'मिर्झापूर'मधील मुन्ना भैय्याला मिळाला साउथच्या 'या' बड्या सुपरस्टारचा चित्रपट, फर्स्ट लूक व्हायरल
'मिर्झापूर' वेब सीरिजमधून प्रसिद्ध झालेला मुन्ना भैय्या म्हणजेच दिव्येंदु शर्मा तेलुगू चित्रपटात डेब्यू करणार आहे. त्याच्या हाती साउथ सुपरस्टारचा एक चित्रपट लागला आहे. या चित्रपटात जान्हवी कपूर देखील असणार आहे.
)
Divyenndu Sharma : प्राइम व्हिडीओची वेब सीरिज 'मिर्झापूर'मध्ये दिव्येंदु शर्माने मुन्ना भैय्याची भूमिका साकारली होती. त्याची मुन्ना भैय्याची भूमिका प्रेक्षकांना प्रचंड आवडली होती. आज देखील त्याला मुन्ना भैय्या नावाने ओळखले जाते. अशातच अभिनेत्याने चाहत्यांना एक आनंदाची बातमी दिली आहे. मुन्ना भैय्या लवकरच साउथच्या एका मोठ्या सुपरस्टारच्या चित्रपटात दिसणार आहे.
दिव्येंदु शर्माने हिंदी भाषेतील अनेक चित्रपटांमध्ये काम केलं आहे. आता मुन्ना भैय्या तेलुगू चित्रपटात डेब्यू करणार आहे. या मोठ्या चित्रपटात त्याची एन्ट्री झाली आहे. चित्रपटाचे नाव 'RC16' आहे. ज्यामध्ये राम चरण मुख्य भूमिकेत दिसणार आहे. त्यासोबतच या चित्रपटात अभिनेत्री जान्हवी कपूर देखील दिसणार आहे. सध्या या चित्रपटाचे शीर्षक निश्चित झालेले नाहीये. त्यामुळे याला 'RC16'असं म्हटलं जात आहे. राम चरणचा हा 16 वा चित्रपट असणार आहे.
दिव्येंदु शर्माची पहिली झलक
'RC16'चे दिग्दर्शक बुची बाबू यांनी सोशल मीडियाच्या माध्यमातून एक पोस्ट शेअर करून दिव्येंदु शर्माच्या चित्रपटातील प्रवेशाची घोषणा केली आहे. त्याने दिव्येंदुचा फर्स्ट लूक देखील ट्विटवर शेअर केला आहे. त्याचा या चित्रपटातील लूक खूपच खतरनाक दिसत आहे. बुची बाबू यांनी ही पोस्ट शेअर करताना कॅप्शनमध्ये म्हटलं आहे की, 'आमचा भाऊ, तुझा भाऊ, मुन्ना भैय्या. स्वागत दिव्येंदु भाई. चला रॉक करूया.'
'RC16' या चित्रपटात दिव्येंदु शर्मा कोणती भूमिका साकारणार आहे, याबाबत अद्याप कोणतीही माहिती समोर आलेली नाहीये. मुन्ना भैय्याला राम चरणसोबत ऑनस्क्रीन पाहणे खूप मनोरंजक असेल. नुकतेच या चित्रपटाच्या एका छोट्या भागाचे शूटिंग पूर्ण झाले आहे. त्यानंतर आता पुढील शेड्यूलचे शूटिंग लवकरच हैदराबादमध्ये सुरू होणार आहे. जगपती बाबू देखील या चित्रपटाचा एक भाग असणार आहेत. माइथ्री मूवी मेकर्सच्या बॅनरखाली बनलेल्या या चित्रपटाचे लेखन सुकुमार यांनी केले आहे.
Our Bhayya…
Your Bhayya…
MUNNA BHAYYA!Welcome onboard dear @divyenndu brother
Let’s rock it#RC16 pic.twitter.com/55r3LeAzp7— BuchiBabuSana (@BuchiBabuSana) November 30, 2024
या चित्रपटात देखील दिसणार मुन्ना भैय्या
दरम्यान, आता 'RC16'या चित्रपटात दिव्येंदु कोणती भूमिका साकारतो. या चित्रपटासोबत दिव्येंदु शर्मा आणखी एका चित्रपटात दिसणार आहे. 'मिर्झापूर'सीरिजचे निर्माते याच नावाने एक चित्रपट बनवणार आहेत. ज्यामध्ये पुन्हा एकदा दिव्येंदु शर्मा मुन्ना भैय्याच्या भूमिकेत दिसणार आहे.