NEET UG 2021 Date: શિક્ષણ મંત્રીએ નીટની પરીક્ષાની તારીખ જાહેર કરી, મંગળવારથી થઈ શકશે અરજી

નવી દિલ્હીઃ NEET 2021 date : મેડિકલ પ્રવેશ પરીક્ષા નીટનું આયોજન 12 સપ્ટેમ્બરે થશે. તે માટે વિદ્યાર્થીઓ મંગળવાર (13 જુલાઈ) સાંજે 5 કલાકથી ntaneet.nic.in પર જઈને અરજી કરી શકશે. શિક્ષણ મંત્રી ધર્મેન્દ્ર પ્રધાને આ જાહેરાત કરી છે. આ પહેલા નીટનું આયોજન 1 ઓગસ્ટે થવાનું હતું પરંતુ કોરોના મહામારીને કારણે મેડિકલ પ્રવેશ પરીક્ષા અને એન્જિનિયરિંગ પ્રવેશ પરીક્ષા જેઈઈ મેન બંનેનો કાર્યક્રમ આગળ વધારવામાં આવ્યો છે. 

શિક્ષણ મંત્રીએ કરી જાહેરાત
શિક્ષણ મંત્રી ધર્મેન્દ્ર પ્રધાને જણાવ્યુ કે પરીક્ષા દરમિયાન સોશિયલ ડિસ્ટેન્સિંગનું પાલન કરવા માટે 198 શહેરોમાં પરીક્ષાનું આયોજન કરવામાં આવશે. પરીક્ષા કેન્દ્રોની સંખ્યા પણ વધારવામાં આવી છે. કોવિડ-19 પ્રોટોકોલનું પાલન કરવા માટે બધા ઉમેદવારોને પરીક્ષા કેન્દ્રો પર ફેસ માસ્ક આપવામાં આવશે. તેની એન્ટ્રી અને એક્ઝિટ દરમિયાન કોન્ટેક્ટલેસ રજીસ્ટ્રેશન, પ્રોપર સેનેટાઇઝેશન અને સોશિયલ ડિસ્ટન્સ પ્રમાણે બેઠક વ્યવસ્થા બનાવવામાં આવી છે. 

The NEET (UG) 2021 will be held on 12th September 2021 across the country following COVID-19 protocols. The application process will begin from 5 pm tomorrow through the NTA website(s): Education Minister Dharmendra Pradhan

(file pic) pic.twitter.com/oXJHZmOgzy

— ANI (@ANI) July 12, 2021

In order to ensure social distancing norms, number of cities where examination will be conducted has been increased from 155 to 198. The number of examination centres will also be increased from the 3862 centres used in 2020: Education Minister Dharmendra Pradhan

— ANI (@ANI) July 12, 2021

આ તારીખે લેવાશે જેઈઈ મેનની પરીક્ષા
JEE Main પરીક્ષાનો ત્રીજો તબક્કો 20 જુલાઈથી 25 જુલાઇ દરમિયાન લેવામાં આવશે. તેવી જ રીતે, JEE Main ની ચોથા તબક્કાની પરીક્ષાઓ 27 જુલાઈથી 2 ઓગસ્ટ દરમિયાન લેવામાં આવશે.