh Khan Birthday : हिंदी कलाविश्वात कमालीचा लोकप्रिय असणारा अभिनेता शाहरुख खान गेली कैक दशकं हिंदी चित्रपटसृष्टी गाजवताना दिसत आहे. अशा या शाहरुख खानचा वाढदिवस आता काही दिवसांवरच आला असून, फक्त त्याचे कुटुंबीय नव्हे, तर त्याचा भलामओठा चाहतावर्गही या खास दिवसाची वाट पाहत आहे. 

शाहरुखच्या वाढदिवसाच्या निमित्तानं लाखो चाहते दरवर्षी त्याच्या घराबाहेर गर्दी करताना दिसतात. किंग खानची एक झलक पाहण्यासाठीच ही तोबा गर्दी झालेली असते. यंदाचं वर्षही यास अपवाद नसेल. किंग खानचा यंदाचा वाढदिवस जरा जास्तच खास असणार आहे. 

ऐन दिवाळीतच शाहरुखचा वाढदिवस आल्यामुळं यंदा चाहत्यांसमवेत त्याच्या कुटुंबाचा उत्साह द्विगुणित असेल. हा क्षण आणखी खास करण्यासाठी त्याच्या पत्नीनं अर्थात गौरी खाननं एक खास बेतही आखला आहे. शाहरुख यंदा त्याचा 59 वा वाढदिवस साजरा करणार आहे, त्यामुळं यंदाही तो चाहत्यांची भेट घेण्यासाठी 'मन्नत'च्या अर्थात त्याच्या घराच्या व्हूअर्स गॅलरीमध्ये येऊन लाखोंच्या संख्येनं मिळणाऱ्या शुभेच्छांचा स्वीकार करताना दिसेल. 

एका प्रतिष्ठीत माध्यमाच्या वृत्तानुसार यंदा किंग खआन त्याचा वाढदिवस कुटुंबीय आणि खास मित्रपरिवाराच्या साथीनं साजरा करणार आहे. ज्यासाठी त्याच्या पत्नीनं पुढाकार घेत सर्व तयारी केल्याचं म्हटलं जात आहे. वाढदिवसाच्या पार्टीसाठी रणवीर सिंग, करीना कपूर खान, करिष्मा कपूर, एटली, जोया अख्तर, फराह खान, शालिनी पासी, नीलम कोठारी, करण जोहर, आलिया भट्ट यांच्यासह बी टाऊनच्या अनेक मोठ्या सेलिब्रिटींना आमंत्रित करण्यात आलं आहे. 

हेसुद्धा वाचा : रक्त गोठवणाऱ्या थंडीत सारा अली खान केदारनाथाच्या दर्शनाला; PHOTO पाहून होईल तिथं पोहोचण्याची इच्छा 

जंगी पार्टीव्यतिरिक्त शाहरुख त्याच्या कुटुंब आणि गौरीच्या आईसोबत डिनरसाठीही जाणार असल्याचं म्हटलं जात आहे. बरं इतकंच नव्हे, तर वाढदिवसाच्याच दिवशी शाहरुख चाहत्यांसाठीसुद्धा एक खास गिफ्ट देणार असून, तो नेमकी कोणती घोषणा करतो हे पाहणं औत्सुक्याचं ठरेल. अनेक चित्रपट विश्वेषकांच्या मते शाहरुख त्याच्या लेकीसाठी नव्या चित्रपटाची घोषणा करणार असून प्राथमिक माहितीनुसार 'किंग' असं त्या चित्रपटाचं नाव. अद्यापही यासंदर्भातील कोणत्याही वृत्ताला दुजोरा मिळाला नसल्यामुळं शाहरुखची घोषणा अद्याप गुलदस्त्यातच आहे असं म्हणायला हरकत नाही. 

दरम्यान, सध्या बॉलिवूडचा हा किंग काही कामानिमित्त दुबईमध्ये असून, इथं लेक सुहाना आणि मुलगा आर्यन त्याच्यासोबत आहेत. दिवाळी आणि वाढदिवसानिमित्त मात्र तो मुंबईत परतणार असल्याचंही म्हटलं जात आहे.