DHSE Plus One Admission 2022 : നാളെത്തെ പ്ലസ് വൺ ട്രെയൽ അലോട്ട്മെന്റ് മാറ്റിവച്ചു

Kerala Higher Secondary Plus Addmission : നാളെ ജൂലൈ 28ന് തീരുമാനിച്ചിരുന്നു ട്രയൽ അലോട്ട്മെന്റാണ് മാറ്റിവച്ചത്.

തിരുവനന്തപുരം : ഹയർ സെക്കൻഡറി പ്രവേശനത്തിനുള്ള അലോട്ട്മെന്റ് തിയതികളിൽ വീണ്ടും മാറ്റം. നാളെ ജൂലൈ 28ന് തീരുമാനിച്ചിരുന്നു ട്രയൽ അലോട്ട്മെന്റാണ് മാറ്റിവച്ചത്. പകരം നാളെ കഴിഞ്ഞ് ജൂലൈ 29ന് ട്രെയൽ അലോട്ട്മെന്റ് സംഘടിപ്പിക്കിം ഹയർ സക്കൻഡറി വകുപ്പ് അറിയിച്ചു. 

നേരത്തെ ജൂലൈ 27ന് ആദ്യ ആലോട്ട്മെന്റ് തീരമാനിച്ചത് ഓഗസ്റ്റ് മൂന്നിലേക്ക് മാറ്റിയിരുന്നു. ക്ലാസുകൾ ഓഗസ്റ്റ് 22ന് ആരംഭിക്കും. സിബിഎസ്ഇ ഐസിഎസ്ഇ ഫലം വൈകിയതിന് പിന്നാലെയാണ് ഹയർ സക്കൻഡറി പ്രവേശന സമയക്രമങ്ങൾ മാറ്റം വരുത്തിയിരുന്നത്. 

അപേക്ഷ സമർപ്പിർക്കേണ്ടത് എങ്ങനെ

ഹയർ സക്കൻഡിറി വകുപ്പിന്റെ ഏകജാലക പോർട്ടൽ വഴിയാണ് അപേക്ഷ സമർപ്പിക്കേണ്ടത്.

1. www.admission.dge.kerala.gov.in എന്നെ വെബ്സൈറ്റ് ഓപ്പൺ ചെയ്യുക

2. Click for Higher Secondary Admission എന്ന ലിങ്കിൽ ക്ലിക് ചെയ്ത് ഹയർ സെക്കണ്ടറി സൈറ്റിൽ എത്തുക

3. പ്രോസ്പെക്ടസ്, 11 അനുബന്ധങ്ങൾ, അപേക്ഷയ്ക്കുള്ള യൂസർ മാനുവൽ എന്നിവ ഡൗൺലോഡ് ചെയ്ത്, വ്യവസ്ഥകൾ മനസ്സിലാക്കുക

4. ഹയർ സെക്കൻഡറി സൈറ്റിലെ CREATE CANDIDATE LOGIN-SWS ലിങ്കിലൂടെ ലോ​ഗിൻ ചെയ്യുക

5. മൊബൈൽ ഒടിപി വഴി പാസ്‌വേഡ് നൽകണം

6. ഓപ്ഷൻ തിരഞ്ഞെടുക്കൽ, ഫീസ് അടയ്ക്കൽ ഉൾപ്പെടെയുള്ളവ ഈ ലോ​ഗിൻ വഴി തന്നെയാണ് അടയ്ക്കേണ്ടത്

7. ഓൺലൈനായി മാത്രമേ അപേക്ഷ സമർപ്പിക്കാൻ സാധിക്കൂ

8. യൂസർ മാനുവലിലും പ്രോസ്പെക്ടസിന്റെ അഞ്ചാം അനുബന്ധത്തിലും അപേക്ഷിക്കാനുള്ള നിർദേശങ്ങൾ വിശദീകരിക്കുന്നുണ്ട്. 

അതേസമയം, വിവിധ ജില്ലകളിൽ സീറ്റുകൾ വർധിപ്പിച്ച് കഴിഞ്ഞ ദിവസം സർക്കാർ ഉത്തരവ് ഇറക്കിയിരുന്നു. സർക്കാർ ഹയർ സെക്കൻഡറി സ്കൂളുകളിൽ 30 ശതമാനം സീറ്റുകളാണ് വർധിപ്പിച്ചത്. എയ്ഡഡ് സ്കൂളുകളിൽ 20 ശതമാനം സീറ്റ് വർധിപ്പിച്ചു.