नेहा कक्कर-फाल्गुनी पाठक वादावर चहलची पत्नी धनश्री वर्माने अशी दिली प्रतिक्रिया

मुंबई : प्रसिद्ध गायिका फाल्गुनी पाठक (Falguni Pathak) ने 'मैने पायल है छनकाई' हे गाणे गेल्या काही दिवसांपासून चर्चेत आहे. कारण नेहा कक्करने (Neha kakkar) त्याचे रिमिक्स व्हर्जन गायले आहे. ज्यानंतर आता सोशल मीडिया यूजर्स आणि फाल्गुनी पाठकचे चाहते खूपच संतापले आहेत. फाल्गुनी पाठक म्हणाल्या की, रिमिक्स गाणे ऐकल्यावर फक्त उलटी येणे बाकी होते. ती म्हणाली की जर ती कायदेशीर कारवाई करू शकले असते तर केली असती. पण तिच्याकडे त्याचे अधिकार नाहीत. नेहा कक्करच्या 'ओ सजना' गाण्याच्या व्हिडिओमध्ये धनश्री वर्मा आणि प्रियांक शर्मा दिसत आहेत. आता धनश्री वर्मा यांनी या वादावर प्रतिक्रिया दिली आहे. (Maine Payal Hai Chhankai remix song controvercy)

गाण्यावरून वाद

धनश्री वर्माने (Dhanashree varma) नेहा कक्करने गायलेलं गाणे हे मूळ गाण्यापेक्षा चांगले असल्याचे म्हटले आहे. सोशल मीडिया युजर्सचे म्हणणे आहे की नेहा कक्करने पुन्हा एकदा एक आयकॉनिक गाणे खराब केले. फाल्गुनीने तिच्या अनेक मुलाखतींमध्ये नाराजी व्यक्त केली आहे तर धनश्री आणि प्रियांकला वाटते की संगीतकार आणि गायकाने त्याला न्याय दिला आहे.

युजवेंद्र चहलची (Yuzvendra Chahal) पत्नी धनश्री वर्मा म्हणाली की, आम्हा सर्वांना हे गाणे आवडते. ते ऐकतच आपण मोठे झालो आहोत. हे गाणे आपण आजही दरवर्षी ऐकतो. जेव्हा आम्हाला कळले की त्याचे पुन्हा रिमेक होणार आहे. तेव्हा आम्ही दोघे खूप उत्साहित झालो. कारण आम्हाला माहित आहे की हे गाणे सर्वांना आवडते आणि जर तुम्ही ते पुन्हा तयार केले तर ते आणखी आवडेल.

दुसरीकडे प्रियांक शर्मा म्हणाला की, 'मी पहिल्यांदा हे गाणं ऐकलं तेव्हा हो म्हणायला मला 45-50 सेकंद लागले. हे आधीच एक प्रसिद्ध गाणे आहे आणि त्यांनी ज्या पद्धतीने ते पुन्हा तयार केले आहे ते कौतुकास्पद आहे.