Tokyo Paralympics માં ભારતે હાંસલ કર્યો આઠમો મેડલ, શૂટિંગમાં સિંઘરાજ અધનાએ જીત્યો બ્રોન્ઝ

નવી દિલ્હીઃ ટોક્યો પેરાલિમ્પિકમાં ભારતને આજે મળ્યો છે આઠમો મેડલ. આ અગાઉ રિયો પેરાલિમ્પકમાં ભારતે 4 મેડલ હાંસલ કર્યાં હતાં. જ્યારે અત્યાર સુધીમાં તેના કરતા ડબલ મેડલ આપણે હાંસલ કરીને એક નવો કિર્તિમાન પ્રસ્થાપિત કર્યો છે. સિંઘરાજ અધનાએ પેરાલિમ્પિક મેન્સ શૂટિંગમાં બ્રોન્ઝ મેડલ હાંસલ કર્યો છે.

#Paralympics માં ભારતના #singhraj એ Men's 10m એર પિસ્તોલ SH1 માં જીત્યો #Bronze મેડલ.#Shooting માં ભારતે અક #Gold અને એક #Bronze મેડલ જીત્યા...#ParalympicsTokyo2020 #TeamIndia #Cheer4India #ParaAthletics #ZEE24kalak pic.twitter.com/OVq6zT2lcd

— Zee 24 Kalak (@Zee24Kalak) August 31, 2021

10 મીટર એયર પિસ્તોલ SH-1 કેટેગરીમાં સિંઘરાજે ભારતને બ્રોન્ઝ મેડલ અપાવીને દેશનું ગૌરવ વધાર્યું છે. સિંઘરાજ માત્ર થોડા જ પોઈંટથી આ સ્પર્ધામાં સિલ્વર મેડલ ચૂકી ગયા હતાં. જ્યારે આ ઈવેન્ટમાં ગોલ્ડ અને સિલ્વર મેડલ ચાઈનાએ હાંસલ કર્યો છે. મૂળ ઉત્તર પ્રદેશના ફરિદાબાદના 39 વર્ષિય સિંઘરાજે આ સિદ્ધિ હાંસલ કરી છે. 

ટોક્યો પેરાલિમ્પિકમાં શૂટિંગની સ્પર્ધામાં ભારતનો આ બીજો મેડલ છે. આ પહેલાં ગઈકાલે 19 વર્ષિય અવની લેખારાંએ શૂટિંગમાં ભારતને ગોલ્ડ મેડલ અપાવ્યો હતો. આ સાથે જ ભારતે ટોક્યો પેરાલંપિક્સમાં અત્યાર સુધીમાં 2 ગોલ્ડ, 4 સિલ્વર અને 2 બ્રોન્ઝ સહિત કુલ 8 મેડલ હાંસલ કરી લીધાં છે. ઉલ્લેખનીય છેકે, આ વખતે પેરાલંપિક્સમાં ભારતે અલગ અલગ રમતમાં ભાગ લેવા માટે કુલ 56 ખેલાડીઓ મોકલ્યાં હતાં.