રિલીઝ થયું 'મિશન મંગલ'નું જબરદસ્ત Trailer, જોઈને રૂંવાડા થશે ઉભા

નવી દિલ્હી : 15 ઓગસ્ટે રિલીઝ થનારી મલ્ટીસ્ટારર ફિલ્મ મિશન મંગલનું ધમાકેદાર ટ્રેલર રિલીઝ થઈ ગયું છે. ઇતિહાસના પાનાઓમાં સુવર્ણ અક્ષરે નોંધાયેલી સ્પેસ ફિલ્ડની સફળતાને આ ફિલ્મમાં દર્શાવવામાં આવશે. થોડા સમય પહેલાં આ ફિલ્મનું પોસ્ટર અને 45 સેકન્ડનું ટીઝર રિલીઝ કરવામાં આવ્યું હતું અને એેને સારી એવી સફળતા મળી હતી. 

ફિલ્મમાં અક્ષય એક વૈજ્ઞાનિકનો રોલ ભજવી રહ્યો છે. ફિલ્મમાં અક્કીનું નામ રાકેશ ધવન છે. આ મિશન મંગલની ટીમમાં તારા શિંદે (વિદ્યા બાલન), કૃતિકા અગ્રવાલ (તાપસી પન્નુ), એકા ગાંધી (સોનાક્ષી સિંહા), શરમન જોશી (પરમેશ્વર નાયડુ), નેહા સિદ્દીકી (કૃતિ કુલ્હારી) જોવા મળે છે. 

અક્ષયકુમારનું કહેવું છે કે તેણે 'મિશન મંગલ' તેની દીકરી નિતારા માટે કરી છે. તેનું કહેવું છે કે આ એક એવી ફિલ્મ છે જે આવનારી પેઢીઓને પ્રેરણા આપશે, ભારતે મંગળ ગ્રહના પ્રોજેકટને મિશન મંગળ નામ આપ્યું હતું અને આ ફિલ્મની સ્ટોરી એ સત્ય ઘટના પર આધારીત છે. 15 ઓગષ્ટનાં દિવસે આ ફિલ્મ રિલીઝ થવાની છે. ફિલ્મ વિશે જણાવતાં ટ્વિટર પર અક્ષયકુમારે ટ્વીટ કર્યું હતું કે 'ફિલ્મ 'મિશન મંગલ' એક એવી ફિલ્મ છે જે લોકોને પ્રેરીત કરવાની સાથે જ મનોરંજન પણ પુરું પાડશે. આ ફિલ્મ મેં ખાસ કરીને મારી દીકરી અને તેની વયનાં બાળકો માટે કરી છે જેથી તેઓ ભારતનાં મિશન મંગળની વાસ્તવિક ઘટનાઓની સ્ટોરી વિશે માહિતગાર થાય.'