UPI ಬಳಕೆದಾರರಿಗೆ ಗುಡ್ ನ್ಯೂಸ್: ಪೇಮೆಂಟ್ ಫೇಲ್ ಆದ್ರೆ ಟೆನ್ಷನ್ ಬೇಡವೇ ಬೇಡ..! NPCIನಿಂದ ಮಹತ್ವದ ಬದಲಾವಣೆ

UPI Payment: UPI ಪೇಮೆಂಟ್ ಫೇಲ್ ಆದರೆ ಇನ್ಮುಂದೆ ಯೋಚಿಸಬೇಕಿಲ್ಲ..! ಈ ಸಮಸ್ಯೆ ನಿವಾರಣೆಗೆ ಎನ್‌ಪಿ‌ಸಿ‌ಐ ಮಹತ್ವದ ಬದಲಾವಣೆಯನ್ನು ಜಾರಿಗೊಳಿಸಿದೆ.

UPI Payment: ತಂತ್ರಜ್ಞಾನ ಬೆಳೆದಂತೆ ಆನ್ಲೈನ್ ವಹಿವಾಟು ಜನರ ಜೀವನವನ್ನು ಸರಳಗೊಳಿಸಿದೆ. ಅದರಲ್ಲೂ ಯುಪಿಐ ಪೇಮೆಂಟ್ 24/7 ಜನರಿಗೆ ಎಲ್ಲೆಡೆ ಸುಲಭ ವಹಿವಾಟು ನಡೆಸಲು ಅನುವು ಮಾಡಿಕೊಟ್ಟಿದೆ. ಆದಾಗ್ಯೂ, ಒಮ್ಮೊಮ್ಮೆ 'ಯುಪಿ‌ಐ ಪೇಮೆಂಟ್ ಫೇಲ್' ಆಗುತ್ತದೆ. ಇಂತಹ ಸಂದರ್ಭದಲ್ಲಿ ಕೆಲವು ಬಾರಿ ಬ್ಯಾಂಕ್ ಖಾತೆಯಿಂದ ಹಣ ಕಟ್ ಆಗಿದ್ರೆ ಅದು ಉದ್ವಿಗ್ನತೆಯನ್ನು ಹೆಚ್ಚಿಸುತ್ತದೆ. ಆದರೆ, ಇನ್ಮುಂದೆ ಈ ಟೆನ್ಷನ್ ಬೇಕಿಲ್ಲ. ಇಂತಹ ಸಮಸ್ಯೆಯನ್ನು ಬಗೆಹರಿಸಲೆಂದೇ  ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ (NPCI) ಯುಪಿ‌ಐ ಪಾವತಿ ನಿಯಮದಲ್ಲಿ ಮಹತ್ವದ ಬದಲಾವಣೆಯನ್ನು ಜಾರಿಗೊಳಿಸಿದೆ. 

ವಾಸ್ತವವಾಗಿ, ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ (NPCI) ಪ್ರಸ್ತುತ ಚಾರ್ಜ್ ಬ್ಯಾಕ್ ರಿಕ್ವೆಸ್ಟ್ ಅನುಮೋದನೆ ಮತ್ತು ನಿರಾಕರಣೆ ಪ್ರಕ್ರಿಯೆಯನ್ನು ಸ್ವಯಂಚಾಲಿತಗೊಳಿಸಿದೆ. ಇದರಿಂದ ಒಂದೊಮ್ಮೆ ಯುಪಿಐ ವಹಿವಾಟು ವಿಫಲವಾಗಿ ಹಣ ಖಾತೆಯಿಂದ ಕಟ್ ಆದರೆ ಶೀಘ್ರದಲ್ಲೇ ಆ ಹಣವನ್ನು ಮತ್ತೆ ಖಾತೆಗೆ ಹಿಂದಿರುಗಿಸಲಾಗುತ್ತದೆ. 

ಇದನ್ನೂ ಓದಿ- ವಾಟ್ಸಾಪ್ ಖಾತೆಗಳ ಮೇಲೆ ಹ್ಯಾಕರ್‌ಗಳ ವಕ್ರ ದೃಷ್ಟಿ: ಸೈಬರ್ ದಾಳಿ ದೃಢಪಡಿಸಿದ ಮೆಟಾ

ಗಮನಾರ್ಹವಾಗಿ, ಈ ಮೊದಲು ಯುಪಿ‌ಐ ವಹಿವಾಟು ವಿಫಲವಾಗಿ, ಖಾತೆಯಿಂದ ಹಣ ಕಟ್ ಡಿಡಕ್ಟ್ ಆಗಿದ್ದರೆ ಇದರ ಮರುಪಾವತಿಗಾಗಿ ಬ್ಯಾಂಕಿನಿಂದ ಮರುಪಾವತಿಗಾಗಿ ವಿನಂತಿ ಸಲ್ಲಿಸಬೇಕಿತ್ತು.  ಇದೀಗ ಈ ಪ್ರಕ್ರಿಯೆ ಸ್ವಯಂ ಚಾಲಿತವಾಗಿ ಆಗುವುದರಿಂದ ಖಾತೆಯಿಂದ ಡಿಡಕ್ಟ್ ಆದ ಹಣ ಸ್ವಯಂ ಚಾಲಿತವಾಗಿ ಖಾತೆಗೆ ಮರಳುತ್ತದೆ. 

ಇದನ್ನೂ ಓದಿ- Jio’s Free Offer: ಶುಲ್ಕ ಪಾವತಿಸದೆ ಸಿಗುತ್ತೆ ಈ ಸೇವೆ, ಇಲ್ಲಿದೆ ಸಂಪೂರ್ಣ ಪ್ರಕ್ರಿಯೆ

ಈ ಸಂಬಂಧ ಫೆಬ್ರವರಿ 10.2025ರಂದು ಸುತ್ತೋಲೆ ಹೊರಡಿಸಿರುವ ಎನ್‌ಪಿ‌ಸಿ‌ಐ ಹೊಸ ನಿಯಮದಡಿ ಫಲಾನುಭವಿ ಬ್ಯಾಂಕ್‌ಗಳು ಸಲ್ಲಿಸಿದ ವಹಿವಾಟು ಕ್ರೆಡಿಟ್ ದೃಢೀಕರಣ (TCC) ಅಥವಾ ರಿಟರ್ನ್ ವಿನಂತಿ (RET) ಆಧಾರದಲ್ಲಿ ಚಾರ್ಜ್ ಬ್ಯಾಕ್ ವಿನಂತಿಯನ್ನು ಆಟೋಮ್ಯಾಟಿಕ್ ಆಗಿ ಸ್ವೀಕರಿಸಲಾಗುತ್ತದೆ ಅಥವಾ ತಿರಸ್ಕರಿಸಲಾಗುತ್ತದೆ ಎಂದು ಉಲ್ಲೇಖಿಸಲಾಗಿದೆ. 

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.