BSNL ಹೊಡೆತಕ್ಕೆ ನಲುಗಿದ Jio, Airtel, Vi: 400ರೂ.ಗಿಂತ ಕಡಿಮೆ ಬೆಲೆಗೆ 150ದಿನಗಳ ಪ್ಲಾನ್ ಕೊಡುಗೆ

Jio, Airtel, Vi ಕಂಪನಿಗಳ ದುಬಾರಿ ಪ್ಲಾನ್‌ಗಳನ್ನೇ ಬಂಡವಾಳವಾಗಿರಿಸಿಕೊಂಡಿರುವ ಬಿ‌ಎಸ್‌ಎನ್‌ಎಲ್ ದೀಪಾವಳಿ ಸಂದರ್ಭದಲ್ಲಿ ತನ್ನ ಗ್ರಾಹಕರಿಗೆ ಧಮಾಕ ಗಿಫ್ಟ್ ನೀಡಿದೆ.

BSNL Dhamaka Offer: ದುಬಾರಿ ದುನಿಯಾದಲ್ಲಿ ದೀಪಾವಳಿ ಸಂದರ್ಭದಲ್ಲಿ ಮತ್ತೊಮ್ಮೆ ತನ್ನ ಅಗ್ಗದ ರಿಚಾರ್ಜ್ ಯೋಜನೆ ಬಿಡುಗಡೆ ಮಾಡಿರುವ ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್- ಬಿ‌ಎಸ್‌ಎನ್‌ಎಲ್ ಖಾಸಗಿ ಕಂಪನಿಗಳಿಗೆ ಭಾರೀ ಹೊಡೆತವನ್ನು ನೀಡಿದೆ. 

ಭಾರತದಲ್ಲಿ ಈಗಾಗಲೇ 4ಜಿ ನೆಟ್‌ವರ್ಕ್ ವಿಸ್ತರಣೆಯತ್ತ ಕಾರ್ಯೋನ್ಮುಖವಾಗಿರುವ ಬಿ‌ಎಸ್‌ಎನ್‌ಎಲ್ ಶೀಘ್ರದಲ್ಲೇ 5ಜಿ ಸೇವೆ ಒದಗಿಸಲು ಅಣಿಯಾಗಿದೆ. ಈ ದೀಪಾವಳಿ ಸಂದರ್ಭದಲ್ಲಿ ಅಗ್ಗದ ಯೋಜನೆಯೊಂದನ್ನು ಬಿಡುಗಡೆ ಮಾಡುವ ಮೂಲಕ ಜಿಯೋ, ಏರ್ಟೆಲ್, ವೋಡಾಫೋನ್-ಐಡಿಯಾ ಕಂಪನಿಗಳ ಟೆನ್ಷನ್ ಮತ್ತೊಮ್ಮೆ ಹೆಚ್ಚಾಗುವಂತೆ ಮಾಡಿದೆ. 

ಇದನ್ನೂ ಓದಿ- ಯೂಟ್ಯೂಬ್, ವಾಟ್ಸಾಪ್ ಬಳಕೆದಾರರೇ ಎಚ್ಚರ, ಎಚ್ಚರ! ಸಣ್ಣ ತಪ್ಪಿನಿಂದ ಮಹಾ ದೋಖ, ಅಕೌಂಟ್ ಫುಲ್ ಖಾಲಿ!

ಬಿ‌ಎಸ್‌ಎನ್‌ಎಲ್ ದೀಪಾವಳಿ ಧಮಾಕ ಆಫರ್: 
ಬಿ‌ಎಸ್‌ಎನ್‌ಎಲ್ ದೀಪಾವಳಿ ಧಮಾಕ ಆಫರ್ ಆಗಿ ಮತ್ತೊಮ್ಮೆ ಅಗ್ಗದ ರಿಚಾರ್ಜ್ ಯೋಜನೆಯನ್ನು ಪ್ರಕಟಿಸಿದೆ. ವಿಶೇಷವೆಂದರೆ, ಖಾಸಗಿ ಕಂಪನಿಗಳು 28 ದಿನಗಳ ವ್ಯಾಲಿಡಿಟಿಯೊಂದಿಗೆ ನೀಡುವ ಯೋಜನೆಯ ಮೌಲ್ಯದಲ್ಲೇ ಬಿ‌ಎಸ್‌ಎನ್‌ಎಲ್ 150 ದಿನಗಳ ವ್ಯಾಲಿಡಿಟಿ ದೀರ್ಘಾವಧಿಯೋಜನೆಯನ್ನು ನೀಡುತ್ತಿದೆ. 

ಇದನ್ನೂ ಓದಿ- Flipkart Big Diwali Sale: iPhone 15, ಸ್ಯಾಮ್‌ಸಂಗ್ ಸೇರಿದಂತೆ ಬ್ರಾಂಡೆಡ್ ಸ್ಮಾರ್ಟ್‌ಫೋನ್‌ಗಳ ಮೇಲೆ ಭರ್ಜರಿ ರಿಯಾಯಿತಿ!

ಬಿ‌ಎಸ್‌ಎನ್‌ಎಲ್ 150 ದಿನಗಳ ರಿಚಾರ್ಜ್ ಯೋಜನೆ: 
ಬಿ‌ಎಸ್‌ಎನ್‌ಎಲ್ ಅಗ್ಗದ ಯೋಜನೆಯ ಬೆಲೆ ಕೇವಲ 397 ರೂ.ಗಳು ಮಾತ್ರ. ಬಿ‌ಎನ್‌ಎಸ್‌ಎಲ್ ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯಲ್ಲಿ ಬಳಕೆದಾರರು ದೀರ್ಘಾವಧಿಯ 150 ದಿನಗಳ ವ್ಯಾಲಿಡಿಟಿಯನ್ನು ಪಡೆಯಲಿದ್ದರೇ. 

ಬಿ‌ಎಸ್‌ಎನ್‌ಎಲ್ 397 ರೂ. ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯ ಪ್ರಯೋಜನಗಳು: 
ಬಿ‌ಎಸ್‌ಎನ್‌ಎಲ್ ನ ಈ ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯಲ್ಲಿ ಬಳಕೆದಾರರಿಗೆ  ಅನ್ಲಿಮಿಟೆಡ್ ಕಾಲ್, ಫ್ರೀ ಎಸ್‌ಎಮ್‌ಎಸ್, ಡೇಟಾದಂತಹ ಹಲವು ಪ್ರಯೋಜನಗಳನ್ನು ನೀಡಲಾಗುತ್ತದೆ. ಈ ರಿಚಾರ್ಜ್ ಯೋಜನೆಯಲ್ಲಿ ಬಳಕೆದಾರರಿಗೆ ಮೊದಲ 30 ದಿನ ದೇಶಾದ್ಯಂತ ಎಲ್ಲಾ ನೆಟ್‌ವರ್ಕ್‌ಗಳಿಗೆ ಅನ್ಲಿಮಿಟೆಡ್ ಕಾಲ್, ನಿತ್ಯ 2ಜಿ‌ಬಿ ಡೇಟಾ ದೊರೆಯಲಿದೆ. ತಿಂಗಳ ಬಳಿಕ 40kbps ವೇಗದಲ್ಲಿ ಇಂಟರ್ನೆಟ್ ಪ್ರಯೋಜನ ಸಿಗಲಿದೆ. ಅದೇ ಸಮಯದ್ಲಲಿ ದಿನ 100 ಉಚಿತ ಎಸ್‌ಎಮ್‌ಎಸ್ ಸೌಲಭ್ಯವೂ ಸಿಗಲಿದೆ.  ಆದರೆ, 150 ದಿನಗಳ ಕಾಲ ರೀಚಾರ್ಜ್ ಮಾಡದೇ ಇದ್ದರೂ ಇನ್ಕಮಿಂಗ್ ಕರೆಗಳನ್ನು ಸ್ವೀಕರಿಸಬಹುದು. ಬಿ‌ಎಸ್‌ಎನ್‌ಎಲ್ ಸಂಖ್ಯೆಯನ್ನು ಸೆಕೆಂಡರಿ ಸಿಮ್ ಆಗಿ ಬಳಸುವವರಿಗೆ ಇದು ಹೆಚ್ಚು ಲಾಭದಾಯಕವಾಗಿದೆ.