OYO रूम्समध्ये CCTV लावून कपल्सना करायचे Blackmail,पोलिसांनी असा केला गँगचा पर्दाफाश
OYO रूम्स वापरताय आताच सावध व्हा! नाहीतर ब्लॅकमेलिंगचे शिकार व्हाल, काय आहे संपुर्ण प्रकरण?
)
नोएडा : गेल्या काही वर्षापासून ओयो रूम्स (OYO Rooms) वापरण्याचे प्रमाण वाढलं आहे. अनेक कपल्स एकमेकांसोबत वेळ घालवण्यासाठी ओयो रूमचा वापर करतात.मात्र अशाप्रकारचे रूम्स घेऊन वेळ घालवणे अनेक कपल्सना महागात पडले आहे. कारण काही कपल्सना ब्लॅकमेलिंगचा (Blackmail) करण्यात आल्याचा प्रकार समोर आला आहे. या घटनेबाबत कपल्सनी पोलिसांकडे तक्रार केली होती. या तक्रारीनंतर पोलिसांनी या घटनेचा उलगडा केला.
घटनाक्रम काय?
पोलिसांनी दिलेल्या माहितीनुसार, आरोपी हॉटेलचे रूम बूक करायचे, त्यानंतर रूममध्ये जाऊन ते सीसीटीव्ही (CCTV) लावायचे. हे सीसीटीव्ही लावल्यानंतर ते रूम सोडायचे. यानंतर याचं रुममध्ये येणाऱ्या कपल्सचे ते अश्लील व्हिडिओ बनवायचे. साधारण प्रत्येक घटनेआधी हे आरोपी अशाप्रकारे सीसीटीव्ही लावून कपल्सची रूममधील अश्लील कृत्य सीसीटीव्हीत कैद करायचे.
कपल्सना करायचे ब्लॅकमेल?
आरोपी रूम्समध्ये सीसीटीव्ही (CCTV) लावून कपल्सचे ते कृत्य सीसीटीव्हीत कैद करायचे. त्यानंतर आरोपी सीसीटीव्ही लावलेला तोच रूम बूक करून सीसीटीव्ही काढायचे आणि त्यातल्या व्हिडिओ फूटेज ताब्यात घ्यायचे. या व्हिडिओ फूटेजवरून कपल्सना ब्लॅकमेल करायचे आणि कपल्सने विरोध केल्यास त्यांना व्हायरल करण्याची धमकी द्यायचे. विशेष म्हणजे आरोपींच्या या कृत्याची ओयो मालकांना काही एक कल्पना नव्हती.
OLX वरूनही फसवणूक करायचे
आरोपी OLX वर आयफोनच्या जाहिराती देऊन ग्राहकांना कमी किमतीत विकण्याचे आमिष दाखवून लूटायचे. गेल्या 2 वर्षांपासून हा प्रकार सर्रास सुरु होता. यात आरोपीने असंख्य ग्राहकांना लुबाडत कोट्यवधी रुपयांची फसवणूक केली.
गँगला अटक?
पोलिसांनी या प्रकरणी गढी चौखंडी येथून विष्णू सिंग, अब्दुल वहाव, पंकज कुमार आणि अनुराग कुमार सिंग यांना अटक केली आहे. हे सर्व आरोपी तीन वेगवेगळ्या टोळ्यांशी संबंधित आहेत. या गँगने पोलिस (Police) तपासात अनेक खुलासे केले.
उत्तरप्रदेशमध्ये (Uttar pradesh) ही घटना घडली आहे. या घटनेत पोलिसांनी चार लोकांना अटक केली आहे. या प्रकरणी अधिक तपास सुरु आहे.