Maharashtra Vidhan Sabha Election Breaking News LIVE: राज्यात विधानसभा निवडणुकांमुळं राजकीय वातावरण तापलं आहे. राज्यातील घडामोडींचा सविस्तर आढावा एका क्लिकवर
8 Nov 2024, 11:18 वाजता
Maharashtra Vidhan Sabha Election Breaking News LIVE: प्रा. लक्ष्मण हाके यांच्या गाडीवरील हल्ला प्रकरणात 10 जणांना कंधार पोलीसांनी घेतले ताब्यात
Maharashtra Vidhan Sabha Election Breaking News LIVE: सहायक पोलिस निरीक्षकाच्या तक्रारीवरुन 30 जणांवर गुन्हा दाखल. गैर कायद्याची मंडळी जमवून उमेदवाराचे वाहन थांबवले. पोलीस कर्मचाऱ्याशी झटापट करुन जखमी केले. पोलीसांशी वाद घालून शासकीय कामात अडथळा आणल्याप्रकरणी गुन्हा दाखल करण्यात आला आहे.
8 Nov 2024, 11:14 वाजता
Maharashtra Vidhan Sabha Election Breaking News LIVE: कोपरगावात अपक्ष उमेदवाराचा प्रचार पॅटर्न ठरतोय चर्चेचा विषय
Maharashtra Vidhan Sabha Election Breaking News LIVE: एकीकडे अनेक उमेदवारांकडून हायटेक प्रचार यंत्रणा राबवली जात असताना अहिल्यानगर जिल्ह्यातील कोपरगाव मतदारसंघात एका अपक्ष उमेदवाराचा प्रचार पॅटर्न चर्चेचा विषय ठरतोय.. संजय भास्कर काळे या अपक्ष उमेदवाराला कचरापेटी चिन्ह मिळाले असून त्यांनी अनोख्या पद्धतीने आपला प्रचार सुरू केलाय
8 Nov 2024, 10:23 वाजता
Maharashtra Vidhan Sabha Election Breaking News LIVE: अमित ठाकरे यांनी दादर समुद्र किनारा केला स्वच्छ
Maharashtra Vidhan Sabha Election Breaking News LIVE: छटपूजन निमित्त अनेक भाविक समुद्रकिनारी पूजा करतात. पूजा झाल्यानंतर या ठिकाणी निर्माल्यावर इतर वस्तू पडलेल्या असतात. याची सफाई करण्यासाठी माहीम विधानसभा मतदार संघाचे मनसे उमेदवार अमित ठाकरे आपल्या विद्यार्थी मनसे कार्यकर्त्यांना सोबत घेऊन दादर बीच वर साफसफाई केली. यावेळी अमित यांच्या पत्नी मिताली ठाकरे सोबत आहेत
8 Nov 2024, 10:16 वाजता
Maharashtra Vidhan Sabha Election Breaking News LIVE: नालासोपार्‍यात एटीएम व्हॅनमध्ये आढळले साडेतीन कोटी रुपये
Maharashtra Vidhan Sabha Election Breaking News LIVE: नालासोपारा एसटी आगाराजवळ गुरूवारी दुपारी एका एटीएम व्हॅनमध्ये साडेतीन कोटी रुपयांची रोकड आढळली आहे. गुन्हे शाखा ३ च्या पथकाने ही रोकड असलेली व्हॅन जप्त केली असून एवढी रक्कम कुणासाठी आणली त्याची चौकशी सुरू आहे.
8 Nov 2024, 09:32 वाजता
Maharashtra Vidhan Sabha Election Breaking News LIVE: ईडीपासून बचाव करण्यासाठी पक्ष सोडून गेलेः संजय राऊत
Maharashtra Vidhan Sabha Election Breaking News LIVE: ईडीला घाबरून पक्ष सोडून गेले. ईडीचा दबाव हे पक्षफोडीमागे मुख्य कारण, अशी टीका संजय राऊत यांनी केली आहे.
8 Nov 2024, 08:59 वाजता
Maharashtra Vidhan Sabha Election Breaking News LIVE: नवी मुंबई पामबीच मार्गावर कारच्या अपघातात एकाचा मृत्यू
Maharashtra Vidhan Sabha Election Breaking News LIVE: बेलापूर येथुन पामबीच मार्गे ऐरोली येथे जाणाऱ्या रेनॉल्ट क्विड कारला पाठीमागून भरधाव थार गाडीने धडक दिल्याने झालेल्या अपघातात कार चालकाचा मृत्यू तर त्याची पत्नी व 4 वर्षीची मुलगी गंभीर जखमी झाल्याची घटना गुरुवारी पहाटे पामबीच मार्गावर नेरुळ येथील सारसोळे येथे घडली. या अपघातानंतर पळून गेलेल्या थार कार चालकाला नेरुळ पोलिसांनी सकाळी अटक केली आहे. या अपघातातील थार कार चालकाने मद्यदुंध अवस्थेत रेनॉल्ट क्विड कारला धडक दिल्याचे आढळुन आले आहे.
8 Nov 2024, 08:58 वाजता
Maharashtra Vidhan Sabha Election Breaking News LIVE: जळगावात 25 लाख रुपयांची रोख रक्कम जप्त
Maharashtra Vidhan Sabha Election Breaking News LIVE: जळगाव शहरातील शनिपेठ भागात एका व्यक्तीकडून 25 लाख रुपयांची रोख रक्कम पोलिसांनी जप्त केली असून गस्ती दरम्यान पोलिसांना सदर व्यक्तीच्या हालचाली संशयित वाटल्याने पोलिसांनी सदर व्यक्तीची चौकशी केली असता एका बॅगमध्ये सदर व्यक्तीकडे 25 लाख रुपये रोख रक्कम आढळून आली. सदर रकमेबाबत कुठलाही पुरावा सादर न केल्यामुळे पोलिसांनी या व्यक्तीस ताब्यात घेतले असून प्रमोद हिरामण पवार असे ताब्यात घेण्यात आलेल्या व्यक्तीचे नाव असल्याची माहिती पोलिसांनी दिली आहे. दरम्यान सदर व्यक्तीकडे एवढी रक्कम कुठून आली याबाबत पोलिसांकडून चौकशी सुरू असून दुसरीकडे मात्र एका बड्या नेत्याची ही रक्कम असल्याची चर्चा आहे
8 Nov 2024, 08:24 वाजता
Maharashtra Vidhan Sabha Election Breaking News LIVE: जालन्यात 52 लाख रुपये जप्त
Maharashtra Vidhan Sabha Election Breaking News LIVE: जालना : स्थानिक गुन्हे शाखेची एका अज्ञात वाहनावर कारवाई. 52 लाख रुपये जप्त केले असून शहरातील किरण पेट्रोल पंपाजवळील घटना आहे. या प्रकरणाची चौकशी सुरू आहे.
8 Nov 2024, 08:23 वाजता
Maharashtra Vidhan Sabha Election Breaking News LIVE: धुळ्यात पंतप्रधान मोदींच्या सभेची जय्यत तयारी
Maharashtra Vidhan Sabha Election Breaking News LIVE: महाराष्ट्र विधानसभा निवडणुकीच्या प्रचाराची सुरुवात पंतप्रधान नरेंद्र मोदी धुळे शहरातून करणार आहेत. धुळे शहरातील दसरा मैदान येथे त्यांची सभा संपन्न होणार असून, दुपारी बारा वाजेला पंतप्रधान नरेंद्र मोदी धुळे शहरात येतील. या ठिकाणी सभेला एक लाखांपेक्षा अधिकचा जनसमुदाय असेल असा दावा आयोजकांनी व्यक्त केला आहे. तर 3000 पेक्षा अधिकचा पोलीस बंदोबस्त तैनात करण्यात आलेला आहे. सहा विधानसभा मतदारसंघांच्या प्रचारासाठी नरेंद्र मोदी धुळ्यात येत आहेत. धुळे शहर, धुळे ग्रामीण, साक्री, शिरपूर, शिंदखेडा आणि मालेगाव ग्रामीण या मतदार संघाच्या प्रचारासाठी मोदी हे आज सभा घेत आहेत
8 Nov 2024, 08:18 वाजता
Maharashtra Vidhan Sabha Election Breaking News LIVE: अलिबागमध्ये महाविकास आघाडीतील तिढा सुटला
Maharashtra Vidhan Sabha Election Breaking News LIVE: अलिबाग मतदार संघात महाविकास आघाडीतील शिवसेना ठाकरे गट आणि शेतकरी कामगार पक्ष यांच्यातील तिढा सुटला आहे. दोन्ही पक्षाच्या पदाधिकाऱ्यांमध्ये मनोमिलन झाले आहे. शेकापच्या उमेदवार चित्रलेखा पाटील यांनी अलिबाग मधील शिवसेना मध्यवर्ती कार्यालयास भेट दिली. यावेळी शिवसैनिकांनी त्यांचे स्वागत केले. आणि त्यांना निवडून आणण्यासाठी प्रयत्न करणार असल्याचे जाहीर केले. अलिबाग मध्ये जसा आम्ही शेकापला पाठींबा देत आहोत तसा शेकापने पेण मध्ये शिवसेनेला पाठींबा द्यावा अशी मागणी यावेळी करण्यात आली
