Gadar 2: ಅತಿಯಾದ ದೇಶಪ್ರೇಮ ಕೂಡ ಹಾನಿಕರ..! ಸನ್ನಿ ಡಿಯೋಲ್‌ ಚಿತ್ರವನ್ನು ನಸೀರುದ್ದೀನ್ ಶಾ ಟೀಕಿಸಿದ್ದೇಕೆ?

Naseeruddin Shah on Gadar 2 : ಸನ್ನಿ ಡಿಯೋಲ್‌ ನಟನೆಯ ‘ಗದರ್ 2’ ಸಿನಿಮಾ ರಿಲೀಸ್‌ ಆಗಿ ಸಖತ್‌ ಸೌಂಡ್‌ ಮಾಡುವುದರ ಜೊತೆಗೆ ಸಾಕಷ್ಟು ವಿವಾದಗಳನ್ನು ಸೃಷ್ಟಿಸಿತ್ತು. ಸದ್ಯ ಈ ಸಿನಿಮಾದ ಬಗ್ಗೆ ಬಾಲಿವುಡ್‌ನ ಖ್ಯಾತ ನಟ ನಸೀರುದ್ದೀನ್ ಶಾ ಟೀಕೆ ಮಾಡಿದ್ದಾರೆ.

Gadar 2 : ವಿವಾದಗಳಿದ್ದರೂ ಸಹ ಸನ್ನಿ ಡಿಯೋಲ್ ಅವರ ‘ಗದರ್ 2’ ಸಿನಿಮಾ 500 ಕೋಟಿ ರೂಪಾಯಿಗೂ ಅಧಿಕ ಕಲೆಕ್ಷನ್ ಮಾಡುವ ಮೂಲಕ ಜನರಿಂದ ಮೆಚ್ಚುಗೆ ಪಡೆದಿತ್ತು. ಮಗನ ರಕ್ಷಣೆಗೆ ಪಾಕಿಸ್ತಾನಕ್ಕೆ ಹೋಗುವ ತಂದೆಯ ಪಾತ್ರಕ್ಕೆ ಸನ್ನಿಡಿಯೋಲ್‌ ಜೀವ ತುಂಬಿದ್ದರು. ಈ ಚಿತ್ರದಲ್ಲಿ ಅಮೀಷಾ ಪಟೇಲ್ ಮೊದಲಾದವರು ನಟಿಸಿದ್ದು, ಅನಿಲ್ ಶರ್ಮಾ ಅವರು ನಿರ್ದೇಶನ ಮಾಡಿದ್ದಾರೆ.

ಕೆಲವೊಂದು ಸೀನ್‌ಗಳ ಮೂಲಕ ಸೋಷಿಯಲ್‌ ಮಿಡಿಯಾದಲ್ಲಿ ಸಂಚಲನ ಮೂಡಿಸಿದ್ದ ಸನ್ನಿ ಡಿಯೋಲ್‌ ‘ಗದರ್ 2’ ಸಿನಿಮಾ ಬಗ್ಗೆ ಇದೀಗ ಖ್ಯಾತ ನಟರೊಬ್ಬರು ಪ್ರತಿಕ್ರಿಯಿಸಿದ್ದಾರೆ. ಈ ಬಗ್ಗೆ ಇತ್ತೀಚಿನ ಸಂದರ್ಶನವೊಂದರಲ್ಲಿ ಮಾತನಾಡಿದ ನಸೀರುದ್ದೀನ್ ಶಾ ಅತಿಯಾದ ದೇಶಪ್ರೇಮ ಹಾನಿಕರ...ಸಿನಿಮಾದ ಜನಪ್ರಿಯತೆ ಎಂಬುದು ಇದರಿಂದಲೇ ಪ್ರಭಾವಿತವಾಗಿದೆ. ಬರೀ ನೀವು ನಿಮ್ಮ ದೇಶವನ್ನು ಪ್ರೀತಿಸಿದರೆ ಸಾಕಾಗುವುದಿಲ್ಲ...ಕಾಲ್ಪನಿಕ ಶತ್ರುಗಳನ್ನು ಸೃಷ್ಟಿಮಾಡಿಕೊಳ್ಳಬೇಕು. ದಿ ಕೇರಳ ಸ್ಟೋರಿ, ಗದರ್ 2 ಚಿತ್ರಗಳು ಸಾಕಷ್ಟು ಅಪಾಯಕಾರಿ ಸಿನಿಮಾಗಳು. ನಾನು ಆ ಸಿನಿಮಾಗಳನ್ನು ವೀಕ್ಷಿಸಿಲ್ಲ ಆದರೆ ಅದರಲ್ಲಿ ಏನಿದೆ ಅನ್ನೋದು ನನಗೆ ಗೊತ್ತಿದೆ" ಎಂದಿದ್ದಾರೆ. 

ಇದನ್ನೂ ಓದಿ-ಸೈಫ್ ಜೊತೆಗಿನ ವಯಸ್ಸಿನ ಅಂತರದ ಟೀಕೆಗಳಿಗೆ ಮುಟ್ಟಿನೋಡಿಕೊಳ್ಳುವಂತೆ ಉತ್ತರಿಸಿದ ಕರೀನಾ ಕಪೂರ್!!

ಅಲ್ಲದೇ ದಿ ಕೇರಳ ಸ್ಟೋರಿ ಸಿನಿಮಾ ಸಹ ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಸದ್ದು ಮಾಡಿತ್ತು. ಕೇರಳದ ಯುವತಿಯರನ್ನು ಮತಾಂತರಗೊಳಿಸಿ ಉಗ್ರ ಸಂಘಟನೆಗಳಿಗೆ ಅವರನ್ನು ನೇಮಿಸುವ ಕಥೆಯನ್ನು ಈ ಸಿನಿಮಾ ಒಳಗೊಂ ಡಿದೆ. ಜೊತೆಗೆ ಇದು ನೈಜ ಘಟನೆ ಎಂದು ಚಿತ್ರತಂಡ ಹೇಳಿಕೊಂಡಿತ್ತು. ಅಂದು ಆ ಚಿತ್ರವನ್ನು ಸಹ ನಸೀರುದ್ದೀನ್ ಶಾ ಟೀಕಿಸಿದ್ದರು.

ಇನ್ನು ಈ ‘ಗದರ್ 2’ ಸಿನಿಮಾ ಭಾರತ – ಪಾಕಿಸ್ತಾನ ನಡುವಿನ ಕಥೆಯನ್ನು ಒಳಗೊಂಡಿರುವುದರಿಂದ ಇತ್ತೀಚೆಗಷ್ಟೇ ಸೋಷಿಯಲ್‌ ಮಿಡಿಯಾದಲ್ಲಿ ಈ ಸಿನಿಮಾ ವಿರೋಧ ಪೋಸ್ಟ್‌ಗಳು ಸಾಕಷ್ಟು ಹರಿದಾಡುತ್ತಿದ್ದವು. ಇದೆಲ್ಲದರ ನಡುವೆಯೂ ಇತ್ತೀಚೆಗೆ ಚಿತ್ರತಂಡ ಸಕ್ಸಸ್ ಪಾರ್ಟಿಯನ್ನು ಕೂಡ ಗ್ರ್ಯಾಂಡ್ ಆಗಿ ಸೆಲೆಬ್ರೇಟ್ ಮಾಡಿತ್ತು.