स्पॉट फिक्सिंग : द्रवीड होणार साक्षीदार

www.24taas.com, झी मीडिया, नवी दिल्ली
आयपीएल स्पॉट फिक्सिंग प्रकरणात दिल्ली पोलिसांनी राजस्थान रॉयल्सचा कॅप्टन आणि माजी भारतीय क्रिकेटर राहुल द्रविडल कोर्टात साक्षीदार म्हणून उभं करण्याचा निर्णय घेतलाय. पोलिसांनी या प्रकरणात बंगळूरला जाऊन राहुल द्रवीडची साक्ष नोंदविली.
दरम्यान, दिल्ली पोलिसांनी ‘आयपीएल-६’मध्ये झालेल्या स्पॉट फिक्सिंग प्रकरणात आपल्यावतीनं पहिलं आरोपपत्र तयार करायचंय. फिक्सिंग प्रकरणात फास्ट बॉलर एस. श्रीसंतसहीत आणखी तीन खेळाडूंचा समावेश आहे. हे आरोपपत्र पोलीस आयुक्त नीरज कुमार यांच्या पदावरून निवृत्तीपूर्वी म्हणजेच ३१ जुलैपूर्वी न्यायालयासमोर सादर करण्यात येईल.