Wayanad Landslide: എല്ലാം നഷ്ടമായിട്ട് ഏഴ് മാസം, നീതി എവിടെ? ജീവിക്കാനുള്ള പോരാട്ടത്തിൽ ദുരന്തബാധിത‍ർ; വയനാട്ടിൽ സംഘർഷം

Wayanad Landslide: ഉരുളെടുത്ത തങ്ങളുടെ ഭൂമിയിൽ തന്നെ പ്രതിഷേധിക്കുമെന്ന് ദുരന്തബാധിതർ.

വയനാട്: പുനരധിവാസം വൈകുന്നതിനെതിൽ പ്രതിഷേധിച്ച് വയനാട്ടിലെ ദുരന്തബാധിർ. കഞ്ഞിവച്ചും കുടിൽ കെട്ടിയുമാണ് സമരം.

അതേസമയം ദുരന്തബാധിത പ്രദേശത്ത് കുടിൽകെട്ടാനുള്ള പ്രതിഷേധക്കാരുടെ നീക്കം തടഞ്ഞതിനെ തുടർന്ന് പ്രതിഷേധക്കാരും പൊലീസും തമ്മിൽ ഉന്തും തള്ളുമുണ്ടായി. ഉരുളെടുത്ത തങ്ങളുടെ ഭൂമിയിൽ തന്നെ പ്രതിഷേധിക്കുമെന്ന് പ്രതിഷേധിക്കാർ പറയുന്നത്. എന്നാൽ ബെയ്‌ലി പാലം കടക്കാൻ അനുവദിക്കില്ലെന്നാണ് പൊലീസ് ഉദ്യോഗസ്ഥർ പറയുന്നത്. 

ദുരന്തം കഴിഞ്ഞിട്ട് ഏഴ് മാസമായി. അടിയന്തരമായി പുനരധിവസിപ്പിക്കുമെന്നായിരുന്നു കേന്ദ്രസംസ്ഥാന സർക്കാരുടെ ഉറപ്പ്. എന്നാൽ ഇത് വരെ സർക്കാർ ഞങ്ങൾക്ക് നീതി തന്നില്ലെന്ന് പ്രതിഷേധക്കാർ പറയുന്നു. ജനശബ്ദം ആക്ഷൻ കമ്മിറ്റിയുടെ നേതൃത്വത്തിലാണ് ചൂരൽമല മുണ്ടക്കൈ ഉരുൾപൊട്ടൽ ദുരന്തബാധിതർ പ്രതിഷേധം നടത്തുന്നത്.

അതിനിടെ, ചൂരൽമല, മുണ്ടക്കൈ ഉരുൾപൊട്ടൽ പുനരധിവാസത്തിനുള്ള രണ്ടാംഘട്ട കരട് പട്ടിക പ്രസിദ്ധീകരിച്ചു. രണ്ടാംഘട്ട പുനരധിവാസ പട്ടികയിൽ 81 കുടുംബങ്ങളാണ് ഉൾപ്പെട്ടിരിക്കുന്നത്. പത്താം വാർഡിൽ 42 കുടുംബങ്ങളും പതിനൊന്നാം വാർഡിൽ 29 കുടുംബങ്ങളും പന്ത്രണ്ടാം വാർഡിൽ 10 കുടുംബങ്ങളുമാണ് ഉൾപ്പെട്ടിട്ടുള്ളത്.

ഉരുൾപൊട്ടൽ ദുരന്തബാധിതർ പുനരധിവാസം വൈകുന്നുവെന്ന് ചൂണ്ടിക്കാട്ടി സമരം പ്രഖ്യാപിച്ചതിന് പിന്നാലെയാണ് രണ്ടാംഘട്ട പട്ടിക പൂർത്തിയാക്കിയത്. ടൗൺഷിപ്പിൽ ഇതോടെ 323 കുടുംബങ്ങൾ ആയി. ദുരന്തബാധിത പ്രദേശത്തെ വാസയോ​ഗ്യമല്ലാത്ത വീടുകൾ ഉൾപ്പെടുന്നവരുടെ ലിസ്റ്റ് ആണ് ഇപ്പോൾ പ്രസിദ്ധീകരിച്ചിരിക്കുന്നത്.