ದೇವಾಲಯದ ಸಿಸಿ ಟಿವಿಯಲ್ಲಿ ನಿಗೂಢ ಬೆಳಕು- ದಿವ್ಯ ಜ್ಯೋತಿ ಎಂದ ಭಕ್ತರು

ಚಾಮರಾಜನಗರ: ಸಿಸಿಟಿವಿ ಕ್ಯಾಮರಾದಲ್ಲಿ ನಿಗೂಢ ಬೆಳಕೊಂದು ಪದೇಪದೆ ಕಾಣಿಸಿಕೊಂಡು ಭಕ್ತರನ್ನು ಅಚ್ಚರಿಗೊಳಿಸಿರುವ ಘಟನೆ ಚಾಮರಾಜನಗರ ಜಿಲ್ಲೆಯ ಗುಂಡ್ಲುಪೇಟೆ ತಾಲೂಕಿನ ತೆಂಕಲಹುಂಡಿ ಗ್ರಾಮದಲ್ಲಿ ನಡೆದಿದೆ.

ಗ್ರಾಮದಲ್ಲಿ ಒಂದೂವರೆ ಕೋಟಿ ರೂ. ವೆಚ್ಚದಲ್ಲಿ ಪಂಚಮುಖಿ ದೇವಾಲಯ ನಿರ್ಮಾಣಗೊಳ್ಳುತ್ತಿದ್ದು ಈಗಾಗಲೇ ಗೋಶಾಲೆ ಆರಂಭವಾಗಿದೆ. ಕಳೆದ ಎರಡರ ಮಧ್ಯರಾತ್ರಿ ಗೋಶಾಲೆಯ ಸಿಸಿಟಿವಿಯಲ್ಲಿ ನಿಗೂಢ ಬೆಳಕು ಆಗಾಗ್ಗೆ ಕಾಣಿಸಿಕೊಂಡಿದೆ.

ಇದನ್ನೂ ಓದಿ: ರಾಷ್ಟ್ರಮಟ್ಟದಲ್ಲಿ ಮಿಂಚಲು ಹೊರಟ ಹಳ್ಳಿ ಹೈದನಿಗೆ ಬೇಕಿದೆ ಸಹಾಯ ಹಸ್ತ

ದೇವಾಲಯ ನಿರ್ಮಾಣಕ್ಕೆ ಕೈ ಹಾಕಿದ ಬಳಿಕ ವಿಸ್ಮಯಗಳ ಮೇಲೆ ವಿಸ್ಮಯ ನಡೆಯುತ್ತಿದ್ದು ಸಿಸಿಟಿವಿಯಲ್ಲಿ ಕಂಡ ಬೆಳಕನ್ನು ನಾವು ದಿವ್ಯಜ್ಯೋತಿ ಎಂಥಲೇ ನಂಬಿದ್ದೇವೆ ಎಂದು ದೇಗುಲ ನಿರ್ಮಾಣದಲ್ಲಿ ತೊಡಗಿರುವ ನವೀನ್ ಹೇಳಿದ್ದಾರೆ. ಒಟ್ಟಿನಲ್ಲಿ ಸಿಸಿಟಿವಿ ದೃಶ್ಯ ಕಂಡವರು ಒಂದು ಕ್ಷಣ ಅಚ್ಚರಿಗೊಳ್ಳುವಂತೂ ಸತ್ಯ.