ZeroPe: અશનીર ગ્રોવરની નવી કંપની, સારવાર માટે આપશે 5 લાખ રૂપિયાની ઇન્સ્ટન્ટ લોન

Ashneer Grover New Business: ભારતપેના કો-ફાઉન્ડર તથા પૂર્વ મેનેજિંગ ડાયરેક્ટર અશનીર ગ્રોવર નવી કંપની સાથે ફિનટેકની દુનિયામાં પોતાની નવી ઇનિંગની શરૂઆત કરવા જઇ રહ્યા છે. ગ્રોવર નવી કંપની દ્વારા જરૂરિયાતમંદોને એપ વડે ઇન્સ્ટન્ટ મેડિકલ લોન પુરી પાડશે. 

ટેસ્ટિંગ મોડમાં એપની લિસ્ટિંગ
ભારતપે સાથે વિવાદોના લીધે અશનર ગ્રોવરને ફિનટેકથી અલગ થવું પડ્યું હતું. તેના થોડા સમય બાદ તેમણે થર્ડ યૂનિકોર્ન નામથી એક નવી કંપની બનાવી હતી. થર્ડ યૂનિકોર્ન કંપનીએ જ ગૂગલ પ્લે સ્ટોર પર નવી એપ લિસ્ટ કરી છે. નવી એપને ઝીરોપે (Zeropay)  નામ આપવામાં આવ્યું છે. ગૂગલ પ્લે સ્ટોર લિસ્ટિંગમાં જણાવ્યું હતું કે જીરોપેને થર્ડ યૂનિકોર્ન દ્વારા ડેવલોપ કરવામાં આવી છે અને એપ અત્યારે ટેસ્ટિંગ મોડમાં છે. 

ભારત પે બાદ હવે થશે એન્ટ્રી
અશનીર ગ્રોવરે આ પહેલાં ગત વર્ષે થર્ડ યૂનિકોર્ન બેનર હેઠળ એક ફેન્ટેસી ગેમ પ્લેટફોર્મ ક્રિકપેને લોન્ચ કરી હતી. ભારતપે વિવાદથી એક્ઝિટ થયા બાદ ફિનટેક સેગમેંટમાં અશનીર ગ્રોવર હવે ફરીથી ઉતરવાનો પ્રયાસ કરી રહ્યા છે. ઝીરોપે (Zeropay) ના માધ્યમથી લોકોને 5 લાખ રૂપિયા સુધીનો પ્રી-એપ્રૂવ્ડ ઇન્સ્ટન્ટ લોન લોન મળશે. ગ્રોવરની કંપની આ લોન દિલ્હી બેસ્ડ એનબીએફસી મુકુટ ફિનવેસ્ટ સાથે મળીને પુરી પાડશે. 

ફક્ત આવા દર્દીઓને મળશે લાભ
ઝીરોપે (Zeropay) ની વેબસાઈટ પર આપવામાં આવેલી માહિતી અનુસાર દરેક વ્યક્તિ સારવાર માટે ઈન્સ્ટન્ટ મેડિકલ લોનની આ સેવાનો લાભ લઈ શકશે નહીં. વેબસાઈટ પર જણાવવામાં આવ્યું છે કે આ લોન સુવિધાનો લાભ ફક્ત તે લોકો જ મેળવી શકશે, જેઓ ઝીરોપે (Zeropay) ની પાર્ટનર હોસ્પિટલોમાં સારવાર મેળવશે.

પહેલાંથી જ ઉપલબ્ધ છે આ કંપનીઓ
સારવાર માટે લોન પુરી પાડવાનો બિઝનેસ નવો નથી. ગ્રોવર પહેલાં પણ આ માર્કેટમાં ઘણા પ્લેયર્સ હાજર છે. જેમાં સેવ ઇન, ક્યૂબ હેલ્થ, આરોગ્ય ફાઇનાન્સ, નિયો ડોક્સ, ફાઇબ, કેનકો, માય કેર હેલ્થ વગેરે છે. આ ભારતી બજારમાં એક ઉભરતું સેગમેંટ છે. એટલા કારણ કે ઘણા ફિનટેક કંપનીઓ ઇસ્ટેંટ મેડિકલ લોન પુરી પાડવા ફોકસ કરી રહ્યા છે.