Shehnaaz Gill गर्दीतून वाट काढताना गोंधळली.. कोणी स्पर्श केलं, तर कोणी हात ओढला

मुंबई : अभिनेत्री शहनाज गिल कायम चर्चेत असते. तिचे व्हिडिओ आणि फोटो सोशल मीडियावर मोठ्या प्रमाणात व्हायरल होत असतात. नुकताच अभिनेत्रीचा आणखी एक व्हिडिओ इंटरनेटवर चर्चेत आहे. या व्हिडिओमध्ये शहनाज गर्दीतून बाहेर पडून स्टेजवर जाते आणि याचदरम्यान अनेक महिला तिचा हात धरून तिला खेचू लागतात. 'बिग बॉस 13' मधून घराघरात आपली ओळख निर्माण करणारी शहनाज गिल सध्या प्रचंड चर्चेत आहे. 

नुकताचं शहनाज ब्रह्मा कुमारींसोबत स्टेज शेअर करताना दिसली. यावेळी शहनाजने तिच्या आयुष्यातील अनेक गोष्टी सांगितल्या. पण स्टेजवर जाण्यापूर्वी शहनाजचा एक व्हिडिओ समोर आला आहे. 

ज्यामध्ये ती गर्दीतून वाट काढताना दिसत आहे. त्याचवेळी तिथे उपस्थित असलेल्या महिला तिला तिच्यावर प्रेम व्यक्त करू लागल्या. अनेक महिला तिच्या गालाला हात लावत होत्या, तर काही महिला तिला ओढत होत्या. 

View this post on Instagram

सध्या व्हायरल होत असलेला शहनाजचा व्हिडीओ दिल्लीतील आहे. शहनाज दिल्लीच्या एनसीआर म्हणजेच गुरुग्राममध्ये ब्रह्मा कुमारींच्या कार्यक्रमात सहभागी झाली होती. हा कार्यक्रम मुलींच्या सक्षमीकरणासाठी होता.

तेव्हा प्रचंड गर्दीमध्ये देखील तिने चाहत्यांना पुन्हा भेटण्याचं वचन दिलं. शहनाजबद्दल सांगायचं झालं तर, ती चाहत्यांना फार महत्त्व देते. तिच्या प्रत्येक कृतीवरून तिचा स्वभाव आणि चाहत्यांवर असलेलं प्रेम दिसून येतं.