ಮೂರು ದಿನ ಮುಂಚಿತವಾಗಿ ಆಗಮಿಸಿದ ನೈರುತ್ಯ ಮಾನ್ಸೂನ್

file photo

ನವದೆಹಲಿ: ನೈಋತ್ಯ ಮಾನ್ಸೂನ್ ತನ್ನ ಸಾಮಾನ್ಯ ದಿನಾಂಕವಾದ ಜೂನ್ 1 ಕ್ಕಿಂತ ಮೂರು ದಿನಗಳ ಮುಂಚಿತವಾಗಿ ಕೇರಳದಲ್ಲಿ ಆರಂಭವಾಗಿರುವುದನ್ನು ಭಾರತೀಯ ಹವಾಮಾನ ಇಲಾಖೆ ಖಚಿತಪಡಿಸಿದೆ. ಭಾರತದ ಕೃಷಿ ಆಧಾರಿತ ಆರ್ಥಿಕತೆಯಲ್ಲಿ ನೈರುತ್ಯ ಮಾನ್ಸೂನ್ ಮಹತ್ವದ ಪಾತ್ರವನ್ನು ವಹಿಸುತ್ತದೆ.

ಕೇರಳದಲ್ಲಿ ಶನಿವಾರದಿಂದ ಮಳೆಯಾಗುತ್ತಿದ್ದು, ರಾಜ್ಯದ 14 ಹವಾಮಾನ ನಿಗಾ ಕೇಂದ್ರಗಳ ಪೈಕಿ 10ರಲ್ಲಿ 2.5 ಮಿ.ಮೀ.ಗಿಂತ ಹೆಚ್ಚು ಮಳೆಯಾಗಿದೆ, ಹೀಗಾಗಿ ಮಾನ್ಸೂನ್ ಆರಂಭದ ಮಾನದಂಡಗಳನ್ನು ಪೂರೈಸಲಾಗಿದೆ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ತಿಳಿಸಿದೆ.ನೈಋತ್ಯ ಮಾನ್ಸೂನ್ ಜೂನ್ 1 ರ ಸಾಮಾನ್ಯ ದಿನಾಂಕದ ವಿರುದ್ಧ ಮೇ 29 ರ ಭಾನುವಾರದಂದು ಕೇರಳದ ಮೇಲೆ ಪ್ರಾರಂಭವಾಗಿದೆ ಎಂದು ಐಎಂಡಿ ಮಹಾನಿರ್ದೇಶಕ ಮೃತ್ಯುಂಜಯ್ ಮಹಾಪಾತ್ರ ತಿಳಿಸಿದ್ದಾರೆ.

ಆದಾಗ್ಯೂ, ಕೇರಳ ಮತ್ತು ತಮಿಳುನಾಡಿನ ಕೆಲವು ಭಾಗಗಳಲ್ಲಿ ಮಾನ್ಸೂನ್ ಮುಂದುವರೆದಿದೆ, ಐಎಂಡಿ ಹೊರಡಿಸಿದ ವಿಸ್ತೃತ ಶ್ರೇಣಿಯ ಮುನ್ಸೂಚನೆಯು ಕರ್ನಾಟಕ, ಮತ್ತು ಇಡೀ ಈಶಾನ್ಯ ಭಾರತದ ಮೇಲೆ ಮಾನ್ಸೂನ್‌ನ ಪ್ರಗತಿಯು ನಿಧಾನವಾಗಿರಬಹುದು ಎಂದು ಸೂಚಿಸಿದೆ.ಇದಕ್ಕೂ ಮೊದಲು, ಹದಿನೈದು ದಿನಗಳ ಹಿಂದೆ ಬಂಗಾಳ ಕೊಲ್ಲಿಯಲ್ಲಿ ಅಪ್ಪಳಿಸಿದ ಅಸನಿ ಚಂಡಮಾರುತದ ಹಿನ್ನೆಲೆಯಲ್ಲಿ ಮೇ 27 ರಂದು ಕೇರಳದ ಮೇಲೆ ಐಎಂಡಿ ಮುನ್ಸೂಚನೆ ನೀಡಿತ್ತು. ಆದರೆ ಈ ಮುನ್ಸೂಚನೆಯು ನಾಲ್ಕು ದಿನಗಳ ಮಾದರಿ ದೋಷವನ್ನು ಹೊಂದಿದೆ ಎನ್ನಲಾಗಿದೆ.

Press Release: Advancement of Southwest Monsoon over Kerala today, the 29th May, 2022
 Southwest Monsoon has advanced into remaining parts of south Arabian Sea, Lakshadweep area, most parts of Kerala, some parts of south Tamil Nadu, some parts of Gulf of Mannar and some more

— India Meteorological Department (@Indiametdept) May 29, 2022

ಕೇರಳದ ಮೇಲೆ ಮಾನ್ಸೂನ್ ಆರಂಭವನ್ನು ಸಮುದ್ರ ಮಟ್ಟದಿಂದ 4.5 ಕಿಮೀ ವರೆಗೆ ವಿಸ್ತರಿಸಿರುವ ಪಶ್ಚಿಮ ಮಾರುತಗಳ ಆಳ, ಬಲವಾದ ಪಶ್ಚಿಮ ಮಾರುತಗಳು ಮತ್ತು ಪ್ರದೇಶದ ಮೇಲೆ 200 W/M2 ಗಿಂತ ಕಡಿಮೆ ಹೊರಹೋಗುವ ದೀರ್ಘ ವಿಕಿರಣದ ಮಾನದಂಡದ ಮೇಲೆ ನಿರ್ಧರಿಸಲಾಗಿದೆ.ಮೇ 29, 2022 ರ ಭಾನುವಾರದಂದು ಕೇರಳದ ಮೇಲೆ ಮಾನ್ಸೂನ್ ಪ್ರಾರಂಭವಾಗುವ ಎಲ್ಲಾ ಷರತ್ತುಗಳನ್ನು ಪೂರೈಸಲಾಗಿದೆ ಎಂದು ಹವಾಮಾನ ಕಚೇರಿ ಭಾನುವಾರದಂದು ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.

ಆಗ್ನೇಯ ಅರೇಬಿಯನ್ ಸಮುದ್ರ ಮತ್ತು ಕೇರಳದ ಅಕ್ಕಪಕ್ಕದ ಪ್ರದೇಶಗಳಲ್ಲಿ ಮೋಡ ಕವಿದ ವಾತಾವರಣ ಹೆಚ್ಚಿದ್ದು, OLR 189 W/M2 ಮತ್ತು ಪಶ್ಚಿಮ ದಿಕ್ಕಿನ ಗಾಳಿಯು ಗಂಟೆಗೆ 25-25 ಕಿಮೀ ವೇಗದಲ್ಲಿ ಬೀಸುತ್ತಿದೆ ಎಂದು ಹೇಳಿದೆ.ಮುಂದಿನ ಮೂರ್ನಾಲ್ಕು ದಿನಗಳಲ್ಲಿ ನೈಋತ್ಯ ಮಾನ್ಸೂನ್ ಮಧ್ಯ ಅರೇಬಿಯನ್ ಸಮುದ್ರದ ಕೆಲವು ಭಾಗಗಳು, ಕೇರಳದ ಉಳಿದ ಭಾಗಗಳು, ತಮಿಳುನಾಡು, ಕರ್ನಾಟಕದ ಕೆಲವು ಭಾಗಗಳಲ್ಲಿ ಮಾನ್ಸೂನ್ ಮುಂದುವರೆಯಲಿದೆ ಎನ್ನಲಾಗಿದೆ.