ಶಾದಿ.ಕಾಮ್ ನಲ್ಲಿ ಪರಿಚಯ, ಓಯೋದಲ್ಲಿ ಮಜಾ: ಕೊನೆಗೆ ಯುವತಿಗೆ ಕೈಕೊಟ್ಟು ಬೇರೆ ನಿಖಾ ಆದ ಐನಾತಿ!

Bengaluru Crime News: ಆನ್​ಲೈನ್​ ಪರಿಚಯವಾಗುವವರನ್ನು ನಂಬಿಕೊಂಡು ಪ್ರೀತಿ, ಮದುವೆ ಅಂತಾ ಹೋದ್ರೆ ಏನಾಗುತ್ತೆ ಎಂಬುದಕ್ಕೆ ಈ ಸ್ಟೋರಿ ತಾಜಾ ಉದಾಹರಣೆಯಾಗಿದೆ. ಸುಂದರ ಯುವತಿಯನ್ನು ಶಾದಿ ಡಾಟ್​ ಕಾಮ್​​ನಲ್ಲಿ​ ಮಾಡಿಕೊಂಡ ಯುವಕನೊಬ್ಬ ಆಕೆಯನ್ನು ಹುರಿದುಮುಕ್ಕಿ ಈಗ ಕೈ ಕೊಟ್ಟು ಬೇರೆ ನಿಖಾ ಆಗಿದ್ದಾನೆ.

ಬೆಂಗಳೂರು : ಆನ್​ಲೈನ್​ ಪರಿಚಯವಾಗುವವರನ್ನು ನಂಬಿಕೊಂಡು ಪ್ರೀತಿ, ಮದುವೆ ಅಂತಾ ಹೋದ್ರೆ ಏನಾಗುತ್ತೆ ಎಂಬುದಕ್ಕೆ ಈ ಸ್ಟೋರಿ ತಾಜಾ ಉದಾಹರಣೆಯಾಗಿದೆ. ಸುಂದರ ಯುವತಿಯನ್ನು ಶಾದಿ ಡಾಟ್​ ಕಾಮ್​​ನಲ್ಲಿ​ ಮಾಡಿಕೊಂಡ ಯುವಕನೊಬ್ಬ ಆಕೆಯನ್ನು ಹುರಿದುಮುಕ್ಕಿ ಈಗ ಕೈ ಕೊಟ್ಟು ಬೇರೆ ನಿಖಾ ಆಗಿದ್ದಾನೆ.

ಇದನ್ನೂ ಓದಿ: Pavitra Lokesh: ನರೇಶ್ ನನ್ನ ಸಂಗಾತಿ ಮಾತ್ರವಲ್ಲ.. ಪವಿತ್ರಾ ಲೋಕೇಶ್ ಕುತೂಹಲಕಾರಿ ಪ್ರತಿಕ್ರಿಯೆ!

ತಂದೆ- ತಾಯಿ ಕಳೆದುಕೊಂಡಿದ್ದ ಯುವತಿಯಬ್ಬಳು ಬದುಕಿನ ಆಸರೆಗಾಗಿ ಶಾದಿ ಡಾಟ್​ ಕಾಮ್​​ನಲ್ಲಿ ಪ್ರೊಫೈಲ್​​​ ಹಾಕಿದ್ದರು. ಯುವತಿಯ ಪ್ರೊಫೈಲ್​ ನೋಡಿದ ನೋಮನ್​​​​ ಷರೀಫ್​​ ಎಂಬಾತ ಫ್ರೆಂಡ್​ ಮಾಡಿಕೊಂಡಿದ್ದ. ಇದು ಪ್ರೇಮಕ್ಕೆ ತಿರುಗಿ ಮದುವೆಯಾಗುವುದಾಗಿ ನಂಬಿಸಿದ್ದ.

ಇನ್ನೂ ಮುಂದುವರೆದು, ನಮ್ಮ ತಂದೆ ತಾಯಿ ನಿನ್ನನ್ನು ನೋಡಬೇಕು ಎಂದು ಯುವತಿಯನ್ನು ಓಯೋ ರೂಂ ಬುಕ್ ಮಾಡಿ ಹೊಟೇಲ್​ಗೆ ಕರೆಸಿದ್ದ. ನಂತರ ವರಸೆ ಬದಲಾಯಿಸಿದ ನಯ ವಂಚಕ, ಹೇಗೋ ರೂಮ್ ಗೆ ಬಂದಿದ್ದೇವೆ.. ಮುಂದೆ ಮದುವೆಯಾಗೋಣ ಎಂದು‌ ಯುವತಿಯನ್ನ ನಂಬಿಸಿ ದೈಹಿಕವಾಗಿಯೂ ಬಳಸಿಕೊಂಡಿದ್ದ.  

ಇದನ್ನೂ ಓದಿ: ಬಾತ್‌ ರೂಂನಲ್ಲಿ ಖ್ಯಾತ ನಟನ ಮೃತದೇಹ ಪತ್ತೆ..! ಡ್ರಗ್ಸ್‌ ಓವರ್‌ಡೋಸ್‌ ಕಾರಣವೇ..?

ಯುವತಿಯನ್ನು ಮದುವೆ ಆಗ್ತೀನಿ ಅಂತಾ ಹಲವು ಬಾರಿ ದುರ್ಬಳಕೆ ಮಾಡಿಕೊಂಡಿದ್ದ.  ಯುವತಿ ಹೇಗಾದ್ರೂ ಮದುವೆ ಆಗ್ತಾನೆ ಅಂತಾ ನಂಬಿದ್ದಳು. ಆದರೆ ಈ ಐನಾತಿ ನೋಮನ್​ ಕೊನೆಗೆ ಬೇರೊಬ್ಬರ ಜತೆ ನಿಖಾ ಮಾಡಿಕೊಂಡಿದ್ದಾನೆ. ಸದ್ಯ ವಂಚನೆಗೊಳಗಾದ ಯುವತಿ ನ್ಯಾಯಕ್ಕಾಗಿ ಡಿಜೆ ಹಳ್ಳಿ ಠಾಣೆಗೆ ದೂರು ನೀಡಿದ್ದಾಳೆ. ಯುವತಿಯ ದೂರಿನ ಮೇಲೆ  FIR ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.