ಮುಂಬೈ: ಮುಂಬೈಗೆ ಸೇನೆ ಕರೆಸಲಾಗುತ್ತದೆ. ಇಡೀ ಮುಂಬೈ ಅನ್ನು ಸೇನಾ ಸುಪರ್ದಿಗೆ ವಹಿಸಲಾಗುತ್ತದೆ ಎಂಬ ಊಹಾಪೋಹ ಸೃಷ್ಟಿಯಾಗಿರುವ ಬಗ್ಗೆ ಪ್ರತಿಕ್ರಿಯಿಸಿರುವ ಮಹಾರಾಷ್ಟ್ರ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ (Uddhav thackeray) ಇದು ಸಂಪೂರ್ಣವಾಗಿ ತಪ್ಪು. ಇಂತಹ ವದಂತಿಗಳನ್ನು ನಿರ್ಲಕ್ಷಿಸಬೇಕು. ಮುಂಬೈ ಪೊಲೀಸರು ಸಮರ್ಥರು. ಮುಂಬೈ ಪೊಲೀಸರ ಸಾಮರ್ಥ್ಯವನ್ನು ಗಮನದಲ್ಲಿಟ್ಟುಕೊಂಡು, ನಮಗೆ ಅಗತ್ಯವಿದ್ದರೆ ಹೆಚ್ಚುವರಿಸೈನ್ಯವನ್ನು ಕೇಂದ್ರ ಸರ್ಕಾರದಿಂದ ಕರೆಸಲಾಗುವುದು. ಒಂದೊಮ್ಮೆ ಇಂತಹ ನಿರ್ಧಾರ ಕೈಗೊಂಡಲ್ಲಿ ಆ ಮಾಹಿತಿಯನ್ನು ಸಾರ್ವಜನಿಕರಿಗೆ ನೀಡಲಾಗುವುದು. ಮುಂಬೈ ಪೊಲೀಸರು ಹಗಲಿರುಳು ಎನ್ನದೆ ಶ್ರಮವಹಿಸಿ ಕೆಲಸ ಮಾಡುತ್ತಿದ್ದಾರೆ. ಅವರಿಗೂ ಕೊಂಚ ವಿಶ್ರಾಂತಿ ಅಗತ್ಯವಿದೆ ಎಂದರು.
ಆದಾಗ್ಯೂ ಕರೋನಾ ವೈರಸ್‌ನ 'ಸರಪಳಿಯನ್ನು' ಮುರಿಯಲು ತನಗೆ ಇನ್ನೂ ಸಾಧ್ಯವಾಗಿಲ್ಲ ಎಂದು ಠಾಕ್ರೆ ಒಪ್ಪಿಕೊಂಡರು. ವೈರಸ್ ಕೋವಿಡ್-19 (Covid-19) ಹರಡುವಿಕೆಯು ನಿರಂತರವಾಗಿ ಹೆಚ್ಚಾಗುತ್ತಿದೆ. ಈಗ ಅದನ್ನು ಮುರಿಯಬೇಕಾಗಿದೆ. ನಾವೆಲ್ಲರೂ ಅದನ್ನು ಒಗ್ಗಟ್ಟಾಗಿ ಒಡೆಯಬೇಕಾಗಿದೆ. ಈಗ ವಿದೇಶದಿಂದ ಬಂದ ನಮ್ಮ ನಾಗರಿಕರು, ಇತರ ರಾಜ್ಯಗಳಿಂದ ನಮ್ಮ ವಿದ್ಯಾರ್ಥಿಗಳು ಮುಂಬೈ-ಮಹಾರಾಷ್ಟ್ರಕ್ಕೆ ಬರುತ್ತಾರೆ. ಅವರನ್ನು ಸಹ ಪರೀಕ್ಷಿಗೆ ಒಳಪಡಿಸಬೇಕಾಗುತ್ತದೆ, ಆದರೆ ಮುಂಬೈ ಜನರ ಪರೀಕ್ಷೆಯಲ್ಲಿ ಯಾವುದೇ ಇಳಿಕೆ ಕಂಡುಬರುವುದಿಲ್ಲ. ಹೆಚ್ಚುತ್ತಿರುವ ಸಾವುಗಳ ಸಂಖ್ಯೆಯಲ್ಲಿ, ಇಂತಹ ಅನೇಕ ಪ್ರಕರಣಗಳು ಕೊನೆಯ ಹಂತಕ್ಕೆ ಬಂದಿವೆ. ಈವರೆಗೆ 3400 ರೋಗಿಗಳು ಮಹಾರಾಷ್ಟ್ರದಲ್ಲಿ ಸಂಪೂರ್ಣವಾಗಿ ಚೇತರಿಸಿಕೊಂಡಿದ್ದಾರೆ ಎಂದವರು ತಿಳಿಸಿದರು.
ಇದೇ ವೇಳೆ ಔರಂಗಾಬಾದ್‌ನಲ್ಲಿ ನಡೆದ ಘಟನೆಯ ಬಗ್ಗೆ ಠಾಕ್ರೆ ದುಃಖ ವ್ಯಕ್ತಪಡಿಸಿದರು. ಕಾರ್ಮಿಕರ ಸಾವಿನ ಘಟನೆ ನನಗೆ ತುಂಬಾ ನೋವುಂಟು ಮಾಡಿದೆ. ಕಾರ್ಮಿಕರನ್ನು ಸಂಯಮ ಕಾಪಾಡಿಕೊಳ್ಳಬೇಕೆಂದು ನಾನು ಮನವಿ ಮಾಡುತ್ತೇನೆ. ಈ ಸಮಯದಲ್ಲಿ ನಿಮ್ಮ ತಾಳ್ಮೆ ಬಹಳ ಮುಖ್ಯ. ಯಾವುದೇ ವದಂತಿಗಳನ್ನು ನಿರ್ಲಕ್ಷಿಸಿ. ತಮ್ಮ ರಾಜ್ಯಕ್ಕೆ ಹೋಗಲು ಬಯಸುವ ಕಾರ್ಮಿಕರನ್ನು ಕಳುಹಿಸಲಾಗುವುದು. ಆ ಬಗ್ಗೆ ಯಾವುದೇ ಆತಂಕ ಬೇಡ ಎಂದವರು ಮನವಿ ಮಾಡಿದರು.
ಇದು ಶಿವಾಜಿ ಮಹಾರಾಜರ ಮಹಾರಾಷ್ಟ್ರ. ನಾವೆಲ್ಲರೂ ಕರೋನಾವೈರಸ್ (Coronavirus) ವಿರುದ್ಧ ಹೋರಾಡಬೇಕಾಗಿದೆ. ಯಾವುದೇ ಪೊಲೀಸ್, ವೈದ್ಯರು ಅಥವಾ ಕರೋನಾ ಯೋಧರ ಮೇಲೆ ದಾಳಿ ಮಾಡಬಾರದು. ಹಾಗೆ ಮಾಡುವವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ನಾನು ಸೂಚಿಸುತ್ತಿದ್ದೇನೆ. ನನ್ನ ಮನವಿ ಮಹಾಲಕ್ಷ್ಮಿ ಹೋಮಿಯೋಪತಿ, ರೇಸ್ ಕೋರ್ಸ್, ಬಿಕೆಸಿ, ದಾದರ್, ಗೋರೆಗಾಂವ್ ಮತ್ತು ಮುಂಬೈನ ಓಪನ್ ಗ್ರೌಂಡ್ ಮತ್ತು ಪ್ರದರ್ಶನ ಕೇಂದ್ರಗಳಲ್ಲಿನ ಕರೋನಾ ಸಂಪರ್ಕತಡೆ ಕ್ವಾರಂಟೈನ್ (Quarantine) ಕೇಂದ್ರಗಳಲ್ಲಿ ಅಗತ್ಯವಿದ್ದರೆ ಅಲೋಪತಿ, ಆಯುರ್ವೇದ ಮತ್ತು ಹೋಮಿಯೋಪತಿ ವೈದ್ಯರು ಮುಂದೆ ಬಂದು ಮಹಾರಾಷ್ಟ್ರ ಸರ್ಕಾರಕ್ಕೆ ಸಹಾಯ ಮಾಡಬೇಕು. ಇದು ದುಃಖದ ಸಮಯ ಮತ್ತು ನಾವೆಲ್ಲರೂ ಒಟ್ಟಾಗಿ ಹೋರಾಡಬೇಕಾಗಿದೆ ಎಂದು ಸಿಎಂ ವೈದ್ಯರಿಗೆ ಕರೆ ನೀಡಿದರು.
