महाराष्ट्रातील 'या' शहरात पेट्रोल-डिझेलच्या किंमतीत वाढ, जाणून घ्या तुमच्या शहरातील दर

Petrol Diesel Price on 19 February 2024 : जागतिक बाजारात गेल्या अनेक दिवसांपासून कच्चा तेलाच्या किमतीत वाढ होताना दिसत आहे. त्यात आठवड्याच्या पहिल्याच दिवशी म्हणजे आज (19 फेब्रुवारी 2024) ही आंतरराष्ट्रीय बाजारात पुन्हा एकदा कच्च्या तेलाच्या किमतीत वाढ झाली आहे. त्यामुळे इंधनाचा दर वाढला आहे. जागतिक बाजारात कच्च्या तेलाची किंमत पुन्हा एकदा $83 च्या आसपास पोहोचली आहे. दररोज सकाळी सरकारी तेल कंपन्या पेट्रोल आणि डिझेलचे नवे दर जाहीर करतात. यूपीच्या अनेक शहरांमध्ये आज सकाळी अचानक तेलाच्या किमतीत बदल झाला. परिणामी महाराष्ट्रातील काही शहरातही पेट्रोल डिझेलच्या किंमतीत वाढ झाल्याची पाहायला मिळत आहे. 

'या' शहरात पेट्रोल-डिझेलच्या किंमतीत वाढ

आज (19 फेब्रुवारी) जागतिक बाजारात कच्च्या तेलाची किंमत वाढत आहे. ब्रेंट क्रूडची किंमत प्रति बॅरल $ 82.80 पर्यंत वाढली आहे. WTI तेलाचा दरही आज वाढला आहे आणि तो प्रति बॅरल $78.81 वर पोहोचला आहे.  परिणामी महाराष्ट्रात पेट्रोल प्रतिलिटर 106.86 रुपयांनी विकले जाणार आहे. तर डिझेल 92.94 रुपयांनी विकले जाणार आहे. तर मुंबई शहराती आज पेट्रोलचा दर प्रतिलिटर 106.31 रुपये तर डिझेलचा दर 94.27 रुपये प्रतिलिटर आहे. पुण्यात पेट्रोलचा दर प्रतिलिटर 106.59 रुपये तर डिझेलचा दर 93.09 रुपये प्रतिलिटर आहे. 

नाशिकमध्ये पेट्रोल 106.51 रुपये प्रतिलिटर दराने विकले जात आहे. डिझेलचा दर 93.02 रुपये प्रतिलिटर आहे. तर नागपुरात पेट्रोलचा दर 106.04 रुपये तर डिझेलचा दर 92.59 रुपये प्रतिलिटर आहे. छत्रपती संभाजीनगरमध्ये पेट्रोल 108.75 रुपये दराने विकले जाते. डिझेल 95.45 रुपये प्रतिलिटर दराने उपलब्ध आहे. तर ठाण्यात पेट्रोल आणि डिझेलच्या किमतीत किंचित वाढ झाली, पेट्रोल 106.45 रुपयांनी विकले जाणार आहे. कालच्या तुलनेत पेट्रोल 00.07  पैशांनी महागले. तर डिझेल 94.41 रुपयांनी विकले जाणार असून डिझेलमध्ये ही 0.07 पैशांनी महागले आहे. वाढत्या किंमतीत सर्वसामान्यांना कधी दिलासा मिळणार आहे असा सवाल सध्या उपस्थित होत आहे.  

पेट्रोल आणि डिझेलचे दर कसे ठरवतात?

तेल कंपन्या सौदी अरेबिया, इराक-इराण इत्यादी आखाती देशांतून कच्चे तेल आयात करतात आणि तेथे त्यांना आयात शुल्क भरावे लागते. थोडक्यात, तुम्ही दुसऱ्या देशातून तुमच्या देशात एखादी वस्तू आणली तर त्याची किंमत मोजावी लागेल. कच्चे तेल भारतात आल्यानंतर ते प्रथम रिफायनरीमध्ये जाते. तेथे प्रक्रिया होते, ती म्हणजे कच्च्या तेलापासून सीएनजी, केरोसीन, डिझेल, पेट्रोल अशी विविध उत्पादने तयार केली जातात. पेट्रोल आणि डिझेल रिफायनरीतून बाहेर पडल्यावर कंपन्या केंद्र सरकारला उत्पादन शुल्क भरतात.

त्यानंतर पेट्रोल-डिझेल डेपोत जाऊन मग किरकोळ विक्रेत्यांकडे नेले जायचे. सर्वप्रथम, राज्य सरकार किरकोळ करावर कर लावते, ज्याला व्हॅट किंवा विक्री कर म्हणतात. त्यानंतर जेव्हा जेव्हा किरकोळ विक्रेता येतो तेव्हा त्याचे कमिशन घ्या. थोडक्यात, तुम्हाला आयात शुल्क, उत्पादन शुल्क, विक्री कर, किरकोळ विक्रेत्याचे कमिशन इत्यादी सर्व खर्च भरावे लागतील. या सर्व विविध प्रकारच्या करांमुळे आज भारतात पेट्रोलचे दर 100 रुपयांनीही वाढले आहेत.