"ಕೋಳಿ" ಪ್ರಾಣಿಯೋ ಅಥವಾ ಪಕ್ಷಿಯೋ..? ಕೊನೆಗೂ ಈ ಕುರಿತು ತೀರ್ಪು ನೀಡಿದ ಹೈಕೋರ್ಟ್

ಇಷ್ಟು ದಿನ ಮೊದಲು ಬಂದದ್ದು ಮೊಟ್ಟೆಯೋ ಅಥವಾ ಕೋಳಿಯೋ..? ಎನ್ನುವ ವಿವಾದ ಇತ್ತು.. ಅದರ ನಂತರ ಮೊಟ್ಟೆ ಮಾಂಸಹಾರಿನಾ ಅಥವಾ ಸಸ್ಯಹಾರಿ ಎನ್ನುವ ಪ್ರಶ್ನೆ ತಲೆ ಕೆಡಿಸಿತ್ತು.. ಇದೀಗ ಇವುಗಳ ಪಟ್ಟಿಗೆ ಹೊಸ ವಿಚಾರವೊಂದು ಸೇರಿದೆ.. ಅದೆನೇಂದರೆ.. ಕೋಳಿ ಪ್ರಾಣಿಯೋ ಅಥವಾ ಪಕ್ಷಿಯೋ..?

ಗುಜರಾತ್‌ : ಮೊದಲು ಬಂದದ್ದು ಮೊಟ್ಟೆಯೋ ಅಥವಾ ಕೋಳಿಯೋ? ಈ ವಿವಾದ ಈಗ ಹಳೆಯದು. ಈಗ ಹೊಸ ಚರ್ಚೆ ಹುಟ್ಟಿಕೊಂಡಿದೆ.. ಕೋಳಿ ಪ್ರಾಣಿಯೋ ಅಥವಾ ಪಕ್ಷಿಯೋ? ಅಂತ. ಇಂತಹ ವಿವಾದಗಳು ಸಾಮಾನ್ಯವಾಗಿ ಸಾಮಾಜಿಕ ಮಾಧ್ಯಮಗಳಲ್ಲಿ ಚರ್ಚೆಗೆ ಕಾರಣವಾಗುತ್ತವೆ.. ಆದರೆ, ವಿಷಯ ಎಷ್ಟು ಗಂಭೀರ ತಿರುವು ಪಡೆದುಕೊಂಡಿತು ಎಂದರೆ ನೇರವಾಗಿ ಹೈಕೋರ್ಟ್‌ಗೆ ಅರ್ಜಿ ಸಲ್ಲಿಸಲಾಯಿತು. 

ಈ ಪ್ರಕರಣದಲ್ಲಿ ಕೋಳಿಗಳನ್ನು ಪ್ರಾಣಿಗಳ ವರ್ಗಕ್ಕೆ ಸೇರಿಸಬೇಕೇ ಅಥವಾ ಬೇಡವೇ ಎಂದು ಕೇಳುವ ಅರ್ಜಿಯನ್ನು ಗುಜರಾತ್ ಹೈಕೋರ್ಟ್‌ನಲ್ಲಿ ಸಲ್ಲಿಸಲಾಯಿತು. ಅರ್ಜಿದಾರರ ಪ್ರಶ್ನೆಗೆ ಉತ್ತರಿಸಲು ಗುಜರಾತ್ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಸಲಾಯಿತು.

ಇದನ್ನೂ ಓದಿ:ಮೆಟ್ರೋ ರೈಲು ಪ್ರಯಾಣ ದರ ಏರಿಕೆ, ಗ್ಯಾರಂಟಿ ಹಣ ಭರ್ತಿ ಮಾಡಿಕೊಳ್ಳಲು ಲೂಟಿ : ಹೆಚ್‌ಡಿಕೆ 

ಪ್ರಾಣಿ ಕಲ್ಯಾಣ ಪ್ರತಿಷ್ಠಾನ ಮತ್ತು ಅಹಿಂಸಾ ಮಹಾಸಂಘದ ಪರವಾಗಿ 2023 ರಲ್ಲಿ ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಲಾಯಿತು. ಈ ಅರ್ಜಿಯಲ್ಲಿ ಅಂಗಡಿಗಳಲ್ಲಿ ಕೋಳಿಗಳನ್ನು ಕೊಲ್ಲುವುದು ನಿಷೇಧಿಸಬೇಕೆಂದು ಒತ್ತಾಯಿಸಲಾಯಿತು. ಕೋಳಿಯಾಗಿರಲಿ ಅಥವಾ ಹುಂಜವಾಗಿರಲಿ ಅದನ್ನು ಕಸಾಯಿಖಾನೆಗಳಲ್ಲಿ ಮಾತ್ರ ಕೊಲ್ಲಬೇಕು ಎಂದು ಈ ಅರ್ಜಿಯಲ್ಲಿ ಒತ್ತಾಯಿಸಲಾಗಿತ್ತು.. ಕೋಳಿ ಅಂಗಡಿಯಲ್ಲಿ ಕೋಳಿ ವಧೆ ಮಾಡಲಾಗುತ್ತಿರುವುದರಿಂದ ನಿಯಮಗಳನ್ನು ಉಲ್ಲಂಘಿಸಲಾಗುತ್ತಿದೆ ಎಂದು ಅರ್ಜಿದಾರರ ವಕೀಲರು ವಾದಿಸಿದರು.

ವಿಚಾರಣೆಯ ಸಮಯದಲ್ಲಿ, ನ್ಯಾಯಾಲಯವು ಈ ಪ್ರಕರಣದಲ್ಲಿ ಸರ್ಕಾರದಿಂದ ಮಾಹಿತಿಯನ್ನು ಕೇಳಿತು. ಕೋಳಿ ಪ್ರಾಣಿಯೋ ಅಥವಾ ಪಕ್ಷಿಯೋ ಎಂದು ನ್ಯಾಯಾಲಯ ಸರ್ಕಾರವನ್ನು ಪ್ರಶ್ನಿಸಿತು. ನ್ಯಾಯಾಲಯಕ್ಕೆ ನೀಡಿದ ಪ್ರತಿಕ್ರಿಯೆಯಲ್ಲಿ ಸರ್ಕಾರ, ಆಹಾರ ಮತ್ತು ಸುರಕ್ಷತಾ ಮಾನದಂಡಗಳ ಪ್ರಕಾರ, ಕೋಳಿ ಪಕ್ಷಿಯಲ್ಲ, ಬದಲಿಗೆ ಪ್ರಾಣಿ ಎಂದು ಹೇಳಿದೆ. 

ಇದನ್ನೂ ಓದಿ:ರಾತ್ರಿ ಊಟದ ನಂತರ ಸೋಂಪು ತಿನ್ನುವುದು ಒಳ್ಳೆಯದಾ.. ಕೆಟ್ಟದ್ದಾ..? ತಿನ್ನುವ ಮುನ್ನ ಉತ್ತರ ತಿಳಿಯಿರಿ..

ವಿಜ್ಞಾನದ ವಿಷಯಕ್ಕೆ ಬಂದರೆ, ಕೋಳಿ ಪ್ರಾಣಿಯೂ ಹೌದು, ಪಕ್ಷಿಯೂ ಹೌದು. ಕೋಳಿಗಳನ್ನು ಅನಿಮಲ್ ಕಿಂಗ್ಡಮ್ ಅನಿಮಾಲಿಯಾದಲ್ಲಿ ವರ್ಗೀಕರಿಸಲಾಗಿದೆ. ಈ ವರ್ಗವು ಮರಗಳು, ಶಿಲೀಂಧ್ರಗಳು ಮತ್ತು ಬ್ಯಾಕ್ಟೀರಿಯಾಗಳನ್ನು ಹೊರತುಪಡಿಸಿ ಎಲ್ಲಾ ಜೀವಿಗಳನ್ನು ಒಳಗೊಂಡಿದೆ.