धनुषनं 10 कोटींची नोटीस बजावल्यानंतर नयनताराला श्रृती हासनसहीत 'या' दाक्षिणात्य अभिनेत्रींचा पाठिंबा
Nayanthara-Dhanush : धनुषसोबतच्या वादात आता अभिनेत्रींनी दिला नयनताराला पाठिंबा...
)
Nayanthara-Dhanush : दाक्षिणात्य अभिनेत्री नयनतारा ही तिनं नुकत्याच शेअर केलेल्या पोस्टमुळे चर्चेत आहे. नयनताराची नेटफ्लिक्सवरील डॉक्यूमेंट्री 'नयनतारा: बियॉन्ड द फेरीटेल' वरुन धनुषनं जी नोटीस बजावली त्यावर तिनं ही पोस्ट शेअर केली आहे. तिनं थेट सोशल मीडियावर धनुषला टॅग करत एक पोस्ट शेअर केल्यामुळे सगळीकडे याविषयीच चर्चा सुरु आहे. दरम्यान, नयनतारानं शेअर केलेल्या पोस्टवर सगळ्यांनी वेगवेगळ्या प्रतिक्रिया दिल्या आहेत. तर धनुषसोबत काम केलेल्या काही अभिनेत्रींनी नयनताराला पाठिंबा दिला आहे.
नयनतारानं सोशल मीडियावर एक पोस्ट शेअर केली. या पोस्टमध्ये तिनं ढोंगी असल्याचं म्हणतं अनेक गोष्टी सांगितल्या आहेत. नयनतारानं शेअर केलेल्या या पोस्टला लाइक करत नयनताराला पाठिंबा दिला आहे. नयनताराच्या पोस्टला धनुषच्या सहकलाकार श्रृती हासन (Moonu), ऐश्वर्या राजेश (Vada Chennai), ऐश्वर्या लक्ष्मी (Jagame Thandhiram), नाझरिया नझीम (Naiyaandi), अनुपमा परमेश्वरन (Kodi), पार्वती थिरुवोथु (Maryan), मंजिमा मोहन Nilavuku Enmel Ennadi Kobam) आणि गौरी जी क्रिश्नन (Karnan) या सगळ्या कलाकारांनी लाईक करत नयनताराला पाठिंबा दिला आहे. इतकंच नाही तर पार्वतीनं तर नयनताराची पोस्ट तिच्या इन्स्टाग्राम अकाऊंटच्या स्टोरीवरून शेअर केला आहे.
नयनताराच्या आयुष्यावर असलेली ही डॉक्युमेंट्री 18 नोव्हेंबर रोजी नेटफ्लिक्सवर प्रदर्शित होणार आहे. या डॉक्युमेंट्रीमध्ये नयनतारा आणि विग्नेश शिवनची लव्ह स्टोरी दाखवण्यात आली होती. त्यांची ही लव्ह स्टोरी Naanum Rowdy Dhaan या चित्रपटाच्या सेटवर सुरु झाली होती. तर याच चित्रपटाचा निर्माता धनुष होता. तर या चित्रपटातील काही सीन दाखवण्यावरुन नयनतारानं परवानगी मागितली होती त्यावर धनुषनं काही प्रतिक्रिया दिली नाही आणि थेट नोटीस बजावल्यानं ती संतापली आहे.
दरम्यान, नयनतारानं लिहिलेल्या पत्रात तिनं म्हटलं की तिला धनुषनं परवानगी दिली नाही त्यामुळे तिनं चित्रपटातील सीन न वापरता फक्त बीहाइंड द सीनचे क्लिप वापरले कारण ते ऑनलाईन फ्रीमध्ये उपलब्ध आहेत. तरी देखील धनुषनं नोटीस बजावत त्याची परवानगी घेतली नाही असं म्हटलं.