ಬೆಂಗಳೂರು: ಕನ್ನಡದ ಸೂಪರ್ ಸ್ಟಾರ್ ಕಿಚ್ಚ ಸುದೀಪ ಅಭಿನಯದ 'ಕೋಟಿಗೊಬ್ಬ 3' ಚಿತ್ರದ ಬಹುನಿರೀಕ್ಷಿತ ಟೀಸರ್ ಮಹಾ ಶಿವರಾತ್ರಿಯ ಶುಭ ಸಂದರ್ಭದಲ್ಲಿ ಬಿಡುಗಡೆಯಾಗಿದೆ.ಈಗ ಕೇವಲ ಬಿಡುಗಡೆಯಾದ 3 ಗಂಟೆಗಳಲ್ಲಿ ಯುಟ್ಯೂಬ್ ನಲ್ಲಿ 4.9 ಲಕ್ಷಕ್ಕೂ ಅಧಿಕ ಬಾರಿ ವೀಕ್ಷಣೆಯಾಗಿದೆ.
ರಾಯಲ್ ಲುಕ್ ನಲ್ಲಿ ಕಂಗೊಳಿಸುವ ಸುದೀಪ್ ಹೈ ವೋಲ್ಟೇಜ್ ಆಕ್ಷನ್ ಗಳ ಮೂಲಕ ಟೀಸರ್ ನಲ್ಲಿ ಗಮನಸೆಳೆದಿದ್ದಾರೆ. ಆ ಮೂಲಕ ಈಗ ಅಭಿಮಾನಿಗಳಿಗೆ ಇಂದೊಂದು ಪಕ್ಕಾ ಫುಲ್ ಪ್ಯಾಕೇಜ್ ಸಿನಿಮಾ ಎನ್ನುವುದು ಖಾತ್ರಿ ಮಾಡಿದ್ದಾರೆ.ನಟಿ ಮಡೋನಾ ಸೆಬಾಸ್ಟಿಯನ್ ಮತ್ತು ಶ್ರದ್ಧಾ ದಾಸ್ 'ಕೋಟಿಗೊಬ್ಬ 3' ಚಿತ್ರದಲ್ಲಿ ನಾಯಕಿಯರಾಗಿ ನಟಿಸಿದ್ದಾರೆ.
Happy to present the teaser of #K3.
My best wshs to th entire Team.
Click below.https://t.co/RosmQfnzBG
🤗🤗🥂🥂— Kichcha Sudeepa (@KicchaSudeep) February 21, 2020
ಅಫ್ತಾಬ್ ಶಿವದಾಸಾನಿ ಮತ್ತು ನವಾಬ್ ಷಾ ಕೂಡ ಈ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದು, ರವಿಶಂಕರ್ ಪ್ರಮುಖ ಖಳನಾಯಕನ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರವನ್ನು ಹಲವು ಅದ್ಬುತ ತಾಣಗಳಲ್ಲಿ ಚಿತ್ರಿಸಿರುವುದು ಕೂಡ ಟೀಸರ್ ನಲ್ಲಿನ ಹೈಲೆಟ್ ಆಗಿದೆ.ಈಗ ಶಿವರಾತ್ರಿ ಹಬ್ಬದ ಪ್ರಯುಕ್ತ ತಮ್ಮ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಬಿಡುಗಡೆ ಮಾಡಿರುವ ಕಿಚ್ಚ ಸುದೀಪ್ ' "ಕೆ 3 ನ ಟೀಸರ್ ಅನ್ನು ಪ್ರಸ್ತುತಪಡಿಸಲು ಸಂತೋಷವಾಗಿದೆ. ಇಡೀ ತಂಡಕ್ಕೆ ನನ್ನ ಶುಭಾಶಯಗಳು" ಎಂದು ಟ್ವೀಟ್ ಮಾಡಿದ್ದಾರೆ.
'ಕೋಟಿಗೊಬ್ಬ 3' ಅದೇ ಹೆಸರಿನ ಕಿಚ್ಚ ಸುದೀಪ ಅವರ ಚಿತ್ರದ ಮುಂದುವರಿದ ಭಾಗವಾಗಿದೆ.ಶಿವ ಕಾರ್ತಿಕ್ ನಿರ್ದೇಶನದ ಮತ್ತು ಸೂರಪ್ಪ ಬಾಬು ನಿರ್ಮಿಸಿದ 'ಕೋಟಿಗೊಬ್ಬ 3' ಮಾರ್ಚ್ 2020 ರಲ್ಲಿ ಬಿಡುಗಡೆಯಾಗಲಿದೆ ಎಂದು ತಿಳಿದುಬಂದಿದೆ.
