60 च्या वयात तिशीसारखं चिरतरुण दिसायचंय तर किती वेळ एक्सरसाइज कराल? संशोधकांनीच सांगितलं गुपित

How Much Exercise is Needed for live long : सुदृढ आणि उत्तम आरोग्यासाठी एक्सरसाइज करणे अत्यंत महत्त्वाचं आहे. व्यायामामुळे वेगवेगळ्या आजारांपासून संरक्षण होते. एवढंच नव्हे तर आपलं मन आणि हृदय निरोगी राहतं. अभ्यासात असा दावा करण्यात आला आहे की, काही चुकीच्या व्यायामांमुळे अकाली मृत्यूचा धोका 50 टक्क्यांनी कमी होतो. अकाली मृत्यू म्हणजे उच्च रक्तदाब, मधुमेह आणि हृदयाशी संबंधित गुंतागुंतांमुळे होणाऱ्या मृत्यूंशी संबंधित आहे. त्यामुळे प्रश्न असा पडतो की, कोणता व्यायाम आणि किती वेळ केल्याने अकाली मृत्यूचा धोका कमी होतो.

किती वेळ व्यायाम करावा?

ग्लोबल डायबिटीज कम्युनिटीच्या वेबसाइटनुसार, संशोधकांनी 5 लाखांहून अधिक लोकांच्या वैद्यकीय डेटाचे विश्लेषण केले. यामध्ये असे आढळून आले की, दर आठवड्याला 75 मिनिटे थोडा हलका व्यायाम आणि अडीच तास कठीण व्यायाम पुरेसा आहे. हे सर्व एकाच वेळी करण्यात काही अर्थ नाही. महत्त्वाचं म्हणजे दररोज दोन सत्रात व्यायाम करा. या संशोधनाचा सरळ अर्थ असा आहे की, जर तुम्ही आठवड्यातून 5 दिवस व्यायाम केला तर तुम्हाला दररोज 15 मिनिटे हलका व्यायाम आणि 30 मिनिटे कठोर व्यायाम करावा लागेल. म्हणजे रोज ४५ मिनिटे. सकाळ आणि संध्याकाळ दरम्यान व्यायामाची विभागणी करावी. 

कशा प्रकारे करावा व्यायाम?

मॉडरेट व्यायाम म्हणजे हलका व्यायाम आणि विगरस व्यायाम म्हणजे कठोर परिश्रम कशाला म्हणतात हे समजून घेणे महत्त्वाचे आहे. जेव्हा तुम्ही जोरात चालता तेव्हा तो एक हलका व्यायाम असतो. यामध्ये तुम्हाला ताशी 5 ते 6 किलोमीटर वेगाने चालावे लागेल. त्याच वेळी, जोरात व्यायामांमध्ये धावणे आणि पोहणे यासारख्या गोष्टींचा समावेश होतो. यामध्ये रोज एकाच प्रकारचा व्यायाम करावा लागत नाही तर वेगवेगळ्या प्रकारचे व्यायाम करावे लागतात. WHO ने आठवड्यातून अडीच तास मध्यम व्यायाम आणि 15 मिनिटे जोरदार व्यायाम करण्याचा सल्ला दिला आहे. यासोबतच आठवड्यातून दोन दिवस वेट ट्रेनिंग एक्सरसाइज करण्याचा सल्लाही त्यात समाविष्ट आहे.

हार्ट अटॅक, स्ट्रोकचा धोका 70 टक्क्यांहून कमी 

रिसर्च टीमने अडीच तास जोरात व्यायाम करण्याचा सल्ला दिला आहे. या संशोधकांच्या टिममध्ये स्पेन, ऑस्ट्रेलिया, कॅनडा आणि डेन्मार्क येथील संशोधकांचा समावेश होता. या टीमने 1997 ते 2018 दरम्यान 5 लाख लोकांच्या व्यायामाची वेळ आणि आजारांचे विश्लेषण केले. विश्लेषणात असे आढळून आले की, ज्यांनी अडीच ते तीन तास जोरदार व्यायाम केला आणि 45 मिनिटे मध्यम व्यायाम केला त्यांना हृदयविकाराचा झटका किंवा पक्षाघाताने मृत्यू होण्याचा धोका 70 टक्क्यांहून कमी होता. त्याच वेळी, कर्करोगाने मृत्यूचा धोका देखील 56 टक्क्यांनी कमी झाला आहे.