મોદી સરકાર 2.0 : ભારતે કરી આ શક્તિશાળી દેશો સાથે બેઠક, મહત્વના મુદ્દે થઈ ચર્ચા

વોશિંગટનઃ અમેરિકા, જાપાન, ઓસ્ટ્રેલિયા અને ભારતના અધિકારીઓએ શુક્રવારે બેંગકોકમાં એક બેઠક યોજી અને અને તેમાં મુક્ત, ઉદાર અને સર્વમાવેશક  હિન્દ-પ્રશાંત વિસ્તાર માટે સામુહિક પ્રયાસો અંગે ચર્ચા-વિચારણા કરી હતી. નવેમ્બર, 2017માં ભારત, અમેરિકા, ઓસ્ટ્રેલિયા અને જાપાને હિન્દ-પ્રશાંત વિસ્તારમાં મહત્વના સમુદ્રી માર્ગોને કોઈ પણ એક દેશના પ્રભાવથી મુક્ત રાખવા માટે એક નવી રણનીતિ વિકસિત કરવાના લાંબા સમયથી પડતર "ક્વાડ" ગઠબંધનને સ્વરૂપ આપ્યું હતું. 

બેંગકોકમાં યોજાયેલી આ બેઠક દરમિયાન ચાર દેશોએ આ વિસ્તારમાં નિયમ-આધારિત શાસનને જાળવી રાખવા અને તેને પ્રોત્સાહન આપવા માટે સંયુક્ત રીતે પ્રતિબદ્ધતા વ્યક્ત કરી હતી.

આ ચાર દેશોના અધિકારીઓએ આંતરરાષ્ટ્રીય ધારા-ધોરણ અનુસાર ગુણવત્તા આધારિત માળખા માટે પારદર્શખ, સિદ્ધાંત-આધારિત રોકાણને પ્રોત્સાહન આપવા અને ખાનગી ક્ષેત્રની ક્ષમતાનો ફાયદો ઉઠાવવા માટે દરેક દેશ દ્વારા કરવામાં આવેલી પહેલ અંગે પણ ચર્ચા-વિચારણા કરી હતી. 

જૂઓ LIVE TV...