Thamarassery Pass: താമരശേരി ചുരത്തിൽ അപകടം; കാൽവഴുതി വീണ് യുവാവിന് ദാരുണാന്ത്യം

Thamarassery Churam: യാത്രയ്ക്കിടെ വിശ്രമിക്കാനായി വാഹനം നിർത്തി പുറത്തിറങ്ങിയ അമൽ കാൽ വഴുതി താഴേക്ക് വീഴുകയായിരുന്നു.

കോഴിക്കോട്: താമരശേരി ചുരത്തിൽ നിന്ന് കാൽ വഴുതി വീണ് യുവാവ് മരിച്ചു. ഒൻപതാം വളവിലാണ് അപകടമുണ്ടായത്. വിനോദയാത്രാ സംഘത്തിലുണ്ടായിരുന്ന വടകര സ്വദേശി   അമൽ ആണ് മരിച്ചത്.

സ്വകാര്യ സ്ഥാപനത്തിൽ ജോലി ചെയ്യുന്ന അമൽ സഹപ്രവർത്തകർക്കൊപ്പമാണ് വയനാട്ടിലേക്ക് വിനോദയാത്രയ്ക്കായി തിരിച്ചത്. പുലർച്ചെ ഒരു മണിയോടെ യാത്രയ്ക്കിടയിൽ വിശ്രമിക്കുന്നതിനായി പുറത്തിറങ്ങി. ഈ സമയം കാൽവഴുതി താഴേക്ക് വീഴുകയായിരുന്നു. 13 പേരടങ്ങുന്ന സംഘം ട്രാവലറിലാണ് യാത്ര ചെയ്തിരുന്നത്.

വിശ്രമിക്കാനായി വണ്ടി നിർത്തിയപ്പോൾ പുറത്തിറങ്ങിയ അമൽ കാൽ വഴുതി കൊക്കയിലേക്ക് വീഴുകയായിരുന്നു. കൽപ്പറ്റയിൽ നിന്ന് ഫയർഫോഴ്സ് സംഘം എത്തിയാണ് മൃതദേഹം പുറത്തെടുത്തത്. മൃതദേഹം താമരശേരി താലൂക്ക് ആശുപത്രിയിൽ സൂക്ഷിച്ചിരിക്കുകയാണ്.