Health Tips: रात्री झोपताना पुरुषांना जास्त घाम का येतो? ही कारणं असू शकतात

Causes Of Night Sweats In Men: पैसा, संपत्तीपेक्षा आरोग्य हे सर्वात मोठी गुंतवणूक आहे. त्यामुळे आपल्या आरोग्याची काळजी घेणं आवश्यक आहे. शरीरातील हालचालींवर बारीक नजर असणं आवश्यक आहे. अनेकदा आपण अशा गोष्टींकडे कानाडोळा करतो आणि मोठ्या आजारांना निमंत्रण मिळतं. प्रत्येकाला रात्री शांत झोप मिळणं आवश्यक आहे. कारण अपुरी झोप मिळाल्यास दुसऱ्या दिवसावर परिणाम होतो. रात्री शांत झोप लागली नाही तर तणाव आणि चिंता वाढते. रात्री झोपताना पुरूषांना घाम येण्याची अनेक कारणे असू शकतात, परंतु त्याकडे दुर्लक्ष करू नका. पुरुषांना घाम येण्याचे कारण काय असू शकते? चला जाणून घेऊया.

चिंता किंवा तणाव

जर तुम्ही तुमच्या आयुष्यात चिंता किंवा काही तणावाचा सामना करत असाल तर रात्री झोपताना तुम्हाला जास्त घाम येऊ शकतो. दुसरीकडे, जर तुम्ही कामाच्या दरम्यान जास्त ताण घेत असाल किंवा एखाद्या गोष्टीची चिंता करत असाल तर यामुळे तुम्हाला रात्री घामही येऊ शकतो. अशा परिस्थितीत तुम्ही तणाव घेऊ नये, यासोबतच जास्त विचारही करू नये.

गॅस्ट्रोएसोफेजल रिफ्लक्स

रात्रीच्या वेळी जास्त घाम येण्यामागे जीईआरडी देखील कारण असू शकते. या काळात तुमच्या पोटातील आम्ल अन्ननलिकेत जमा होऊन चिडचिड होऊ शकते, ज्यामुळे तुमच्या हृदयाचे ठोके जलद होऊ शकतात. यामुळे छातीत जळजळ, श्वासोच्छवासाचा त्रास होऊ शकतो. त्यामुळे झोपताना घाम येण्याची तक्रार होऊ शकते.

टेस्टोस्टेरॉनची पातळी कमी होणे

जर टेस्टोस्टेरॉनची पातळी कमी असेल तर तुम्हाला रात्री घाम येऊ शकतो. जसजसे तुम्ही मोठे होतात तसतसे तुमचे शरीर कमी टेस्टोस्टेरॉन तयार करते. त्यामुळे टेस्टोस्टेरॉनची पातळी कमी होते.

(Disclaimer: येथे दिलेली माहिती घरगुती उपचार आणि सामान्य माहितीवर आधारित आहे. याचा अवलंब करण्यापूर्वी वैद्यकीय सल्ला घ्या. ZEE 24 TAAS याची पुष्टी करत नाही.)