Relationship Tips: காதல் உறவில் முறிவு வந்தால் வாழ்க்கையில் இந்த ஆறு பாடங்களை ஒருவர் கற்றுக்கொள்ளலாம் என கூறப்படுகிறது. அதுகுறித்து முழு தகவல்களையும் இங்கு காணலாம்.
காதல் உறவில் இருந்து, பிரேக் அப்பை சந்திப்பவர்கள் துயரத்தில் மூழ்குவது வாடிக்கையாக காணப்படுகிறது.
காதல் உறவில் முறிவு வருவது என்பது ஒருவரால் நிச்சயம் கடக்க முடியாத ஒரு வலியாக இருக்கும். இருப்பினும், மன ரீதியாகவும், உணர்வு ரீதியாகவும் இந்த பிரேக் அப் உங்களுக்கு பல வாழ்க்கை பாடங்களை கற்றுக்கொள்ளும்.
அந்த வகையில் பிரேக் அப் உங்களுக்கு கற்றுக்கொடுக்கும் 6 வாழ்க்கை பாடங்கள் குறித்து இங்கு காணலாம்.
பிரேக் அப்பிற்கு பின் நீங்கள் புரிந்துகொள்ள வேண்டிய முதல் விஷயம். மனிதவர்கள் மாறக்கூடியவர்கள். காலம் செல்ல செல்ல ஒருவரின் செயல்களும், பழக்கவழக்கமும், முடிவுகளும் மாறுபடும். அதற்காக அதிர்ச்சியடைய கூடாது. எதற்கும் ஜாக்கிரதையாகவும், முன்னெச்சரிக்கையாகவும் இருக்க வேண்டும்.
பிரேக் அப்பிற்கு பின் புரிந்துகொள்ள வேண்டிய மற்றொரு விஷயம் தனியாக இருப்பதில் எந்த தவறும் இல்லை என்பதுதான். தனியாக இருப்பதை யாரும் ஆதரிக்க மாட்டார்கள் என்றாலும், தனியாக வாழ்வதும் வாழ்வில் நம்பிக்கையை அளிக்கும்.
உங்கள் மீதான தன்னம்பிக்கை பிரேக் அப்பிற்கு பின் அதிகரிக்கும். அதற்கு முன் வரை உங்களின் காதலி/காதலன்தான் எல்லாமே என நினைப்பீர்கள். ஆனால், அதன்பின் வாழ்வில் உங்கள் மீதான நம்பிக்கை என்பது அதிகரித்துவிடும். மற்றவர்களின் முடிவை எதிர்பார்க்க மாட்டீர்கள்.
வாழ்வில் எந்த நேரத்திலும் அதிர்ச்சிகரமான சம்பவம் நடக்கும் என்ற உணர்வு உங்களுக்கு வந்துவிடும். இதனால், எப்போதும் முன்னெச்சரிக்கையோடு இருப்பீர்கள். வாழ்வில் எந்த துயர சம்பவம் நடந்தாலும் அதனை அஞ்சாமல் தயாராக இருப்பீர்கள்.
வாழ்க்கையில் நீங்கள் சந்திக்கும் ஒவ்வொரு மனிதரும் ஒரு பாடத்தை உங்களுக்கு கற்றுக் கொடுப்பார்கள் என்பது உங்களுக்கு தெரியும். அந்த பாடத்தை அனுபவ பாடமாக கொண்டு நீங்கள் வாழ்வில் முன்னேறலாம். அது பிரேக் அப்பிற்கு பின்னர் உங்களுக்கு இன்னும் வலுவாக தெரிய தொடங்கும்.
காதல் மட்டும் வாழ்க்கையில்... வாழ்க்கையில் ஒரு அங்கம் தான் காதல். காதல் என்பதே வாழ்க்கையின் குறிக்கோள் இல்லை. வாழ்க்கையில் அடையாவே வேண்டிய கனவுகள் நிறைய இருக்கிறது. நல்ல காதல் உறவு என்பது வாழ்க்கையில் கூடுதல் பொழிவை தரும், இருப்பினும், காதல் உறவில் இல்லாமலும் வாழ பழகிக்கொள்வதும் நலம்தான்.
