Edible Oils Price | खाद्य तेलाचे किंमतीत मोठी घसरण; सरकारने कंपन्यांना दिले आदेश

नवी दिल्ली : Edible Oils Price:सर्वसामान्यांसाठी मोठी दिलासादायक बातमी आहे. देशातील प्रमुख खाद्यतेल उत्पादकांनी पुढील आठवड्यापर्यंत पाम तेल, सोयाबीन आणि सूर्यफूल तेल यांसारख्या सर्व आयातित खाद्यतेलांवरील एमआरपी 10 रुपयांनी कमी करण्याचे आश्वासन दिले आहे. अधिक अपडेट्स जाणून घेऊया.

Edible Oils Price Down: वाढत्या महागाईच्या काळात सर्वसामान्यांसाठी मोठा दिलासा देणारी बातमी आहे. आता पुन्हा एकदा खाद्यतेलाच्या दरात कपात होणार आहे. केंद्र सरकारने खाद्यतेल उत्पादकांना आठवडाभरात दर कमी करण्यास सांगितले आहे. वृत्तसंस्था पीटीआयने सांगितले की, कमाल किरकोळ किंमत (MRP) प्रति लिटर 10 रुपयांपर्यंत कमी करण्याचे आदेश अन्न सचिव सुधांशू पांडे यांनी दिले आहेत. 

सरकारने दिलेली माहिती

अन्न सचिव सुधांशू पांडे म्हणाले, “आम्ही खाद्य तेल कंपन्यांना कळवले आहे की गेल्या एका आठवड्यात जागतिक किमती 10% कमी झाल्या आहेत. या घसरणीचा फायदा ग्राहकांना मिळायला हवा. आम्ही कंपन्यांना एमआरपी कमी करण्यास सांगितले आहे.

सुधांशू पांडे यांच्या म्हणण्यानुसार, प्रमुख खाद्यतेल उत्पादकांनी पुढील आठवड्यापर्यंत पाम तेल, सोयाबीन आणि सूर्यफूल तेल यांसारख्या सर्व आयातित खाद्यतेलांवरील एमआरपी 10 रुपये प्रति लिटरने कमी करण्याचे आश्वासन दिले आहे. खाद्यतेलाचे दर कमी झाले की इतर स्वयंपाकाच्या तेलांचे दरही खाली येतील, असे ते म्हणाले.

सध्या वेगवेगळ्या प्रदेशात लिटरमागे तीन ते पाच रुपयांचा फरक आहे. सरकारच्या या सूचनेनंतर सर्वसामान्यांना नंतर दिलासा मिळणार आहे.

हे लक्षात घेण्यासारखे आहे की यापूर्वी पंतप्रधान नरेंद्र मोदी यांनी देखील राज्यांना व्हॅट कमी करण्याचे आवाहन केले होते, जेणेकरून लोकांना खाद्यतेलाच्या वाढत्या किमतीपासून दिलासा मिळू शकेल.