Petrol Diesel Price Today : पेट्रोल आणि डिझेलच्या दरात बदल? तुमच्या शहरातील दर चेक करा
Petrol Diesel Price Today : भारतीय तेल विपणन कंपन्यांनी पेट्रोल आणि डिझेलच्या नवीनतम किंमती जाहीर केल्या आहेत. यामध्ये पेट्रोल-डिझेलच्या दरात नेमका काय बदल झाला आहे याबद्दल जाणून घ्या...
)
Petrol Diesel Price Today on 4 January 2023: मे 2022 पासून आतापर्यंत आंतरराष्ट्रीय बाजारात कच्च्या तेलाच्या (Crude Oil) किमतीत अनेक चढ-उतार झाले असले तरी राष्ट्रीय पातळीवर पेट्रोल आणि डिझेलच्या (maharashtra petrol diesel rate) किमती स्थिर आहेत. आजही (4 जानेवारी) पेट्रोल आणि डिझेलच्या दरात दिलासा मिळाला असून त्यांचे दर स्थिर आहेत. भारतीय तेल विपणन कंपन्यांनी दररोज प्रमाणे पेट्रोल आणि डिझेलचे नवीनतम दर जाहीर केले असून देशातील पेट्रोल आणि डिझेलच्या दरात कोणताही बदल झालेला नाही. गेल्या वर्षी 21 मे रोजी सरकारने उत्पादन शुल्कात कपात केली होती. पेट्रोलवरील उत्पादन शुल्क प्रतिलिटर 8 रुपये आणि डिझेलवर 6 रुपयांनी कपात करण्यात आली आहे. या नवीन किमती 22 मे पासून जारी करण्यात आल्या होत्या आणि तेव्हापासून ते स्थिर आहेत. बघूया देशातील चार प्रमुख शहरांमध्ये पेट्रोल आणि डिझेलचे दर काय आहेत.
चार प्रमुख शहरांमध्ये पेट्रोल आणि डिझेलचे दर
| शहराचे नाव | पेट्रोल -डिझेल | पेट्रोल -डिझेल |
| दिल्ली | 96.72 | 89.62 |
| मुंबई | 106.31 | 94.27 |
| कोलकाता | 106.03 | 92.76 |
| चेन्नई | 102.63 | 94.24 |
सर्वात महाग पेट्रोल-डिझेल इथे मिळते
राजस्थानातील गंगानगर आणि हनुमानगड जिल्ह्यात सर्वाधिक महाग पेट्रोल आणि डिझेल विकले जात आहे. गंगानगरमध्ये पेट्रोल 113.48 रुपये प्रति लिटर आणि डिझेल 98.24 रुपये प्रति लिटर आहे. तर हनुमानगड जिल्ह्यात पेट्रोल 112.54 रुपये प्रति लिटर आणि डिझेल 97.39 रुपये प्रतिलिटर दराने विकले जात आहे.
वाचा : पंचांगानुसार जाणून घ्या आजचे शुभमुहूर्त आणि अशुभ वेळा
सर्वात स्वस्त पेट्रोल-डिझेल इथे मिळते
पोर्ट ब्लेअरमध्ये आज सर्वात स्वस्त पेट्रोल - डिझेलच्या दराने विक्री होत आहे. जिथे पेट्रोलचा दर 84.10 रुपये प्रति लिटर आणि डिझेलचा दर 79.74 रुपये प्रति लिटर आहे.
तुमच्या शहराचे दर तपासा
तेल विपणन कंपन्या HPCL, BPCL आणि IOC सकाळी 6 वाजता नवीन किमती जाहीर करतात. तुम्ही कंपनीच्या वेबसाइट associates.indianoil.co.in/PumpLocator/ आणि SMS द्वारे तुमच्या शहरातील पेट्रोल डिझेलची नवीनतम किंमत तपासू शकता. तुमच्या शहरातील पेट्रोल आणि डिझेलचे दर घरी बसून एसएमएसद्वारे जाणून घेण्यासाठी तुम्हाला तुमच्या मोबाइलवर RSP <डीलर कोड> हा मेसेज 9224992249 या क्रमांकावर करावा लागेल. प्रत्येक शहराचा कोड वेगळा आहे. शहराचा कोड जाणून घेण्यासाठी तुम्ही इंडियन ऑइलच्या वेबसाइटला भेट देऊ शकता.
दरम्यान इंधन तेलाच्या देशांतर्गत किमती आंतरराष्ट्रीय कच्च्या तेलाच्या किमतींवर अवलंबून असतात. तेल कंपन्यांकडून आंतरराष्ट्रीय कच्च्या तेलाच्या किमतींचा दररोज आढावा घेतला जातो आणि त्या आधारे रोज सकाळी 6 वाजता नवीन किमती जाहीर केल्या जातात.