उंच नवरदेव नवरीला वरमाला टाकताना म्हणाला, 'मै झुकेगा नही ...?

नवी दिल्ली : पुष्पा सिनेमाने अनेक बड्या सिनेमांचे बॉक्स ऑफिसरवरचे रेकॉर्ड तोडले. पुष्पाचा फिरवर एवढा जबरदस्त आहे की अगदी सर्वसामान्यांपासून ते राजकीय नेत्यांपर्यंत सगळ्यांना पुष्पाचा फिवर चढल्याचं पाहायला मिळत आहे. अगदी खासदार उदयनराजेंनाही पुष्पाची भुरळ घातली होती. आता एका लग्नातील व्हिडीओ समोर आला आहे. 

लग्नाच्या मंडपात चक्क नवरदेवानं पुष्पासारखा अभिनय करत त्याचा डायलॉग म्हटलं आहे. अल्लू अर्जुन आणि रश्मिका मंदान्ना स्टारर 'पुष्पा: द राइज' चित्रपट देशात प्रदर्शित झाल्यापासून, त्यातील गाणी, डान्स आणि डायलॉग्स सोशल मीडियावर चांगलेच सुपरहिट झाले आहेत. 

आज 'पुष्पा'चा डायलॉग जवळपास सगळ्यांच्याच तोंडात आहे. अल्लू अर्जुनच्या डान्स स्टेप्सवर इंस्टाग्रामवर रिलचा पूर आला आहे. आता लग्नमंडपातही नवरदेवाला पुष्पाची भुरळ पडली आहे. वरमाला घालण्याआधी नवरदेव पुष्पाची हुबेहुब नक्कल करतो आणि डायलॉग म्हणतो. 

जेव्हा वधू आपल्या वराला स्टेजवर वरमाला घालायला पुढे गेली. तेव्हा वराने तिला वरमाला घालण्यासाठी नकार दिला. वरमाला घालण्याआधी मै झुकूंगा नही म्हणत पुष्पाची अॅक्टिंग केली. नवरदेवाचा हा अवतार पाहून सर्वांनाच आश्चर्याचा धक्का बसला. या घटनेचा व्हिडीओ सोशल मीडियावर व्हायरल होत आहे.

डायलॉग संपल्यानंतर नववधूला खूप हसायला येतं. ती वरमाला घालण्याचा प्रयत्न करते मात्र नवरदेव तिला वरमाला घालू देत नाही.  new.flower.decoration नावाच्या युझरने सोशल मीडियावर हा व्हिडीओ पोस्ट केला आहे.