ಮೋದಿ 2.0 ಅವಧಿಯ 100 ದಿನಗಳಲ್ಲಿ ಹೂಡಿಕೆದಾರರ 12.5 ಲಕ್ಷ ಕೋಟಿ ರೂ. ನಷ್ಟ

ನವದೆಹಲಿ:  ಪ್ರಧಾನಿ ನರೇಂದ್ರ ಮೋದಿಯವರ ಸರ್ಕಾರದ ಎರಡನೇ ಅವಧಿ ಮೊದಲ 100 ದಿನಗಳಲ್ಲಿ ಹೂಡಿಕೆದಾರರ 12.5 ಲಕ್ಷ ಕೋಟಿ ರೂ. ನಷ್ಟವಾಗಿದೆ ಎನ್ನಲಾಗಿದೆ. ನಿನ್ನೆ ಮುಕ್ತಾಯದ ವೇಳೆಗೆ, ಬಿಎಸ್‌ಇಯಲ್ಲಿ ಪಟ್ಟಿ ಮಾಡಲಾದ ಕಂಪನಿಗಳ ಮಾರುಕಟ್ಟೆ ಬಂಡವಾಳ ಅಥವಾ ಮಾರುಕಟ್ಟೆ ಮೌಲ್ಯ ರೂ. 1,41,15,316.39 ಕೋಟಿ ರೂ. ಪ್ರಧಾನಿ ಮೋದಿ ಸರ್ಕಾರ ಅಧಿಕಾರಕ್ಕೆ ಬರುವ ದಿನಕ್ಕೂ ಮೊದಲು 1,53,62,936.40 ಕೋಟಿ ರೂ. ಆಗಿತ್ತು ಎನ್ನಲಾಗಿದೆ. 

ಸೆನ್ಸೆಕ್ಸ್ ಶೇಕಡಾ 5.96 ಅಥವಾ 2,357 ಅಂಕಗಳ ಕುಸಿತ ಕಂಡಿದೆ ಮತ್ತು ಎನ್‌ಎಸ್‌ಇ ನಿಫ್ಟಿ 50 ಸೂಚ್ಯಂಕವು ಮೇ 30 ರಿಂದ ಶೇ 7.23 ಅಥವಾ 858 ಪಾಯಿಂಟ್‌ಗಳ ಕುಸಿತ ಕಂಡಿದೆ. ನಿಧಾನಗತಿಯ ಆರ್ಥಿಕ ಬೆಳವಣಿಗೆ, ವಿದೇಶಿ ನಿಧಿಗಳ ಹೊರಹರಿವು ಮತ್ತು ದುರ್ಬಲ ಕಾರ್ಪೊರೇಟ್ ಗಳಿಕೆಗಳು ಈಕ್ವಿಟಿ ಮಾರುಕಟ್ಟೆಗಳ ಕುಸಿತಕ್ಕೆ ಕೆಲವು ಪ್ರಮುಖ ಕಾರಣಗಳಾಗಿವೆ ಎಂದು ವಿಶ್ಲೇಷಕರು ಹೇಳಿದ್ದಾರೆ.

ವಿದೇಶಿ ಹೂಡಿಕೆದಾರರು ಭಾರತೀಯ ಮಾರುಕಟ್ಟೆಗಳಲ್ಲಿ ನಿವ್ವಳ ಮಾರಾಟಗಾರರಾಗಿದ್ದಾರೆ. ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಎರಡನೇ ಎನ್‌ಡಿಎ ಸರ್ಕಾರದ ಮೊದಲ ಬಜೆಟ್‌ನಲ್ಲಿ ವಿದೇಶಿ ಹೂಡಿಕೆದಾರರ ಮೇಲಿನ ಅತಿ ಶ್ರೀಮಂತ ತೆರಿಗೆಯನ್ನು ಪರಿಚಯಿಸಿದ ನಂತರ ಮಾರಾಟದ ಒತ್ತಡ ಹೆಚ್ಚಾಯಿತು, ನಂತರ ಇದನ್ನು ಒಂದು ತಿಂಗಳ ನಂತರ ವಾಪಾಸ್ ತೆಗೆದುಕೊಳ್ಳಲಾಯಿತು. ಸರ್ಕಾರ ರಚನೆಯಾದಾಗಿನಿಂದ ವಿದೇಶಿ ಬಂಡವಾಳ ಹೂಡಿಕೆದಾರರ  28,260.50 ಕೋಟಿ ರೂ.ಗಳನ್ನು ನ್ಯಾಷನಲ್ ಸೆಕ್ಯುರಿಟೀಸ್ ಡಿಪಾಸಿಟರಿ ಲಿಮಿಟೆಡ್ (ಎನ್‌ಎಸ್‌ಡಿಎಲ್) ಸಂಗ್ರಹಿಸಿದೆ.  

ಮಾರುಕಟ್ಟೆಯಲ್ಲಿನ ನಿಧಾನಗತಿ ಬೆಳವಣಿಗೆಗೆ ಪ್ರತಿಕ್ರಿಯಿಸಿರುವ ಐಡಿಬಿಐ ಕ್ಯಾಪಿಟಲ್ ಸಂಶೋಧನಾ ವಿಭಾಗದ ಮುಖ್ಯಸ್ಥ ಎ.ಕೆ. ಪ್ರಭಾಕರ್ 'ಮಾರುಕಟ್ಟೆಯಲ್ಲಿನ ಮಂದಗತಿಯು ಪ್ರಧಾನಿ ಮೋದಿಯವರ ಎರಡನೇ ಅಧಿಕಾರಾವಧಿಗೆ ಮುಂಚೆಯೇ ಪ್ರಾರಂಭವಾಯಿತು. ಫೆಬ್ರವರಿ 2018 ರ ಬಜೆಟ್ನಲ್ಲಿ ದೀರ್ಘಾವಧಿಯ ಬಂಡವಾಳ ಲಾಭ ತೆರಿಗೆ ಮತ್ತು ಲಾಭಾಂಶ ವಿತರಣಾ ತೆರಿಗೆಯನ್ನು ಪರಿಚಯಿಸುವುದು ಈಕ್ವಿಟಿ ಮಾರುಕಟ್ಟೆ ಮೌಲ್ಯಮಾಪನಗಳ ಕುಸಿತಕ್ಕೆ ಕಾರಣವಾಯಿತು. ಐಎಲ್ ಮತ್ತು ಎಫ್ಎಸ್ ಬಿಕ್ಕಟ್ಟಿನ ನಂತರ ಮಾರುಕಟ್ಟೆಗಳ ಕುಸಿತವು ವೇಗಗೊಂಡಿತು ಎಂದು ಹೇಳಿದ್ದಾರೆ.

ನಿಫ್ಟಿ ಮಾಹಿತಿ ತಂತ್ರಜ್ಞಾನ ಸೂಚ್ಯಂಕವನ್ನು ಹೊರತುಪಡಿಸಿ ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರವು ಸಂಗ್ರಹಿಸಿದ ಎಲ್ಲಾ ವಲಯದ ಮಾಪಕಗಳು ಕಳೆದ 100 ದಿನಗಳಲ್ಲಿ ಋಣಾತ್ಮಕ ಆದಾಯವನ್ನು ನೀಡಿವೆ, ನಿಫ್ಟಿ ಪಿಎಸ್‌ಯು ಬ್ಯಾಂಕ್ ಸೂಚ್ಯಂಕವು ಶೇಕಡಾ 26 ರಷ್ಟು ಕುಸಿದಿದೆ. ಕಳೆದ ತಿಂಗಳು, ಸರ್ಕಾರಿ ಸ್ವಾಮ್ಯದ ಬ್ಯಾಂಕುಗಳ ಮೆಗಾ ವಿಲೀನವನ್ನು ಸರ್ಕಾರ ಘೋಷಿಸಿತು, ಇದರಲ್ಲಿ ಸರ್ಕಾರಿ ಸ್ವಾಮ್ಯದ ಬ್ಯಾಂಕುಗಳ ಸಂಖ್ಯೆಯನ್ನು 27 ರಿಂದ 12 ಕ್ಕೆ ಇಳಿಸಲಾಗಿದೆ. 

ಎರಡು ದಶಕಗಳಲ್ಲಿ ಇದೇ ಮೊದಲ ಬಾರಿಗೆ ವಾಹನ ಉದ್ಯಮವು ಸಂಕಷ್ಟಕ್ಕೆ ಸಿಲುಕಿದೆ. ಇದರಿಂದಾಗಿ ನಿಫ್ಟಿ ಆಟೋ ಸೂಚ್ಯಂಕವು ಶೇಕಡಾ 13.48 ರಷ್ಟು ಕುಸಿದಿದೆ. ನಿಫ್ಟಿ ಬ್ಯಾಂಕ್, ಖಾಸಗಿ ಬ್ಯಾಂಕ್, ಮಾಧ್ಯಮ ಮತ್ತು ರಿಯಾಲ್ಟಿ ವಲಯದ ಮಾಪಕಗಳು ಸಹ ಶೇಕಡಾ 10-14ರ ನಡುವೆ ಕುಸಿದಿವೆ.