Bank Loan Interest Rate Hike: റിസർവ് ബാങ്ക് റിപ്പോ നിരക്ക് വർധിപ്പിച്ചതിന് പിന്നാലെ ഐസിഐസിഐ, പഞ്ചാബ് നാഷണൽ ബാങ്ക്, ബാങ്ക് ഓഫ് ഇന്ത്യ എന്നീ ബാങ്കുകൾ ഉപഭോക്താക്കളെ വീണ്ടും ഞെട്ടിച്ചു.ഈ ബാങ്കുകൾ ഒരിക്കൽ കൂടി മാർജിനൽ കോസ്റ്റ് ഓഫ് ഫണ്ട് ലെൻഡിംഗ് ബേസ്ഡ് റേറ്റ് (എംസിഎൽആർ) വർദ്ധിപ്പിച്ചു, അതായത് അതിനോട് ചേർന്നുള്ള വായ്പയുടെ പലിശ നിരക്ക് വർദ്ധിക്കും. ഈ വർദ്ധനവ് 2022 ഡിസംബർ 1 മുതൽ പ്രാബല്യത്തിൽ വരും.
ഐസിഐസിഐ ബാങ്ക് വായ്പാ നിരക്കുകൾ
എംസിഎൽആറിൽ 10 ബേസിസ് പോയിൻറ് വർധിച്ചതിന് ശേഷം, ഐസിഐസിഐ ബാങ്കിൽ നിന്നുള്ള ഒരു മാസത്തെ എംസിഎൽആർ നിരക്ക് 8.05 ശതമാനത്തിൽ നിന്ന് 8.15 ശതമാനമായി ഉയർത്തി. ഐസിഐസിഐ ബാങ്കിൽ മൂന്ന് മാസവും ആറ് മാസവും എംസിഎൽആർ യഥാക്രമം 8.20 ശതമാനമായും 8.35 ശതമാനമായും ഉയർത്തി. ഒരു വർഷത്തെ എംസിഎൽആർ 8.40 ശതമാനമായി ഉയർത്തി.
പഞ്ചാബ് നാഷ്ണൽ ബാങ്ക് വായ്പ പലിശ നിരക്ക്
ഒരു വർഷത്തേക്ക് വായ്പയെടുക്കുമ്പോൾ, നിങ്ങൾ ഇപ്പോൾ 8.10 ശതമാനം പലിശ നൽകേണ്ടിവരും, അത് നേരത്തെ 8.05 ശതമാനമായിരുന്നു. അതുപോലെ, ആറുമാസത്തെ പലിശ 7.80 ശതമാനത്തിൽ നിന്ന് 7.75 ശതമാനമായി ഉയർത്തി. മൂന്ന് വർഷത്തേക്കുള്ള പലിശ 8.35 ശതമാനത്തിൽ നിന്ന് 8.40 ശതമാനമായി ഉയർത്തി.
ബാങ്ക് ഓഫ് ഇന്ത്യ
25 പോയിൻറാണ് ബാങ്ക് ഓഫ് ഇന്ത്യ വർധിപ്പിച്ച പലിശ. ബാങ്ക് ഓഫ് ഇന്ത്യ ഇപ്പോൾ ഒരു വർഷത്തേക്ക് 8.15 ശതമാനം നിരക്ക് ഇത്തരത്തിൽ ഈടാക്കും. മുമ്പ് ഇത് 7.95 ശതമാനമായിരുന്നു. ആറ് മാസത്തെ പലിശ 7.90 ശതമാനമായിരിക്കും, നേരത്തെ ഇത് 7.65 ശതമാനമായിരുന്നു. ഇതിന് പുറമെ വായ്പയുടെ പലിശ മൂന്ന് വർഷത്തേക്ക് 8.10 ശതമാനമായിരിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
