कोरोनाची दहशत... विमानतळांवर घेण्यात येतेय विशेष खबरदारी

नवी दिल्ली : कोरोना व्हायरसमुळे संपूर्ण देशात भीतीचं वातावरण पसरलं आहे. याच पार्श्वभूमीवर देशातील प्रत्येक विमानतळांवर विशेष खबरदारी घेण्यात येत आहे. दिल्लीच्या इंदिरा गांधी आंतरराष्ट्रीय विमानतळावर देखील कोरोनाचा संसर्ग होऊ नये म्हणून काळजी घेण्यात येत आहे. संपूर्ण विमानतळावर किटकनाशक फावारणी करण्यात येत आहे. शिवाय कोरोनापासून वाचण्यासाठी विशेष गोष्टींची काळजी घेण्याचं आवाहन दिल्ली विमानतळाकडून करण्यात आलं आहे.