Ramadan 2023: ଏହି ଦିନ ଠାରୁ ଆରମ୍ଭ ହେବ ରମଜାନ ଉପବାସ, ଏହି ଦିନ ଦୃଶ୍ୟମାନ ହେବ ରମଜାନ ଚନ୍ଦ୍ରମା

Ramadan Month: ଚଳିତ ବର୍ଷ ରମଜାନ ଅବସରରେ ଉପବାସ ରଖିବା ପ୍ରକ୍ରିୟା ସେହି ଦେଶରେ ୨୩ ମାର୍ଚ୍ଚରୁ ଆରମ୍ଭ ହେବ ବୋଲି ଆଶା କରାଯାଉଛି। ଚଳିତ ବର୍ଷ ୨୨ ମାର୍ଚ୍ଚରୁ ରମଜାନ ମାସ ଆରମ୍ଭ ହୋଇପାରେ।

Ramadan Crescent Moon: ଚଳିତ ବର୍ଷ ୨୧ ମାର୍ଚ୍ଚରୁ ଆରମ୍ଭ ହୋଇଯାଇଛି ରମଜାନ ମାସ। ରମଜାନ ମାସ ଆରମ୍ଭ ହୋଇଯିବା ପରେ ସମଗ୍ର ବିଶ୍ୱରେ ବସବାସ କରୁଥିବା ୧୫୦ କୋଟିରୁ ଉର୍ଦ୍ଧ୍ୱ ମୁସଲମାନ ପୈଗମ୍ବର ମହମ୍ମଦଙ୍କ ନିକଟରେ କୁରାନ ପ୍ରକାଶିତ ସମୟକୁ ସ୍ମରଣ କରିବା ପାଇଁ ୩୦ ଦିନର ଉପବାସ ଆରମ୍ଭ କରିବାକୁ ଉତ୍ସାହର ସହ ଅପେକ୍ଷା କରିଛନ୍ତି। ରିପୋର୍ଟ ଅନୁଯାୟୀ ସାଉଦି ଆରବ ସୁପ୍ରିମକୋର୍ଟ ମଙ୍ଗଳବାର ସନ୍ଧ୍ୟାରେ ରମଜାନ ଅବସରରେ ଚନ୍ଦ୍ରମା ଦେଖିବା ପାଇଁ ଦେଶର ସମସ୍ତ ମୁସଲମାନଙ୍କୁ ଆହ୍ୱାନ କରିଛି। ବ୍ରିଟେନସ୍ଥିତ ନୌଟିକାଲ୍ ଆଲମାନାକ ଅଫିସ୍ ଦ୍ୱାରା ପରିଚାଳିତ ମୁନ୍ ଟ୍ରାକର୍ ଅନୁଯାୟୀ, ଚଳିତ ବର୍ଷ ରମଜାନ୍ ଅବସରରେ ଅର୍ଦ୍ଧ ଚନ୍ଦ୍ର ମାର୍ଚ୍ଚ ୨୧ ତାରିଖ ମଙ୍ଗଳବାର ମକ୍କା ଠାରେ ରାତି ୮:୨୩ ମିନିଟ ସମୟରେ ଦୃଶ୍ୟମାନ। ଅନ୍ୟପଟେ ମାର୍ଚ୍ଚ ୨୨ ତାରିଖ ବୁଧବାର ରାତିରେ ରମଜାନ ଅର୍ଦ୍ଧ ଚନ୍ଦ୍ର ମଧ୍ୟପ୍ରାଚ୍ୟ, ଉତ୍ତର ଆଫ୍ରିକା, ପଶ୍ଚିମ ୟୁରୋପ ଏବଂ ଯୁକ୍ତରାଷ୍ଟ୍ର ଆମେରିକାର ଅନେକ ଭାଗରେ ଖାଲି ଆଖିରେ ସହଜରେ ଦୃଶ୍ୟମାନ ହେବ। 

ଚଳିତ ବର୍ଷ ରମଜାନ ଅବସରରେ ଉପବାସ ରଖିବା ପ୍ରକ୍ରିୟା ସେହି ଦେଶରେ ୨୩ ମାର୍ଚ୍ଚରୁ ଆରମ୍ଭ ହେବ ବୋଲି ଆଶା କରାଯାଉଛି। ଚଳିତ ବର୍ଷ ୨୨ ମାର୍ଚ୍ଚରୁ ରମଜାନ ମାସ ଆରମ୍ଭ ହୋଇପାରେ। ଯଦି ସାଉଦି ଆରବ, ସଂଯୁକ୍ତ ଆରବ ଅମିରାତ ଏବଂ ଅନ୍ୟାନ୍ୟ ମୁସଲମାନ ବହୁଳ ଦେଶରେ ୨୧ ମାର୍ଚ୍ଚ ସନ୍ଧ୍ୟାରେ ଶାବନ ୧୪୪୪ ହିଜ୍ରି୍ ମାସର ୨୯ ତମ ଦିନ ଦେଖାଯାଏ।

ଯଦି ୨୧ ମାର୍ଚ୍ଚରେ ରମଜାନ୍ ଅର୍ଦ୍ଧ ଚନ୍ଦ୍ର ଦୃଶ୍ୟମାନ ହୁଏ ନାହିଁ, ତାହେଲେ ସାଉଦି ଆରବ ସ୍ଥିତ ଚନ୍ଦ୍ର ଦର୍ଶନ କମିଟି ସାଲାତ ଅଲ ମାଗ୍ରିବ ମାର୍ଚ୍ଚ ୨୧ ତାରିଖ ମଙ୍ଗଳବାର ସନ୍ଧ୍ୟାରେ ଘୋଷଣା କରିବ ଯେ ରମଜାନ ମାସର ପ୍ରଥମ ଦିନ ମାର୍ଚ୍ଚ ୨୩ ତାରିଖ ଗୁରୁବାର ଠାରୁ ଆରମ୍ଭ ହୋଇପାରେ। ଅନ୍ୟପଟେ ସାଉଦି ଆରବ ସୁପ୍ରିମକୋର୍ଟ ଅନୁରୋଧ କରିଛନ୍ତି ଯେ ଯଦି କୌଣସି ବ୍ୟକ୍ତି ମାର୍ଚ୍ଚ ୨୧ ତାରିଖ ମଙ୍ଗଳବାର ସନ୍ଧ୍ୟାରେ ରମଜାନ ଚନ୍ଦ୍ରମାକୁ ଖାଲି ଆଖିରେ ହେଉ କିମ୍ବା ବାଇନାକୁଲାର୍ ମାଧ୍ୟମରେ ଦେଖନ୍ତି, ତାହେଲେ ସେମାନେ ନିକଟସ୍ଥ ଅଦାଲତକୁ ଜଣାଇବା ଆବଶ୍ୟକ। ସେମାନେ ସେମାନଙ୍କର ସାକ୍ଷ୍ୟ ପଞ୍ଜୀକରଣ କରିବା କିମ୍ବା ନିକଟସ୍ଥ ଅଦାଲତକୁ ପଠାଇବା ପାଇଁ ସ୍ଥାନୀୟ ସମ୍ପୃକ୍ତ ବିଭାଗ ସହିତ ଯୋଗାଯୋଗ କରିବା ଆବଶ୍ୟକ। 

ସାଉଦି ଆରବ ପରେ ୟୁଏଇ ଠାରେ ମଧ୍ୟ ମାଗ୍ରିବ ପ୍ରାର୍ଥନା ପରେ ଶବାନ ମାସର (Shaban Month in Islam) ୨୯ ତାରିଖ ଦିନ ଚନ୍ଦ୍ର ଦର୍ଶନ କମିଟି ବୈଠକ କରିବ। କାରଣ ଏମିରେଟ୍ସ ଜ୍ୟୋତିର୍ବିଜ୍ଞାନ ସମାଜ ପୂର୍ବାନୁମାନ କରିଛି ଯେ ଚଳିତ ବର୍ଷ ରମଜାନ ୨୩ ମାର୍ଚ୍ଚରୁ ଆରମ୍ଭ ହେବ। ଇଦ୍ ଅଲ ଫିତରର ପ୍ରଥମ ଦିନ ଅପ୍ରେଲ ୨୧ ତାରିଖ ଶୁକ୍ରବାର ପଡ଼ିବ। ଯଦିଓ ଆନ୍ତର୍ଜାତୀୟ ଜ୍ୟୋତିର୍ବିଜ୍ଞାନ କେନ୍ଦ୍ର କହିଛି ଯେ ମାର୍ଚ୍ଚ ତାରିଖ ୨୨ ବୁଧବାର ଚନ୍ଦ୍ର ଦୃଶ୍ୟମାନ ହେବ। ଏପରିକି ୨୩ ମାର୍ଚ୍ଚ ଗୁରୁବାର ମଧ୍ୟ ଚନ୍ଦ୍ର ଦେଖାଯିବ। ଜ୍ୟୋତିର୍ବିଜ୍ଞାନ ଗଣନା ଅନୁସାରେ ସେହି ଦିନ ଠାରୁ ରମଜାନ ମାସ ଆରମ୍ଭ ହେବ। ଏହି ଗଣନା ଅନୁସାରେ ଅନେକ ଆରବ ଦେଶରେ ମାର୍ଚ୍ଚ 
୨୨-୨୩ ତାରିଖରୁ ରମଜାନ ମାସର ପ୍ରଥମ ଦିନ ଆରମ୍ଭ ହେବ।

ଏହି ସମୟରେ ଆଫଗାନିସ୍ତାନ, ବାଂଲାଦେଶ, ଭାରତ, ଇରାନ, ପାକିସ୍ଥାନ, ଦକ୍ଷିଣ ଆଫ୍ରିକା, ଇଣ୍ଡୋନେସିଆ ଏବଂ ମାଲେସିଆ ଭଳି ଦେଶରେ ୨୨ ମାର୍ଚ୍ଚରେ ରମଜାନ ଚନ୍ଦ୍ରମା ଦୃଶ୍ୟମାନ ହେବେ। ଏହି ଦେଶରେ ବସବାସ କରୁଥିବା ମୁସଲମାନଙ୍କ ପାଇଁ ରମଜାନ ମାସର ପ୍ରଥମ ଉପବାସ ଦିନ ୨୩ ମାର୍ଚ୍ଚରୁ ଆରମ୍ଭ ହେବ। ଯଦି ୨୩ ମାର୍ଚ୍ଚରେ ଚନ୍ଦ୍ରମା ଦେଖା ନଯାଏ, ତାହେଲେ ୨୪ ମାର୍ଚ୍ଚରୁ ଭାରତ ଏବଂ ଅନ୍ୟ ଦକ୍ଷିଣ ଏସୀୟ ଦେଶରେ ଉପବାସର ପ୍ରଥମ ଦିନ ଆରମ୍ଭ ହେବ। ରମଜାନ ମାସରେ ଉପବାସ ଇସଲାମ ଧର୍ମର ୫ ଗୁରୁତ୍ୱପୂର୍ଣ୍ଣ କର୍ତ୍ତବ୍ୟ ମଧ୍ୟରୁ ଅନ୍ୟତମ। ରମଜାନ ମାସରେ ରଖାଯାଉଥିବା ଉପବାସ ସମୟରେ ମୁସଲମାନ ଖାଦ୍ୟ ପାନୀୟ ଗ୍ରହଣ, ଧୂମପାନ, ମଦ୍ୟପାନ, ମନ୍ଦ ଚିନ୍ତାଧାରା ଏବଂ କାର୍ଯ୍ୟ ଠାରୁ ଦୂରେଇ ରୁହନ୍ତି।