அதிகம் எதிர்பார்க்கப்பட்ட புஷ்பா 2: தி ரூல் படம் அடுத்த மாதம் வெளியாக உள்ளது. சுகுமார் இயக்கத்தில் உருவாகி உள்ள இந்த பான் இந்தியா திரைப்படத்தில் அல்லு அர்ஜுன், ராஷ்மிகா, பகத் பாசில் நடித்துள்ளனர். புஷ்பா 2 படத்தில் நடிக்க யார் யார் எவ்வளவு சம்பளம் வாங்கினார்கள் என்று தெரிந்து கொள்ளுங்கள்.
புஷ்பா 2: தி ரூல் படத்திற்காக அல்லு அர்ஜுன் ரூ.300 கோடி சம்பளம் வாங்கியுள்ளதாக கூறப்படுகிறது. முதல் பாகத்தின் பிரமாண்ட வெற்றியை தொடர்ந்து இந்த தொகையை வாங்கி உள்ளார்.
ராஷ்மிகா மந்தனாவின் கதாபாத்திரம் புஷ்பா படத்தில் முக்கியமானது. இந்த படத்தில் நடிக்க ராஷ்மிகாவிற்கு ரூ.10 கோடி சம்பளமாக கொடுக்கப்பட்டுள்ளது.
முதல் பாகத்தில் 5 நிமிடங்கள் மட்டுமே வந்த ஃபஹத் பாசில் 2வது பாகத்தில் முக்கிய வில்லனாக நடித்துள்ளார். அவருக்கு ரூ. 8 கோடி சம்பளம் கொடுக்கப்பட்டுள்ளதாக கூறப்படுகிறது.
முதல் பாகத்தில் சமந்தா நடனம் ஆடியது போல இந்த பாகத்தில் ஸ்ரீலீலா ஒரு பாடலுக்கு நடனம் ஆடி உள்ளார். இதற்காக அவருக்கு ரூ 2 கோடி சம்பளம் கொடுக்கப்பட்டதாக கூறப்படுகிறது.
புஷ்பா 2 படத்தின் பட்ஜெட் சுமார் ரூ. 400-500 கோடிகள் இருக்கும் என்று மதிப்பிடப்பட்டுள்ளது. முதல் பாகத்தை விட அதிக பிரமாண்டமாக தயாரிப்பாளர்கள் இந்த படத்தை எடுத்துள்ளனர்.
புஷ்பா படம் கிட்டத்தட்ட ரூ 1,000 கோடி வசூல் செய்யும் என்று எதிர்பார்க்கப்படுகிறது. மிகப்பெரிய எதிர்பார்ப்புகளுக்கு மத்தியில் டிசம்பர் 6ம் தேதி படம் வெளியாக உள்ளது.
