સમગ્ર વિશ્વમાં કયો Smartphone છે સૌથી પોપુલર? નવા લિસ્ટમાં મોટો ખુલાસો, આ ફોન છે નંબર-1

2024માં Apple iPhone 16 દુનિયાનો સૌથી વધુ વેચાતો સ્માર્ટફોન બની ગયો છે. તાજેતરના અહેવાલ મુજબ iPhone 16 એ ગ્લોબલ સ્માર્ટફોન માર્કેટમાં પોતાની પકડ મજબૂત કરી છે. આ રિપોર્ટમાં વિવિધ કંપનીઓના વેચાણ અને બજારમાં તેમની સ્થિતિ વિશે મહત્વપૂર્ણ માહિતી આપવામાં આવી છે. યુરોપમાં સ્માર્ટફોનનું વેચાણ સ્થિર રહ્યું, પરંતુ કેટલાક દેશોમાં વૃદ્ધિ જોવા મળી હતી. ફ્રાન્સ, જર્મની અને સ્પેનમાં iPhone 16ના વેચાણમાં સારો એવો વધારો જોવા મળ્યો હતો.

યૂરોપમાં Samsung ની પકડ
Samsung એ યૂરોપમાં એન્ડ્રોઈંડ સ્માર્ટફોન સેગમેન્ટમાં પોતાની પકડ જાળવી રાખે છે. ખાસ કરીને બ્રિટેનમાં તેનો Galaxy A55 સૌથી વધુ વેચાતું ડિવાઈસ બન્યું. Xiaomi અને Google Pixel પણ Samsung ને પડકાર આપી રહ્યા છે. જોકે, Pixel 9 સીરિઝનું વેચાણ Pixel 8 ના મુકાબલે ધીમું રહ્યું, કારણ કે Pixel 8 પર સારું એવું વળતર મળી રહ્યું છે. જ્યારે,  Xiaomi 13 સીરિઝને પણ ડિસ્કાઉન્ટના કારણે સ્પેનમાં સારું વેચાણ મળ્યું છે.

અમેરિકામાં Appleની મજબૂત પકડ, સેમસંગ બની ટોપ એન્ડ્રોઇડ બ્રાન્ડ 
અમેરિકન માર્કેટમાં Appleનું વર્ચસ્વ યથાવત છે. રિપોર્ટ અનુસાર, iOS એ 54% માર્કેટ શેર કબજે કર્યો છે. iPhone 16 સીરિઝે કુલ વેચાણમાં 20% યોગદાન આપ્યું હતું, જેમાં iPhone 16 Pro Max એ સેમસંગના બજેટ-ફ્રેંડલી Galaxy A15 અને ફ્લેગશિપ Galaxy S24 સિરીઝનું સૌથી વધુ વેચાણ કરતું મોડેલ બન્યું હતું. જ્યારે, મોટોરોલા અને ગૂગલ પિક્સેલના વેચાણમાં વધારો થયો, જેમાં Pixel 9 Pro સૌથી વધુ વેચાતું Pixel ડિવાઈસ બન્યું.

એશિયા પેસિફિકમાં લોકલ બ્રાન્ડનો દબદબો
એશિયા પેસિફિક વિસ્તારમાં સ્થાનિક બ્રાન્ડ્સ ઘણી મજબૂત સ્થિતિમાં છે. ઓસ્ટ્રેલિયામાં iPhone 16 નું સારું વેચાણ થયું હોવા છતાં, Appleને પડકાર મળી રહ્યો છે. જ્યારે  Samsung Galaxy S24 Ultra એ આ બજારમાં સારું પ્રદર્શન કર્યું. ચીનમાં Vivo, Xiaomi અને Huawei Android માર્કેટમાં આગળ રહી, જેમાં Huawei એ ટોપ પોઝિશન મેળવી છે. બીજી બાજુ, iPhone 16 Pro Max અત્યારે પણ બેસ્ટસેલર સ્માર્ટફોનમાં સામેલ છે.

જાપાનમાં Androidનો ગ્રોથ સારો રહ્યો, જ્યાં Motorola, Samsung અને Google Pixel ને લીડ મળી હતી. Pixel 8a ની સફળતાએ Google Pixel ને જાપાનની ટોચની Android બ્રાન્ડ તરીકે શાર્પને પાછળ છોડી દીધું. જોકે એપલે હજુ પણ માર્કેટમાં પોતાનું વર્ચસ્વ જાળવી રાખ્યું હતું, જોકે iOSના માર્કેટ શેરમાં થોડો ઘટાડો થયો હતો.

શું સ્માર્ટફોન ખરીદતી વખતે AI ફીચર્સ મહત્વ ધરાવે છે?
હવે મોટાભાગના લોકોએ AI ફીચર્સને ધ્યાનમાં રાખીને સ્માર્ટફોન ખરીદવાનું શરૂ કરી દીધું છે. Worldpanel ComTech દ્વારા કરવામાં આવેલા સર્વે અનુસાર, યુરોપ અને અમેરિકામાં 23% ખરીદદારોએ AI સુવિધાઓને ધ્યાનમાં રાખીને સ્માર્ટફોન પસંદ કર્યા છે. આઇફોન ખરીદનારાઓમાં આ આંકડો 27% સુધી પહોંચી ગયો છે. 

જો કે, ઘણા યૂઝર્સ હજુ પણ AI સુવિધાઓ વિશે વધુ જાણતા નથી અથવા તેઓ તેનાથી પ્રભાવિત નથી. આનાથી સ્પષ્ટ થાય છે કે સ્માર્ટફોન માર્કેટમાં ભલે AI એક નવો ટ્રેન્ડ બની રહ્યો હોય, પરંતુ હજુ સુધી કોઈ બ્રાન્ડે એવું AI ફીચર રજૂ કર્યું નથી જેને ગેમ-ચેન્જર કહી શકાય.