Robin Aarti Podi Wedding: റോബിനും ആരതിക്കും പ്രണയസാഫല്യം; വിവാഹ ആഘോഷങ്ങൾക്ക് തുടക്കം

Dr Robin Radhakrishnan Wedding: താന്‍ പ്രണയത്തിലാണെന്നും ഉടന്‍ വിവാഹം കഴിക്കുമെന്നും റോബിന്‍ വ്യക്തമാക്കിയതോടെ ആരാധകര്‍ ആകാംക്ഷയിലായിരുന്നു. എന്നാണ് വിവാഹം എന്ന ചോദ്യം ഉയരാന്‍ തുടങ്ങിയിട്ട് നാളുകളായി.

സമൂഹമാധ്യമങ്ങളിലെ വൈറല്‍ താരങ്ങളാണ് ഡോ. റോബിന്‍ രാധാകൃഷ്ണനും ആരതി പൊടിയും. മലയാളത്തിലെ റിയാലിറ്റി ഷോയിലൂടെയാണ് ഡോ. റോബിന്‍ രാധാകൃഷ്ണൻ ശ്രദ്ധേയനായത്. താന്‍ പ്രണയത്തിലാണെന്നും ഉടന്‍ വിവാഹം കഴിക്കുമെന്നും റോബിന്‍ വ്യക്തമാക്കിയതോടെ ആരാധകര്‍ ആകാംക്ഷയിലായിരുന്നു. എന്നാണ് വിവാഹം എന്ന ചോദ്യം ഉയരാന്‍ തുടങ്ങിയിട്ട് നാളുകളായി.

റോബിന്‍ രാധാകൃഷ്ണനും ആരതി പൊടിയും ഒന്നിച്ചിരിക്കുകയാണ്. ഈ മാസം 16ന് ഗുരുവായൂർ അമ്പലത്തിൽ വച്ചാണ് വിവാഹം എന്നാണ് റോബിന്‍ വെളിപ്പെടുത്തിയിരുന്നത്. ദിവസങ്ങൾ നീണ്ടുനിൽക്കുന്ന ആഘോഷപരിപാടികളാണ് വിവാഹത്തോട് അനുബന്ധിച്ച് സംഘടിപ്പിച്ചിരിക്കുന്നത്. ഹൽദി ചടങ്ങുകളോടെ ആയിരുന്നു ആഘോഷങ്ങൾക്ക് തുടക്കം.

ഇതിന്റെ വിഡിയോയും ചിത്രങ്ങളും സമൂഹമാധ്യമങ്ങളിൽ വൈറലാണ്. മാത്രമല്ല വിവാഹച്ചടങ്ങളുകളും ആഘോഷങ്ങളും തനിക്ക് തന്നെ സര്‍പ്രൈസ് ആണ്, അതെല്ലാം മറ്റുള്ളവരാണ് പ്ലാന്‍ ചെയ്തിരുക്കുന്നത് എന്നാണ് റോബിന്‍ പ്രതികരിച്ചിരുക്കുന്നത്. റോബിന്റെ അഭിമുഖം എടുക്കാനായി അവതാരകയായെത്തിയ ആരതി പൊടിയുമായി പ്രണയത്തിലാകുകയായിരുന്നു.

ഇരുവരും ജീവിതത്തില്‍ ഒന്നിച്ചു. ഇവരുടെ വിവാഹച്ചടങ്ങുകള്‍ ദിവസങ്ങളോളം നീണ്ടുനില്‍ക്കുന്നതാണ്. ഹണിമൂണാകട്ടെ വര്‍ഷങ്ങള്‍ നീണ്ടു നിൽക്കുമെന്നാണ് റോബിൻ വ്യക്തമാക്കിയത്. രണ്ടു വര്‍ഷം നീണ്ടു നില്‍ക്കുന്ന ഹണിമൂണാണ് പ്ലാൻ ചെയ്തിരിക്കുന്നതെന്ന് റോബിൻ നേരത്തെ പറഞ്ഞിരുന്നു.

കുറെ രാജ്യങ്ങളിലേക്കുള്ള ട്രിപ്പാണ് പ്ലാന്‍ ചെയ്തിരിക്കുന്നത്. 27 രാജ്യങ്ങളില്‍ പോകും. ആദ്യം പോകുന്നത് അസര്‍ബൈജാനിലേക്കായിരിക്കും എന്നാണ് റോബിന്‍ പറഞ്ഞിരിക്കുന്നത്. 2023 ഫെബ്രുവരി 16ന് ആയിരുന്നു ആരതി പൊടിയും റോബിൻ രാധാകൃഷ്ണനും തമ്മിലുള്ള വിവാഹ നിശ്ചയം നടന്നത്.